Kiçmari kërkon heqjen e vizave për shtetasit e Kosovës

I ngarkuari i Kosovës me punë në ambasadën e Kosovës në Vjenë, Sabri Kiçmari në një intervistë për gazetën austriake “Der Standard” i ka bërë thirrje BE për heqjen e vizave për shtetasit e Kosovës.

Kiçmari ka thënë se sikur njerëzit tu mundësohej të lëvizin lirshëm në zonën shengn, kjo do të ishte rruga më e mirë për të mbështetur procesin e demokratizimit në rajon. Gjithashtu kjo do të ndihmonte zhvillimin ekonomik të Kosovës.

Kiçmari ka bërë thirrej që Bashkimi Europian me rastin e liberalizimit të vizave të mos e përjashtojë Kosovën nga ky trend. Ai ka deklaruar se procesi i pavarësimit të Kosovës ka rrjedhur i qetë dhe nuk janë vërtetuar dyshimit ogurzeza se me shpalljen e pavarësisë do të destabilizohej vendi.

Kiçmari ka thënë se Kosova po përpiqet të integrojë serbët në shtetin e ri por sipas tij procesi për këtë nuk është dhe aq i lehtë. Politika serbe ka thanë Kiçmari vazhdon të mbete e lidhur me të kaluarën dhe po vazhdon të pengojë integrimin e qytetarëve serbë të Kosovës në shoqërinë kosovare.

Qeveria Kosovë ndërkaq, sipas tij, po përpiqet që këtë proces ta çojë përpara edhe në veri të Mitrovicës ku për dalim pre vendbanimeve tjera në jug të Kosovës ka më shumë forca radikale. /rtk/

Titulli: Kiçmari kërkon heqjen e vizave për shtetasit e Kosovës

Deklarata eshte shume e mire dhe kerkesa eshte e arsyeshme. Dhe se nese mendojme me mire Kosova duhet te jete vendi i pare ne rajon qe duhet larguar rexhimin e vizave sepse EU e ka marre persiper qe te mbikqyre Kosoven dhe se si donatori kryesor duhet te krijoj lehtesi per qytetaret e saj. Ne kete forme do te krijonte lehtesi per biznese dhe ndihmonte zhvillimin ekonomik, gje qe pretendon do te bej shume shpejt. Sa i perket largimit te qytetareve nga Kosova poqese hiqen vizat, kjo nuk eshte e vertet. Ne Kosove, shumica e njerezve kan qendruar ketu ne koherat me te veshtirra e lere me tani kur pritet qe kosova te ofroj shume shpejt mundesi te ndryshme.