Kapen 10 kg drogë në Merdare

Në vendkalimin kufitar Kosovë-Serbi, në Merdare, në një veturë me targa të Austrisë, të shtunën janë zbuluar 10 kg drogë, që besohet të jetë e llojit heroin.

Në veturë kanë qenë prezent dy shtetas austriak – mashkull dhe femër – që të dy të lindur në vitin 1991, të cilët Dogana e Serbisë i ka dorëzuar te organet e policisë serbe, bën të ditur gazeta Politika.

Vetura me të cilën udhëtonin ata, dhe brenda se cilës janë gjetur 26 paketime të drogës me peshë prej rreth 400 gr, ka ardhur nga drejtimi i Prishtinës, thuhet në një komunikatë të policisë serbe. /Telegrafi/