Mos na akuzoni se jemi përsëritës. Nëse një gjë nuk shkon do ta themi dhe ri themi deri sa të gjejë zgjidhje. Qentë janë kafshë besnike por shpesh kur ata lëvizin në tufë dhe orë të caktuara të ditë-natës mund të kthehen në rrezik për banorët, për mos folur pastaj për ndotjen akustike, higjenën dhe të tjera. A po bën Bashkia Tiranë diçka për këtë premtim elektoral të saj? Kjo foto e kryeqytet na vendos të gjithëve disi në siklet.
T’i mund të ndertosh gradaçela dhe të bësh parqe moderne, mund të ndërtosh rrugë, vijëzime dhe sinjalistikë europiane, mund të gjobisësh edhe për një pështymë në tokë, mund të largosh çdo tregtar ambulant nga cepat e Tiranës, por me pamje të tilla në rrugë, do ngjash përherë një vend i botës së tretë dhe jo një vend Europian ku pretendon. Këto pamje janë vërtetë stonuese në Shqipërinë që po modernizohet. Kur të na vijnë mend ndoshta do ketë disa viktima dhe stres tek qytetarët që nuk po jetojnë një jetë europiane, natyrisht nuk do na i hanë as qent.
Nga: K.Demiraj
