Problemet me ujin e pijshëm dhe energjinë elektrikë janë kthyer edhe këtë vit në bregdetin më të frekuentuar në Durrës nga pushuesit. Nga zona e Plepave në Durrës, deri në Golem janë pushuesit e shumtë dhe bizneset të cilët i bëjnë apel qeverisë të ndërhyjë për të siguruar furnizimin me energji në këto ditë të nxehta të cilat sjellin dëme të jashtëzakonshne për të gjithë turizmin. Mungesa e energjisë është vënë re në mënyre të theksuar këtë fundjavë, duke bërë që në këtë zonë të super populluar të ndjehet frika dhe ankthi prej vapës së madhe dhe situatave që sjell për të gjithë biznese mungesa e korrentit. Një prej menaxherëve të një hoteli ka nxituar të vërë gjeneratorin në punë për të mbajtur në funksion frigoriferët, “sepse pasojat do të jenë të rënda jo vetëm për emrin e hotelit, por për shëndetin e klientëve që na kanë bujtur. Nëse nuk ka drita ushqimet prishen, por kjo ka rrezik të shkaktojë helmim ushqimi duke na vënë seriozisht përpara situatave të padëshiruara”, shprehet një prej qindra e qindra aktiviteteve në plazh. Ndërkaq pushuesit shprehen se janë terrorizuar nga fakti se nuk punon frigoriferi, por edhe kondicioneri në dhomat e hoteleve apo edhe shtëpive që kanë zënë me qira. Nuk mund të rrimë në errësirë natën kjo është e patolerueshme shprehet një pushues i mbërritur nga Gjermania në këtë zonë, e cila njihet për turizëm elitar dhe për hotele luksoze.
“Fajin e ka mbingarkesa”
Për këtë situatë burime zyrtare brenda ndërmarrjes së OSSH-së, bënë me dije se rrjeti është i tejmbingarkuar nga vënia në funksion e të gjitha aparaturave të shtëpive, hoteleve dhe banesave me qira. Në këtë mbingarkesë ka ndikuar edhe rritja e konsumit e cila për këtë zonë bregdetare është e barabartë me të gjithë konsumin e rajonit në një ditë normale dimri. “Aparaturat stakohen automatikisht nga mbingarkesa në rrjet e për pasojë duhen disa orë të vihen serish në funksion. OSSH ka vënë disa grupe në gatishmëri 24 orë për çdo avari, por në këtë situatë kur të gjithë kondicionerët janë në funksion pa ndërprerje në të gjithë bregdetin nuk kemi si të veprojmë”, saktëson i njëjti burim
Por ndërsa zona Elitare e turizmit përballet më mungesën e energjisë pjesa tjetër e cila është në varësi të Bashkisë së Durrësit nga Plepat deri tek Ura e Dajlanit përballet me mungesën e theksuar të ujit të pijshëm. Shkak duket se është trefishimi i popullsisë dhe mos plotësimi i nevojave me ujë për të gjithë pushuesit.
*telegraf*
“Fajin e ka mbingarkesa”
Për këtë situatë burime zyrtare brenda ndërmarrjes së OSSH-së, bënë me dije se rrjeti është i tejmbingarkuar nga vënia në funksion e të gjitha aparaturave të shtëpive, hoteleve dhe banesave me qira. Në këtë mbingarkesë ka ndikuar edhe rritja e konsumit e cila për këtë zonë bregdetare është e barabartë me të gjithë konsumin e rajonit në një ditë normale dimri. “Aparaturat stakohen automatikisht nga mbingarkesa në rrjet e për pasojë duhen disa orë të vihen serish në funksion. OSSH ka vënë disa grupe në gatishmëri 24 orë për çdo avari, por në këtë situatë kur të gjithë kondicionerët janë në funksion pa ndërprerje në të gjithë bregdetin nuk kemi si të veprojmë”, saktëson i njëjti burim
Por ndërsa zona Elitare e turizmit përballet më mungesën e energjisë pjesa tjetër e cila është në varësi të Bashkisë së Durrësit nga Plepat deri tek Ura e Dajlanit përballet me mungesën e theksuar të ujit të pijshëm. Shkak duket se është trefishimi i popullsisë dhe mos plotësimi i nevojave me ujë për të gjithë pushuesit.
*telegraf*