Ne Qarkun e Fierit zonat me problematike jane KZAZ 20 dhe KZAZ 18 per te cilat KQZ nuk ka dhene ende asnje shpjegim zyrtar. Kandidatja socialiste Ermelinda Meksi, e cila ka qene e pranishme ne zonen nr. 20, denoncoi bllokimin e procesit te numerimit ne kutine e fundit. “Tensioni arriti kulmin sepse ne menyre arbitrare perfaqesuesit e PD-se nderprene numerimin e votave ne kutine 31-38, sepse ishim ne avantazh me rreth 150 vota. Ne menyre arrogante komisioneret kerkuan te mos numeronin kutine dhe policia i largoi jashte te gjithe. Shikoj perseritje te nje skenari te shemtuar te te njejteve arkitekte qe projektuan ’96-en”, u shpreh Meksi.
Kandidatja socialiste per kete qark ka shtuar se misioni i PS-se eshte qe te mbroje voten e njerezve qe ia kane besuar. “Po ndodh nje bllokim i procesit nga PD-ja qe kerkon te mbaje zvarre dhe te beje presione. Kryetari i KQZ-se nuk dilte ne oret e para te mengjesit, ai ishte zhdukur”, shtoi Meksi.
Ne vijim te denoncimit, ajo tha se KZAZ nr.20 mori nje vendim me shumice votash per ta bllokuar pa asnje justifikim kutine e fundit.
