NASA ka lansuar me sukses anijen kozmike amerikane "Discovery" me shtat anëtarë në bord në orbitën e tokës, e cila të dielën duhet të arrijë në Stacionin Hapësinor Ndërkombëtar (ISS).
Lansimi i "Discovery" është anuluar dy herë, njëherë për shkak të problemeve në rezervuar dhe herën tjetër për shkak të motit të keq që kaploi rajonin e Floridës, megjithatë në tentativën e tretë anija u lansua me sukses.
Anija u nis nga qendra hapësinore "Kennedy" pranë Cap Canaveral në Florida duke arritur në orbitë brenda një kohe të shkurtër prej tetë minutash e gjysmë.
Në anije përveç gjërave të nevojshme për Stacionin Hapësinor Ndërkombëtar ka edhe një palestër, e cila do t'u ndihmojë astronautëve të ruajnë formën e mirë fizike.
*Telegrafi*