Sanyo ka paraqitur video-kamerën CG11 e cila mund të incizojë video materiale në rezolucion prej 720p.
Kamera, gjithashtu është kompatibile me kartelat e memories Eye-Fi Video të SDHC-së të cilat me anë të rrjetit Wi-Fi munden që pa tela të vendosin në shërbimin e popullarizuar online YouTube.
Fotografitë nga kjo video-kamerë mund të incizohen me rezolucion prej dhjetë megapikselash, video kodohet në H.264, derisa objektivi është i pesëfishtë (40-200 mm).
Po ashtu është integruar edhe stabilizimi i fotografisë dhe mundësia e njohjes së fytyrës (face detection). Dimensionet e kësaj pajisje janë 72 x 38 x 113 milimetra, derisa pesha, së bashku me baterinë e saj është 190 gramë.
Xacti CG11 fillimisht do të paraqitet në tregun japonez me çmim të përllogaritur prej 320 dollarësh amerikanë.
*telegrafi*