Inspiratori i luftërave në ish-Jugosllavi, kandidat për Nobel

Shkrimtari serb, i njohur për nacionalizmin e tij ekstrem, Dobrica Qosiq, zyrtarisht është kandidat për çmimin Nobel për letërsi, bën të ditur RTS-ja.
Kandidaturën e Qosiqit e kanë mbështetur edhe nacionalistë të tjerë serbë, madje Matija Beqkoviq, Dragan Nedelkoviq dhe personalitete të tjera publike, si dhe Shoqata e Shkrimtarëve të Serbisë dhe Universiteti i Beogradit, njoftojnë mediet serbe.
Tash për tash, kandidaturën e Dobrica Qosiqit për këtë çmim thuhet se nuk e ka mbështetur Akademia Serbe e Shkencës, seksioni i së cilës për gjuhë dhe letërsi thuhet se do të mbështetet kandidaturën e Qosiqit kur ai të hyjë në rrethin e kandidatëve seriozë për këtë çmim, thotë RTS-ja.
Dobrica Qosiq, njëri nga presidentët serbë të ish-Jugosllavisë, është i njohur për pikëpamjet e tij nacionaliste e shoviniste, sidomos kur bëhet fjalë për shqiptarët, dhe konsiderohet si njëri nga inspiratorët e luftërat e përgjakshme që ndodhën në hapësirat e ish-Jugosllavisë në dekadën e fundit të shekullit të kaluar.

Titulli: Inspiratori i luftërave në ish-Jugosllavi, kandidat për Nobel

Nuk do doja te besoje se nje ultranacionalist i till siq eshte Qosiqi te fitonte nje cmime te tille. Kam pershtypjen se as bota e moderuar dhe demokratike nuk do toleroje nje gje te tille. :espuls::espuls:Nese fiton ky pse jo edhe Hitleri te mos fitoje cmimin per paqe:espuls::espuls: