Cyber_Spartacus
Homo Homini Lupus
Të paktën 85 të burgosur të dënuar për krime të ndryshme janë transferuar drejt burgut të ri të sigurisë së lartë në Korçë. Burgu i pozicionuar në afërsi të Drenovës ka nisur nga funksionimi, ndërsa të parët që kanë mbërritur kanë qenë të dënuarit që mbaheshin në dhomat e paraburgimit në Korçë, ndërkohë që pak ditë më parë janë transferuar edhe të burgosur nga burgu i Peqinit, të dënuar për krime të rënda. Drejtori i burgut, Petrit Bazelli, ka bërë të ditur se ky institucion plotëson standardet evropiane me kushte optimale për trajtimin e të burgosurve sipas konventave mbi të drejtat e njeriut, por nga ana tjetër lehtëson edhe familjarët e të dënuarve nga Qarku i Korçës, për të kryer takime më të shpeshta. Në këtë burg do të funksionojnë sektori i sigurisë së lartë, ai i sigurisë së zakonshme dhe të mesme dhe këtu priten të transferohen të gjithë autorët e veprave penale dhe krimeve të rënda që janë nga juglindja e vendit dhe vuajnë dënimin në burgjet e tjera. Kapaciteti i burgut është parashikuar për 350 persona dhe ka seksione të veçanta për gratë dhe të miturit.
Gazeta Shqip
Gazeta Shqip
