Ndërroi jetë një nga të burgosurit e Brodecit

Në burgun e Manastirit ka ndërruar jetë Hanif Dervishi, 53 vjeç, i arrestuar ne aksionin policor ne fshatin Brodec në nëntor të vitit 2007. Ai ishte i dënuar me 10 vite burg, ndërsa pas obduksionit të kryer, nga instituti i mjekësisë ligjore është konstatuar se ai ka ndërruar jetë nga infarkti i rëndë.

Lajmin per vdekjen e Dervishit e kane konfirmuar Kadri Dauti, familjar i te arestuarve nga fshati Brodec dhe avokati Muzafer Demiri.Sipas Kadri Dautit, Hanifi ka ndruar jete ne burgun e Manastirit.

"Banorët e Brodecit janë të shqetësuar për fatin e bashkëfshatarëve të tyre, ndërsa Hanifi, e dijnë krejt se është i pafajshëm, mirëpo dëshirojmë që ai të prehet i qetë në vendlindjen e tij", ka theksuar Dauti. Burime pranë burgut të Manastirit për mediat maqedonase kanë bërë të ditur se ndërhyrja mjekësore ndaj të burgosurit Dervishi ka qenë e vonuar. (INA)

Titulli: Ndërroi jetë një nga të burgosurit e Brodecit

Ngushellime Familjes..


Vdekja e tradhtarve dhe fashistve sllavobullgar maqedonas.......


RROFTE POPULLI SHQIPTAR
RROFTE SHQIPERIA ETNIKE

Titulli: Ndërroi jetë një nga të burgosurit e Brodecit

Në Brodec varroset Hanif Dervishi, familja dyshon të jetë vrarë

Sot në fshatin Brodec u varros, Hanif Dervishi, i cili dje rreth orës gjashtë të mëngjesit vdiq në burgun e Manastirit. Shkaku i vdekjes së Hanif Dervishit sipas drejtoreshës së burgut ka qenë sulmi në zemër, por familjarët dyshojnë në këto njoftime, pasi sipas tyre, Hanif Dervishi asnjhërë nuk është ankuar nga ndonjë sëmundje.
“Nuk ka pasur asnjë dhimbje, unë para dy muajsh kur erdha pre Italie e pash shumë mirë ishte me shëndet jam dëgjuar në telefon thuaj, se cdo ditë nuk ka pas asnjë dhimbje, babain tim ma kanë mbytur në burg. Unë i lus partitë shqiptare që ta zgjedhin rastin e vdekjes së babait tim, dhe i falenderoj shumë se kanë punu vërtetë për ne shqiptarët na kanë çu përpara dhe na i sjellin njerëzit e pafajshëm në shtëpi të vdekur.”, thotë Uzair Dervishi, djali i të ndjerit.
Edhe shoqja e Hanifit shprehet se burri i saj asnjhëherë nuk ka qenë i sëmurë ndërsa kundërshton aktgjykimin se gjoja ai është dënuar për veprimtari terrosite.
“Unë për caktimin e zotit jam muslimane dhe e pranoj dhe gjethi i malit pa lejen e zotit nuk pikon, ama ky është mbytur dhe ka vdekur, dhe nuk e pranoj vdekjen se paska pas infarkt.”, thotë Rukije Dervish, e shoqja.
Ndryshe 53 vjeçari Hanif Dervishi, ka qenë i arrestuar në akcionin policorë “Stuhia Malore”, dhe i njëjti ka qenë i dënuar me dhjetë vite heqje lirie. Familjarët e Hanif Dervishit thonë se do kërkojnë llogari prej institucioneve kompetente ndërsa çështjen do ta ngrisin edhe para institucionit të Avokatit të Popullit. Ky i fundit tha për Alsat se nëse familjrët kërkojnë autopsi të re për të ndjerin dhe nëse konstatohen dallime mes dy autosoive të bëra atëherë Avokati i Popullit do të ngris procedurën e shyqrtimit të rastit.


Bashkim Sulejmani alsat-m

Titulli: Ndërroi jetë një nga të burgosurit e Brodecit

OVL e UاK-së shqetësime për vdekjen e të burgosurit të Brodecit

Organizata e Veteranëve të Luftës të UاK-së ka shprehur shqetësime dhe keqardhje për vdekjen e të burgosurit nga fshati Brodec, Hanif Dervishi në rrethana të pasqaruara në burgun e Manastirit.

“Fatkeqësisht, dy vite më pas, fshati Brodec mori dhe goditjen e dytë, kur njëri nga të burgosurit, Hanif Dervishi, ndërroi jetë, duke vuajtur dënimin e shqiptuar, edhe pse ai dhe bashkëfshatarët e tij, janë të pafajshëm. Ky rast shton pikëllimin për këtë tragjedi, prandaj, ne si Organizatë e Veteranëve të Luftës së Ushtrisë اlirimtare Kombëtare, familjes së të ndjerit, i shprehim ngushëllimet tona, duke dashur që të ndajmë dhimbjen bashkë me të afërmit e Hanif Dervishit”, ka nënvizuar OVL e UاK-së.

Sipas saj, vdekja e mistershme e tij bën që të hidhet hije dyshimi mbi këtë rast, andaj si[ nënvizohet shprehet indinjatë për heshtjen e vazhdueshme të deputetëve shqiptarë.

“Ata edhe për këtë rast, ashtu si edhe deri më sot, nuk kanë bërë as më pak e as më shumë se një HIا për Brodecin dhe të burgosurve të këtij fshati. Madje, këta deputetë bëhen aq të paskrupullt sa që, i vetmi angazhim i tyre është vetëm ruajtja e kolltukut të ngrohtë të një deputeti, duke heshtur para padrejtësive që drejtpërsëdrejti rëndojnë mbi supet e popullit shqiptar që i ka votuar. Për të qenë më skandalozë, këta deputetë jo vetëm që nuk angazhohen për lirimin e të pafajshmëve nga burgu, por rastet e tilla si këtë të Brodecit, apo edhe ate të Sopotit, i kanë shëndrruar në një tregti politike mes partnerëve të koalicionit qeveritar”, theksojnë veteranët e UاK-së.

OVL-UاK-së po shqyrton mundësinë e përgatitjes së një ekipi prej afër 200 veteranëve, të cilët do të jenë të gatshëm të angazhohen drejtpërsëdrejti në ndihmë qytetit të Shkodrës, në rast përkeqësimi të situatës së tmerrshme që po kalon kjo zonë, si rezultat i përmbytjeve të shkaktuara nga moti i ligë.

(A.Mehmeti/INA)

Titulli: Ndërroi jetë një nga të burgosurit e Brodecit

Në Maqedoni shkilen të drejtat e njeriut


Forumi Ndërkombëtar për të Drejtat dhe Liritë e Njeriut në Maqedoni (FNDLNJ), reagon ashpër ndaj mënyrës së konstatimit të vdekjes së Hanefi Dervishit nga ana e autoriteteve maqedonase të burgut.

“Viktima e radhës e rastit të Brodecit, Hanefi Dervishi, është edhe një dëshmi për shkeljen flagrante të lirive dhe të drejtave të njeriut nga ana e organeve shtetërore të Maqedonisë.Vdekja misterioze e Dervishit në qelitë e burgut, edhe njëherë dëshmon faktin e dëshmuar edhe nga Forumi ynë, se në rastin e Brodecit janë viktimizuar njerëz të pafajshëm për qëllime të caktuara politike”, thuhet në reagimin e FNDLNJ-së.

Me këtë rast kjo organizatë kërkonë që të inkuadrohet një komision ndërkombëtarë, për të bërë rishikimin e hollësishëm të rrethanave në të cilat ka ndërruar jetë viktima e Brodecit.

“Njëkohësisht, kërkojmë që sa më parë të shqyrtohet rasti i Brodecit, dhe të ndërpritet masa e burgimit ndaj të burgosurve të tjerë që vuajnë dënimet e pamerituara”, thuhet më tej në reagim.

Forumi Ndërkombëtar për të Drejtat dhe Liritë e Njeriut në Maqedoni, shprehë ngushëllimet më të thella ndaj familjes Dervishi për humbjen e njeriut të tyre të shtrenjtë, duke i inkurajuar se një ditë do të del në shesh drejtësia. (INA)

Titulli: Ndërroi jetë një nga të burgosurit e Brodecit

Brodeci sërish në Strasburg


Vdekja e mistershme e Hanif Dervishit nga Brodeci në fillim të janarit të këtij viti në burgun e Manastirit po shqyrtohet nga Gjykata e Strasburgut për të drejtat e njeriut. Një komision nga gjykatës ndërkombëtarë pritet të vijnë në Brodec për të konstatuar nëpërmjet një obduksioni të ri rrethanat e vdekjes së Hanifit të ndjerë, i cili ishte një nga 13 viktimat që po vuanin dënimin prej 192 vite burg në burgun e Manastirit për rastin e Brodecit të nëntorit të vitit 2007.

Forumi Ndërkombëtarë për të Drejtat e Njeriut (IGFM) ka bërë kërkesë në Gjykatën e Strasburgut për të Drejtat e Njeriut që të dërgojnë një Komision të ekspertëve ndërkombëtarë për të shqyrtuar në detaje shkaqet e vdekjes së Hanif Dervishit, i cili ndërroi jetë në fillim të muajit të kaluar në burgun e Manastirit.. Kjo është bërë pasi kanë lindur dyshimet nga familjarët më të afërt të të ndjerit për vdekjen e tij, duke e quajtur si tejet të dyshimtë, pasi që babai i tyre nuk ankonte nga ndonjë sëmundje. Por Forumi për të drejtat e njeriut IGFM është i vendosur për të çuar deri në fund rastin.

“ Ne kemi përgaditur lëndën dhe në formë kërkese i`a kemi dërguar Strasburgut. Paraprakisht kemi marrë sqarime të detajuara edhe nga familjarët e të ndjerit në Brodec. IGFM duke siguruar mbështetjen edhe nga qendra nga Frankfurt po kërkojmë zhvarrosjen e trupit dhe nëpërmjet një obduksioni të konstatojmë vdekjen e tij dhe rrethanat që kanë shkaktuar ate, për të larguar përfundimisht dilemat dhe misteret që po ndërlidhen akoma me këtë vdekje”, ka theksuar kryetari i IGFM-së në Maqedoni, Idriz Sinani. Uzair Dervishi, djali i të ndjerit, i cili gjendjet me punë të përkohshme në Itali ka nxjerrë dyshime se babai i tyre është i mbytur në burg.

“Nuk ka pasur asnjë dhimbje, unë dy muaj para vdekjes së tij kur erdha pre Italie e pash shumë mirë ishte me shëndet, jam dëgjuar në telefon thuajse çdo ditë. Nuk ka pasur asnjë dhimbje. Babain tim ma kanë mbytur në burg”, ka theksuar Uzairi, duke kërkuar përgjegjësi nga partitë politike shqiptare, që sipas tij, i sjellin njerëzit e pafajshëm në shtëpi të vdekur. Edhe bashkëshortja e të ndjerit në ditën e varrimit të tij kishte pohuar se burri i saj është i eliminuar në burg dhe nuk ka pranuar ajo faktin se ai kishte vdekur nga infarkti apo sëmundja e zemrës. Versioni zyrtar i konfirmuar nga Burgu i Manastirit ka qenë se Hanif Dervishi, 53 vjeç kishte vdekur nga sëmundja e infarktit.

Rasti i Brodecit vazhdon të jetë një nga ngjarjet e kobshme që ka goditur banorët e këtij fshati, pas sulmit të njësiteve policore ndaj një grupi të armatosur në nëntor të vitit 2007, kur gjashtë persona u vranë, ndërsa u dënuan 13 banorë të tjerë me 192 burg, të akuzuar për vepra terroriste. Kjo ngjarje vazhdon të shfrytëzohet edhe për qërim të hesapeve politike midis partive shqiptare në Maqedoni. (INA)