Kermabon: EULEX do vendoset pa forcë

Shefi i misionit civil të Bashkimit Evropian në Kosovë - EULEX, Yves de Kermabon ka thënë se nuk do të përdoret forca që misioni të vendoset në tërë territorin e Kosovës, dhe se dislokimi i misionit nuk do të jetë kusht i ri për avancimin e Serbisë drejt BE-së.

"Mendoj se mirëkuptimi për misionin tonë është vetëm çështje kohe. Një pjesë e madhe e shqiptarëve dhe serbëve e përkrahin misionin e EULEX-it, por mendoj se kjo është më shumë çështje politike se sa teknike", ka thënë Kermabon për shtypin e Beogradit. /rel/