Arfenilla
Themelues i Forumit
Shqipëria sërish përballë Kosovës, por këtë herë në futbollin e femrave. Federata Shqiptare e Futbollit bëri të ditur se Kombëtarja Shqiptare e femrave këtë të mërkurë do të përballet në Elbasan Arena me Përfaqësuesen e vajzave te Kosovës. Takimi që shërben jo vetëm si një test i mirë për të dyja skuadrat për të kolauduar grupin dhe për të evidentuar vlerat e elementëve në dispozicion zhvillohet në fakt në një ditë historike, atë të përvjetorit të Pavarësisë së Kosovës duke marrë në këtë mënyrë edhe rëndësi si një event festiv për të kujtuar formalizimin e Shtetit më të ri të Europës. Për kombëtaren shqiptare kjo sfidë pritet ti shërbejë së tepërmi trajnerit Altin Rraklli në përgatitjet për eleminatoret e kampionatit Europian në kuadër të të cilave Shqipëria e femrave do të ketë takimin e rradhës në datën 4 mars kundër Ukrainës po në Elbasan Arena.b tetova
