Leksione nga FBI amerikane, ja 60 hetuesit që do furnizojnë SPAK me informacione
Prokuroria dhe Gjykata Speciale janë tashmë në stacionin e duhur. Prej aty do të nisin revanshin për të hetuar dhe gjykuar ato dosje, që kanë mbetur pa u sheshuar si duhet, e ku janë të implikuar ish-zyrtarë, apo edhe zyrtarë të tanishëm.
Por, ndërkohë, një hap larg është edhe Byroja Kombëtare e Hetimit, e cila do të jetë një struktura e specializuar e policisë gjyqësore që pritet të kthehet në atë që ish-ambasadori amerikan Lu e krahasoi me filmin hollivudian “Të Paprekshmit”.
Ndër hapat e parë të prokurorëve të SPAK do të jetë ngritja e Byrosë Kombëtare të Hetimit, struktura që mund të konsiderohet ndryshe “dora e hekurt” e Prokurorisë Speciale antikorrupsion.
Fillimisht BKH u krahasua me FBI amerikane, ndaj dhe oficerët e saj Ambasada amerikane ka njoftuar se po trajnohen në akademinë e FBI-së në Virxhinia. Janë 60 vetë që tashmë prej muajsh kanë marrë të gjithë eksperiencën e nevojshme për praktikat më të mira perëndimore dhe do të kenë në dispozicion pajisjet me moderne të hetimit.
Vetë oficerët do t’i nënshtrohen makinës së të vërtetës. Pak më parë kjo pajisje u publikua pas një takimi që zyrtarë të ambasadës amerikane patën me ata shqiptarë. Drejtorit dhe anëtarëve të BKH-së do t’u monitorohen llogaritë bankare për t’u siguruar që kryejnë detyrën me integritet dhe paanshmëri.
Ligji mbi SPAK-un po ashtu kërkon që një komision ndërkombëtar të mbikëqyrë trajnimin dhe përgatitjet e hetuesve të BKH, drejtori i së cilës do të zgjidhet nga tre anëtarët e prokurorisë së posaçme.
Çfarë duhet për të qenë pjesë e Byrosë Kombëtare të Hetimit?
Kandidatët që do të paraqesin interes do të vlerësohen në bazë të aftësive profesionale, integritetit, por edhe aftësive mendore dhe fizike. Fillimisht, ata duhet të plotësojnë një formular “online” dhe deklaratën e pasurisë dhe figurës e më pas kalojnë këtë fazë do të duhet të kalojnë dy provime me shkrim, një intervistim me panelin e SPAK-ut dhe një testim fizik e shëndetësor.
Në duart e prokurorëve të posaçëm do të dorëzohen të gjitha dosjet që kanë të bëjnë me korrupsionin e zyrtarëve të lartë dhe ato për krimin e organizuar.
Prokurorët e SPAK mund të hetojnë që nga Presidenti, Kryeministri, ministri, deputetët e deri tek drejtuesit dhe zyrtarët e lartë të institucioneve të tjera në varësitë Qeverisë ose jo.
©Copyright Gazeta SHQIP
Prokuroria dhe Gjykata Speciale janë tashmë në stacionin e duhur. Prej aty do të nisin revanshin për të hetuar dhe gjykuar ato dosje, që kanë mbetur pa u sheshuar si duhet, e ku janë të implikuar ish-zyrtarë, apo edhe zyrtarë të tanishëm.
Por, ndërkohë, një hap larg është edhe Byroja Kombëtare e Hetimit, e cila do të jetë një struktura e specializuar e policisë gjyqësore që pritet të kthehet në atë që ish-ambasadori amerikan Lu e krahasoi me filmin hollivudian “Të Paprekshmit”.
Ndër hapat e parë të prokurorëve të SPAK do të jetë ngritja e Byrosë Kombëtare të Hetimit, struktura që mund të konsiderohet ndryshe “dora e hekurt” e Prokurorisë Speciale antikorrupsion.
Fillimisht BKH u krahasua me FBI amerikane, ndaj dhe oficerët e saj Ambasada amerikane ka njoftuar se po trajnohen në akademinë e FBI-së në Virxhinia. Janë 60 vetë që tashmë prej muajsh kanë marrë të gjithë eksperiencën e nevojshme për praktikat më të mira perëndimore dhe do të kenë në dispozicion pajisjet me moderne të hetimit.
Vetë oficerët do t’i nënshtrohen makinës së të vërtetës. Pak më parë kjo pajisje u publikua pas një takimi që zyrtarë të ambasadës amerikane patën me ata shqiptarë. Drejtorit dhe anëtarëve të BKH-së do t’u monitorohen llogaritë bankare për t’u siguruar që kryejnë detyrën me integritet dhe paanshmëri.
Ligji mbi SPAK-un po ashtu kërkon që një komision ndërkombëtar të mbikëqyrë trajnimin dhe përgatitjet e hetuesve të BKH, drejtori i së cilës do të zgjidhet nga tre anëtarët e prokurorisë së posaçme.
Çfarë duhet për të qenë pjesë e Byrosë Kombëtare të Hetimit?
Kandidatët që do të paraqesin interes do të vlerësohen në bazë të aftësive profesionale, integritetit, por edhe aftësive mendore dhe fizike. Fillimisht, ata duhet të plotësojnë një formular “online” dhe deklaratën e pasurisë dhe figurës e më pas kalojnë këtë fazë do të duhet të kalojnë dy provime me shkrim, një intervistim me panelin e SPAK-ut dhe një testim fizik e shëndetësor.
Në duart e prokurorëve të posaçëm do të dorëzohen të gjitha dosjet që kanë të bëjnë me korrupsionin e zyrtarëve të lartë dhe ato për krimin e organizuar.
Prokurorët e SPAK mund të hetojnë që nga Presidenti, Kryeministri, ministri, deputetët e deri tek drejtuesit dhe zyrtarët e lartë të institucioneve të tjera në varësitë Qeverisë ose jo.
©Copyright Gazeta SHQIP
