eGo0sTyle
System Engineer
Janë rreth 2279 familje në 12 qarqe të vendit që përfitojnë nga vendimi i djeshëm i qeverisë për legalizimin e objekteve informale në pronësi të tyre. Vendimi përfshin të 12 qarqet e vendit, si: Berat, Elbasan, Korçë, Shkodër, Dibër, Fier, Kukës, Tiranë, Durrës, Gjirokastër, Lezhë, Vlorë.Objektet që legalizohen përfshijnë edhe shtesa pa leje në objekte me leje. Nga këto, në gjithë vendin legalizohen 723 shtesa të tilla, nga të cilat 710 në pallate të ndërtuara para vitit 1993 dhe 13 në pallate të reja. Për Tiranën numri i shtesave në pallate të para vitit 1993 është 477 kurse për pallate të reja 13. Sipas Agjencisë së Legalizimit, me miratimin e këtij vendimi të gjitha drejtorive rajonale të kësaj agjencie u lind detyrimi i plotësimit të dokumentacionit të nevojshëm tekniko-ligjor, që më vonë do t’u mundësojë qytetarëve të bëjnë edhe pagesën e faturës financiare. Me të kryer këtë pagesë, nga ana e ALUIZNI-t veprohet me procedurat e tjera deri në regjistrimin e objektit informal si të legalizuar dhe lëshimi i tapisë. Emrat që Këshilli i Ministrave kaloi ditën e djeshme janë përgatitur gjatë tre muajve të vitit 2011 shkurt-prill.
Shtëpitë para ’90
Kryeministri Sali Berisha, dje në mbledhjen e qeverisë kërkoi që t’i kushtohet një vëmendje e veçantë edhe shtëpive të ndërtuara para vitit 1990 dhe që nuk disponojnë një tapi. Për kreun e qeverisë, pavarësisht specifikave të ndryshme që kanë këto ndërtime, specialistët duhet të rishikojnë mundësinë për t’i trajtuar pak a shumë si legalizimet sot. “Ministria e Punëve Publike dhe Ministria e Drejtësisë të rishqyrtojnë procesin e legalizimit të ndërtimeve para vitit ’90. Kjo sepse, ata janë të vendosur aty ku janë me autorizim të shtetit. Në atë periudhë, askush nuk mund të ndërtonte shtëpi apo posedonte një truall pa lejen e shtetit. Unë e di që kjo kategori nuk trajtohet njëlloj me legalizimet që bëjmë sot dhe të tjera që kanë ardhur. Por, sërish kërkoj të rishqyrtohet kuadri i tyre”, tha Berisha. Në lidhje me këto ndërtime, ai specifikoi se ato janë brenda vijave të verdha, dhe në tërësi, janë në përputhje me planet urbanistike të kohës, por sërish duhet të rishqyrtohet mundësia e legalizimit të truallit.
723 shtesa pa leje
në pallate me leje legalizohen nga vendimi i qeverisë për legalizimin e objekteve informale dhe kalimin e tyre në pronësi të poseduesve. ALUIZNI me këtë vendim fillon përgatitjen e dokumentacionit tekniko-ligjor