Një ngjarje e rëndë ka tronditur qytetin e Tropojës. Krimi në familje ka goditur një familje në fshatin Luzh të komunës Llugaj, ku burri ka vrarë bashkëshorten e tij me armë zjarri.
Ngjarja është regjistruar rreth orës 03:00 të mëngjesit të sotëm, ku sipas informacioneve nga policia e Tropojës mësohet se shtetasi Xhemal Abazi 45 vjeç ka ekzekutuar të shoqen e tij Naimen 41 vjeç. Dyshohet se shkak i kësaj vrasje është bërë shtatëzania e vajzës së tyre, një fakt ky që nuk është pranuar nga kryefamiljari, duke çuar kështu në një fund fatal për gruan.
Megjithatë, nuk përjashtohen edhe shkaqe të tjera, ndërsa bëhet e ditur se autori, Xhemal Abazi është vetëdorëzuar në komisariatin e policisë së Tropojës. Policia po punon për zbardhjen e mëtejshme të kësaj ngjarje të rëndë.
TemA