Kryeparlamentari Jakup Krasniqi, vazhdon të hedhë kritika në drejtim të ekzekutivit.
Ai së fundi ka postuar një përshkrim të një gazetari amerikan që i pati bërë Kosovës para disa muajve.
“Qe si e sheh gazeta prestigjioze amerikane Kosovën. Kush duhet t'na ndryshoj këtë gjendje? Një gjë dihet, këtu na sollën muskujt, padrejtësia shoqërore dhe babëzia. Pse jo edhe mungesa e guximit para arrogancës se "komandantëve". Ka ardhur koha që arrogancës t'ia tregojmë vendin”, shkruan Krasniqi, duke iu referuar shkrimit të më poshtëm të gazetarit amerikan:
"Ekziston një vend në Ballkan i cili kufizohet me vetveten. Ku të papunët më së shumti punojnë. Ku të gjithë nxitojnë për në punë, dhe askush nuk arrin në kohë. Aty ku tetë-orëshi i punës zgjat 12 orë. Aty ku shëndetësia është pa pagesë ndërsa shërimi i shtrenjtë. Ku gazetarët janë të lirë të shkruajnë çdo gjë që ju urdhërohet. Ku sekretet shtetërore janë publike. Aty ku historia përsëritet çdo ditë. Ku më të pasurit janë njerëzit të cilët kurrë nuk kanë punuar. Aty ku përdorët valuta e huaj. Aty ku të mençurit i deklarojnë të çmendur, dhe të çmendurit të aftë. Aty ku analfabetët e shkruajnë historinë. Aty ku ligjet janë të paligjshme, ndërsa anarkia gjendje normale. Aty ku jetohet për të ardhmen sepse për të tashmen nuk kemi të drejtë. Aty ku çdokush e përqesh tjetrin dhe askush askujt nuk ia dëshiron të mirën. Aty ku proceset gjyqësore zgjasin më shumë se jeta. Ku përmbytjet janë e vetmja mënyrë për ujitje. Ku konsiderojnë se vendi do të përparojë më shumë nëse stagnon gjithnjë e më tepër. Ku normalët nuk janë të nevojshëm, dhe punësohen të përshtatshmit e jo të aftët. ثshtë në Ballkan një vend ku me ndershmëri, sinqeritet dhe zell kurrë nuk do të arrish qëllimin e dëshiruar...
