Ado
FISEBILIL-LAH
Prishtinë, 9 janar - Qeveria e Kosovës ka ndarë të shtunën 200 mijë euro si ndihmë fillestare për Shqipërinë, për të përballur vërshimet që kanë përfshirë veriun e këtij vendi. Kryeministri Hashim Thaçi ka thënë se kjo është vetëm ndihmë fillestare, por se institucioni që drejton do të jetë i gatshëm për ndihma edhe më të mëdha, varësisht nga situata, kushtet dhe rrethanat e reja që mund të krijohen.
Po kështu, janë dhënë autorizime për të nisur për në Shqipëri pjesëtarë shtesë të Forcës së Sigurisë dhe ekipe të zjarrfikësve, si dhe u është bërë ftesë autoriteteve komunale dhe gjithë popullit për t’u mobilizuar që t’i dalë në ndihmë Shqipërisë.
“E kemi përcjellë me vëmendjen më të madhe çështjen e vërshimeve në Shqipëri, kemi shprehur dhe shprehim edhe sot gatishmërinë tonë si gjithmonë për ndihmë dhe solidaritet. Kemi zhvilluar kontakte të drejtpërdrejta me qeverinë e Shqipërisë dhe janë ndërmarrë masa në dërgimin e pjesëtarëve të Forcës së Sigurisë së Kosovës, por edhe grupe të zjarrfikësve të Kosovës, të cilët tashmë janë atje”, ka njoftuar kryeministri Thaçi në mbledhjen e Qeverisë. “Jemi të gatshëm që të rrisim numrin e pjesëtarëve që të ndihmojnë në përballimin e gjendjes dhe do të kërkoja nga ju z. ministër Mujota që të rrisni që nga sot numrin e të dërguarve në Shqipëri”.
Kryeministri ka bërë thirrje që të shfrytëzohen të gjitha mundësitë dhe potencialet që janë në dispozicion, dhe që në koordinim edhe me autoritetet ndërkombëtare, të shfrytëzohet kapaciteti më profesional i mundshëm edhe njerëzor, por edhe teknik, për të qenë më afër qytetarëve atje dhe më afër angazhimeve për tejkalimin e kësaj gjendjeje. Ai edhe ka shprehur solidaritetin me angazhimet e qeverisë së Shqipërisë dhe ka përgëzuar të gjitha iniciativat e autoriteteve komunale të Kosovës që brenda mundësive dhe potencialeve që kanë të jenë në mbështetje të tejkalimit të gjendjes.
“Kemi pasur dhe do të kemi gjithmonë solidaritet ndërvëllazëror, por edhe ndërshtetëror me popullin dhe shtetin e Shqipërisë, një solidaritet ndërvëllazëror dhe ndërshtetëror ky i ndërsjellë dhe i dëshmuar”, ka thënë kryeministri.
Ndërkaq, ministri i Punës dhe Mirëqenies Sociale, Nenad Rashiq ka bërë të ditur në mbledhjen e qeverisë së subjekti i tij politik, Partia Liberale Serbe, ka bërë një gjest modest për t’i dalë në ndihmë shtetit shqiptar.
“Ne si parti politike kemi organizuar një gjest modest. Kemi gjetur mënyrën për t’i dhuruar 100 jakne (xhaketa v.j.), që i kemi gjetur përmes partnerëve tanë në nivel lokal dhe kemi dashur dje, por besoj të hënën do t’i qojmë atje”, ka bërë të ditur ministri Rashiq. “Unë e di që nuk është shumë, është diçka modeste, por ne kemi dashur të tregojmë një shenjë modestie se si funksionon solidariteti”. / Koha Net
Po kështu, janë dhënë autorizime për të nisur për në Shqipëri pjesëtarë shtesë të Forcës së Sigurisë dhe ekipe të zjarrfikësve, si dhe u është bërë ftesë autoriteteve komunale dhe gjithë popullit për t’u mobilizuar që t’i dalë në ndihmë Shqipërisë.
“E kemi përcjellë me vëmendjen më të madhe çështjen e vërshimeve në Shqipëri, kemi shprehur dhe shprehim edhe sot gatishmërinë tonë si gjithmonë për ndihmë dhe solidaritet. Kemi zhvilluar kontakte të drejtpërdrejta me qeverinë e Shqipërisë dhe janë ndërmarrë masa në dërgimin e pjesëtarëve të Forcës së Sigurisë së Kosovës, por edhe grupe të zjarrfikësve të Kosovës, të cilët tashmë janë atje”, ka njoftuar kryeministri Thaçi në mbledhjen e Qeverisë. “Jemi të gatshëm që të rrisim numrin e pjesëtarëve që të ndihmojnë në përballimin e gjendjes dhe do të kërkoja nga ju z. ministër Mujota që të rrisni që nga sot numrin e të dërguarve në Shqipëri”.
Kryeministri ka bërë thirrje që të shfrytëzohen të gjitha mundësitë dhe potencialet që janë në dispozicion, dhe që në koordinim edhe me autoritetet ndërkombëtare, të shfrytëzohet kapaciteti më profesional i mundshëm edhe njerëzor, por edhe teknik, për të qenë më afër qytetarëve atje dhe më afër angazhimeve për tejkalimin e kësaj gjendjeje. Ai edhe ka shprehur solidaritetin me angazhimet e qeverisë së Shqipërisë dhe ka përgëzuar të gjitha iniciativat e autoriteteve komunale të Kosovës që brenda mundësive dhe potencialeve që kanë të jenë në mbështetje të tejkalimit të gjendjes.
“Kemi pasur dhe do të kemi gjithmonë solidaritet ndërvëllazëror, por edhe ndërshtetëror me popullin dhe shtetin e Shqipërisë, një solidaritet ndërvëllazëror dhe ndërshtetëror ky i ndërsjellë dhe i dëshmuar”, ka thënë kryeministri.
Ndërkaq, ministri i Punës dhe Mirëqenies Sociale, Nenad Rashiq ka bërë të ditur në mbledhjen e qeverisë së subjekti i tij politik, Partia Liberale Serbe, ka bërë një gjest modest për t’i dalë në ndihmë shtetit shqiptar.
“Ne si parti politike kemi organizuar një gjest modest. Kemi gjetur mënyrën për t’i dhuruar 100 jakne (xhaketa v.j.), që i kemi gjetur përmes partnerëve tanë në nivel lokal dhe kemi dashur dje, por besoj të hënën do t’i qojmë atje”, ka bërë të ditur ministri Rashiq. “Unë e di që nuk është shumë, është diçka modeste, por ne kemi dashur të tregojmë një shenjë modestie se si funksionon solidariteti”. / Koha Net
