elbruna
Anëtar i Respektuar
Organizata ndërkombëtare për të drejtat e njeriut, Amnesty International ka kërkuar nga përfaqësuesi i OKB-së në Kosovë të ndihmojë në vendosjen e drejtësisë lidhur me vrasjen e dy demonstruesve kosovarë nga policia rumune e UNMIK-ut.
Reagimi vjen në shënimin e trevjetorit të demonstratës së lëvizjes Vetëvendosje, ku gjatë përballjes me policinë humbën jetën Mon Balaj dhe Arben Xheladini, ndërsa u plagosën disa të tjerë.
Duke shprehur shqetësim për mosndëshkimin e autorëve të vrasjes së dy demonstruesve në Kosovë, Amnesty International i kërkon misionit të OKB-së që të sigurojë qasje tek drejtësia dhe kompensim monetar për familjarët e viktimave.
Organizata thotë se Përfaqësuesi i posaçëm i OKB-së dhe Zyra Ligjore e UNMIK-ut kanë penguar vendosjen e drejtësisë në vend për vrasjen e Mon Balajt dhe Arben Xheladinit dhe plagosjen e dy personave tjerë dhe kërkon që ankesat lidhur me këtë çështje të dëgjohen nga Komisioni Këshillimor për të Drejtat e Njeriut.
Në demonstratën e tre vjetëve më parë në Prishtinë kundër planit për statusin e Kosovës, Balaj dhe Xheladini u goditën me plumba gome nga njësiti rumun i policisë së Kombeve të Bashkuara, ndërsa disa persona tjerë mbetën të plagosur.
Lëvizja Vetëvendosje që organizoi demonstratën përkujton të mërkurën viktimat, ndërsa familjarët e tyre dhe organizatat për të drejtat e njeriut vazhdojnë të kërkojnë masa penale ndaj autorëve.
/BBC/
Reagimi vjen në shënimin e trevjetorit të demonstratës së lëvizjes Vetëvendosje, ku gjatë përballjes me policinë humbën jetën Mon Balaj dhe Arben Xheladini, ndërsa u plagosën disa të tjerë.
Duke shprehur shqetësim për mosndëshkimin e autorëve të vrasjes së dy demonstruesve në Kosovë, Amnesty International i kërkon misionit të OKB-së që të sigurojë qasje tek drejtësia dhe kompensim monetar për familjarët e viktimave.
Organizata thotë se Përfaqësuesi i posaçëm i OKB-së dhe Zyra Ligjore e UNMIK-ut kanë penguar vendosjen e drejtësisë në vend për vrasjen e Mon Balajt dhe Arben Xheladinit dhe plagosjen e dy personave tjerë dhe kërkon që ankesat lidhur me këtë çështje të dëgjohen nga Komisioni Këshillimor për të Drejtat e Njeriut.
Në demonstratën e tre vjetëve më parë në Prishtinë kundër planit për statusin e Kosovës, Balaj dhe Xheladini u goditën me plumba gome nga njësiti rumun i policisë së Kombeve të Bashkuara, ndërsa disa persona tjerë mbetën të plagosur.
Lëvizja Vetëvendosje që organizoi demonstratën përkujton të mërkurën viktimat, ndërsa familjarët e tyre dhe organizatat për të drejtat e njeriut vazhdojnë të kërkojnë masa penale ndaj autorëve.
/BBC/