KORاE - Në tregun e Korçës konstatohet rritja e çmimit të paketave. Ndonëse në kryeqytet kjo ishte aplikuar dhe më parë, vetëm dje tregtarët korçarë kanë bërë të ditur shumën e re të cigareve. Sipas tyre, shkak është bërë rritja e këtij çmimi nga tregtarët e shumicës, të cilët me sa duket i paraprijnë rritjes së akcizës për disa mallra, mes të cilave edhe të duhanit. Ne pikat e shumicës, 1 paketë cigare dje kushtonte 1 deri në 3 lekë më shumë se disa ditë më parë. Ky fenomen ka ndodhur në ato lloj cigaresh që tërhiqen më shumë nga konsumatorët. Përveç rritjes së çmimit, disa lloj cigaresh gjatë dy ditëve të fundit janë zhdukur nga tregu. Grosistët që drejtojnë këtë biznes dhe që komandojnë edhe çmimet e mallit me shumicë e për rrjedhojë edhe me pakicë, nuk po shpërndajnë sasinë e plotë të qarkullimit të cigareve në tregun e përditshëm. Kjo mendohet se bëhet me qëllim që mungesa e mallit të shoqërohet me rritje çmimi. Nuk do të jetë e largët dita kur këtë mall që po e mbajnë stok nëpër magazina ta hedhin në treg me çmim të rritur, praktikë kjo e njohur te tregtarët e shumicës. Sa herë që qeveria paralajmëron rritjen e çmimit të akcizës, ata veprojnë rrufeshëm duke ngritur çmimin e mallrave përkatës, ende pa hyrë në fuqi. Kështu po ndodh dhe tani me çmimin e cigareve, ndonëse vendimi pritet të merret muaj më vonë
*panorama*
*panorama*
