fcbesia
Anëtar i Respektuar
Shqipëria barazoi 1- 1 në miqësoren që luajti dje në Baku,kundër vendësve të Azerbajxhanit. Kuqezinjtë zhvilluan një takim të nivelit mesatar, nëse merret parasysh fakti që skuadra e drejtuar nga Ari Han jo vetëm që luajti me dhjetë lojtarë për më tepër se gjysmën e ndeshjes, por iu desh të maste forcat edhe me një gjyqtar të njëanshëm. Përfaqësuesja shqiptare e nisi me vrull lojën, duke rrezikuar që në fillim me Duron, por goli në pozicion të dyshimtë i azerbajxhanasve që në minutën e katërt, fut në kaos dhe nervozon tej mase lojtarët shqiptarë. Më pas, ai që i hedh benzinë zjarrit është arbitri kryesor, Lasha Silagava, i cili ndëshkon dy lojtarë më të verdhë (Agollin e Vangjelin),ende pa kaluar 10 minutat e para. Megjithatë, ekipi shqiptar nuk dorëzohet dhe në minutën e 11-të ndeshjes është kapiteni Skela ai që barazon shifrat,pas një kombinimi me Berishën në zonën e rreptësisë. Ky ishte goli i 10-të për fantazistin e përfaqësueses shqiptare, i cili dje ishte kapiten i kuqezinjve, ndërsa dy ditë më parë festoi 32- vjetorin e tij të lindjes. Futbollisti që luan te Kotbusi ishte ndër të paktit që arriti të bënte diferencën në fushën e lojës dhe që spikati nga lojtarët shqiptarë. Në minutat në vazhdim, skuadra vendëse fiton terren dhe e sulmon më shpesh ekipin e drejtuar nga Ari Han. Këta të fundit shfaqen shpeshherë të pasigurt në mbrojtje dhe e lejojnë kundërshtarin modest që të zbresë në zonën e tyre lehtësisht. Padyshim, që një meritë të madhe në dominimin e azerbajxhanasve në fushë kishte edhe gjyqtari gjeorgjian, Silagava, i cili shpeshherë shtangte edhe vetë tifozët apo lojtarët vendës, me favoret që u bënte në fushë. Në fund të pjesës së parë pati tension në fushën e lojës, pasi arbitri ndëshkoi në mënyrë të çuditshme me karton të kuq qendërmbrojtësin Beqiri. Në pjesën e dytë, kuqezinjtë dolën me vonesë në lojë, si për t’i treguar gjyqtarit gjeorgjian se e kishte bërë baltë në pjesën e parë, por kjo pak ndikoi në nivelin e gjykimit. Përfaqësuesja shqiptare u përpoq disa herë që të bënte ndonjë surprizë, por pas minutave të para u fokusua më tepër në fazën mbrojtëse, duke e pasur të vështirë të luante në sulm, për shkak se ishte në inferioritet numerik. Tekniku kuqezi i dha mundësinë edhe Gilman Likës e Xhevahir Sukajt që të luanin disa minuta në këtë ndeshje, por aktivizimi i tyre nuk solli golin e fitores për kuqezinjtë.Duhet thënë se pas disa provokimeve nga ana e gjyqtarit, një pjesë e mirë e lojtarëve shqiptarë e humbën qetësinë. Kjo u reflektua më së miri te Bulku, Dallku, Vrapi dhe Vangjeli, të cilët nuk po arrinin të dilnin në lojën e tyre.
Shenues:
Subashiç 4’, Skela 12’
FORMACIONET
AZERBAJXHANI: Mehtiev (46’ Veliev), Junisoglu, Idika
(Dzhaligov 46’), Shukurov, Sadihov, اertoganov (Abdilajev 79'),
Abasov, Mamedov (46’ Gusenov), Dzhvadov, Seinalov, Subashiç
(Nadirov 69’). Trajner: Berti Bogts
SHQIPثRIA: Hidi, Beqiri, Vangjeli (46’ Lila), Dallku, Vrapi, Curri,
Agolli (Muzaka 95’), Bulku, Duro (Lika 73'), Berisha (Sukaj 85’),
Skela. Trajner: Ari Han
KARTONث Tث VERDHث: Zeinalov/ Duro, Agolli, Skela
KARTON I KUQ: Beqiri 45
Shenues:
Subashiç 4’, Skela 12’
FORMACIONET
AZERBAJXHANI: Mehtiev (46’ Veliev), Junisoglu, Idika
(Dzhaligov 46’), Shukurov, Sadihov, اertoganov (Abdilajev 79'),
Abasov, Mamedov (46’ Gusenov), Dzhvadov, Seinalov, Subashiç
(Nadirov 69’). Trajner: Berti Bogts
SHQIPثRIA: Hidi, Beqiri, Vangjeli (46’ Lila), Dallku, Vrapi, Curri,
Agolli (Muzaka 95’), Bulku, Duro (Lika 73'), Berisha (Sukaj 85’),
Skela. Trajner: Ari Han
KARTONث Tث VERDHث: Zeinalov/ Duro, Agolli, Skela
KARTON I KUQ: Beqiri 45
PanormaSport