Identifikohen viktimat e vrarë në incidentin në Radushë

11:55 - Ministria e Brendshme ka bërë të ditur se ka identifikuar tre personat e vrarë në pritën e organizuar në afërsi të fshatit Radushë.

Siç bëhet e ditur nga zëdhënësi i MPB-së, bëhet fjalë për dy shtetas të Maqedonisë, njëri nga fshati Gërçec dhe tjetëri nga fshati Merovë dhe një shtetas të Kosovës nga Prishtina. Identiteti i personit të katër ende nuk është vërtetuar, por jozyrtarisht bëhet fjalë për një shtetas kosovar.

11:40 - Ministria e Brendshme ka bërë të ditur se janë vrarë katër persona, që ishin pjestarë të një grupi për kontrabandë të armëve, të cilët nuk i janë përgjigjur urdhërit për ndalim të policisë në fshatin Sllivare e Epërme në rajonin e Radushës.

“Pas njoftimeve paraprake për tregti me armë të paligjshme, policia ka kryer një aksion në rajonin e Radushës. Policia kishte zënë një pritë dhe rreth orës 2 pas mesnate gjatë tentimit të policisë për të ndaluar një furgon, personat që gjendeshin në të kanë hapur zjarrë ndaj policisë. Pjestarët e policisë menjëherë i janë kundërpërgjigjur sulmit, me ç`rast janë vrarë katër personat që ishin në furgon. Pas kryerjes së kontrollit, policia ka gjetur sasi të konsiderueshme të armëve”, ka deklaruar zëdhënësi i MPB-së, Ivo Kotevski, duke mos shpalosur detaje të tjera.


11:00 - Një nga versionet e para pranë burimeve të MPB-së bëjnë të ditur se një furgon që po transportonte armatim në rrugën Radushë-Rashçë nuk është ndaluar në një pikë kontrolli të policisë. Siç bëhet e ditur, personat në furgon pasi që nuk janë ndaluar kanë shtënë me armë në drejtim të policisë, e cila më pas i është kundërpërgjigjur. Nga kjo përleshje kanë mbetur të vrarë katër persona që gjendeshin në furgon. Përleshja e armatosur ka zgjatur deri në orën tre të mëngjesit. Policia theksoi se përveç konfiskimit të armatimit, ka arrestuar edhe dy persona. MPB paralajmëroi se sot pasdite në kazermën “Gjorçe Petrov” do të prezantohet armatimi i kapur.


10:20 - Njoftimet e fundit jozyrtare bëjnë të ditur për katër të vrarë nga radhët e grupit të armatosur. MPB ka konfirmuar se në radhët e saj nuk ka të vdekur dhe të plagosur. MPB paralajmëroi se do të mbajë konferencë me mediat lidhur me këtë incident. Në fshatin Radushë deri para një ore të gjitha rrugët e fshatit kanë qenë të bllokuara nga policia, ndërsa më pas ato janë zhbllokuar.


09:00 - Përleshje e armatosur ka ndodhur mbrëmë pas mesnate në afërsi të fshatit Radushë në zonën kufitare midis Maqedonisë dhe Kosovës, njofton agjencia e lajmeve INA.


Në këtë incident midis policisë dhe një grupi të armatosur siç bëhet e ditur ka disa të plagosur, dy të arrestuar, ndërsa policia ka gjetur një sasi të konsiderueshme të armatimit. Ministria e Brendshme bëri të ditur për INA se gjatë ditës do të jap hollësi lidhur me incidentin e armatosur në fshatin që gjendet mbi 30 kilometra larg Shkupit. Banorët lokal kanë konfirmuar sot të shtënat me armë që kanë zgjatur që pas mesnate e deri në orët e hershme të mëngjesit.

Në lokacionin ku ka ndodhur përleshja janë përqëndruar forca të mëdha policore të shoqëruara me helikopterë. Ky incident pasoi pas atij para dy javëve në rajonin e Studenës, tre kilometra në afërsi të fshatit kufitar Bllacë, ku u gjetën katër bunkerë me armë, ndërsa pati edhe të plagosur nga ana e grupit të armatosur, që u thirrë më pas në një komunikatë se bëhet fjalë për njësite të UاK-së.(INA)

Titulli: Identifikohen viktimat e vrarë në incidentin në Radushë

BDSH: Vrasja e katër shqiptarëve, spektakël tragjik i MPB-së


20:00- Kreu i BDSH, Bardhyl Mahmuti thotë se vrasja e katër shqiptarëve në Radushë është spektakël tragjik i kurdisur nga Ministria e Punëve të Brendshme e Maqedonisë.

“Spektakli tragjik i kurdisur nga Ministria e Punëve të Brendshme të Maqedonisë mes fshatrave Rashçe dhe Radushë është spektakli i radhës që nxjerr në shesh urrejtjen antishqiptare të institucioneve shtetërore në Maqedoni”, thotë Mahmuti.

Sipas tij, propagandimi me pompozitet i vrasjes së katër shqiptarëve dhe ekspozimi i “fakteve” për dëshminë e gjoja implikimit të tyre në trafiqe armësh nxjerrin në sheh kurdisjen e këtij skenari dhe përpjekje për të fshehur ekzekutimi monstuoz.

“Furgoni i ekspozuar para mediave, i bërë shoshë nga breshëria e plumbave, e dëshmon se në te nuk ka mundur të ketë, siç pretendon kjo ministri, “gjashtë thasë me TNT, tre thasë me granata , bomba dore, mina këmbësorie dhe municion të llojeve të tjera të armëve”.
Sikur realisht të kishte qenë krejt ky eksploziv në atë furgon të gjithë e dimë se edhe vetëm një shkëndi e vogël do të provokonte një eksplodim, detonimin e të cilit do ta kishte dëgjuar e tërë Maqedonia”, shprehet kreu i BDSH-së.

Bashkimi Demokratik Shqiptar dënon ekzekutimin e katër shqiptarëve dhe kërkon që të bëhet një ekspertizë e pavarur për të ndriçuar “Vreshtat e Rashtakut” II.

Bashkimi Demokratik Shqiptar kërkon nga të gjithë shqiptarët që të analizojnë me vëmendje deklaratat e Ministres Jankullovska se “u intervenua me 24 prill 2010 në afërsi të fshatit Studenë të Karadakut të Shkupit pas informatave të sakta se në këtë vend kishte një sasi të madhe të armatimit” dhe se “nuk ka arsye për shqetësim tek popullata e Maqedonisë sepse policia ka kontroll të plotë dhe posedon me të gjitha informacionet që janë relevante për sigurinë e Maqedonisë “.

“U bëjmë apel të gjithëve shqiptarëve që të mos bien pre e konstruksioneve të Qeverisë së Maqedonisë, që është nxitëse dhe organizatore e konflikteve.I bëjmë apel publik partisë politike shqiptare në pushtet që të ndërpresë bashkëpunimin në këtë politikë antishqiptare të koalicionit qeveritar. Në të kundërtën është bashkëpërgjegjëse për krimet që po ndodhin!”, theksoi kreu i BDSH-së, Bardhyl Mahmuti. (INA)




Zbardhen emrat e të vrarëve në Radushë
15:00- Agjencia e lajmeve INA bënë të ditur se tre personat e vrarë sot në fshatin Radushë janë: Xhafer Shala 31-vjeç nga Prishtina, Shaban Zenuni nga fshati Merovë i Maqedonisë dhe Qemajl Fejzullahu nga fshati Gërçec, poashtu i Maqedonisë. Identiteti i personit të katërt të vrarë në këtë incident nuk është bërë i ditur.

14:20- Ministria e Brendshme zyrtarisht ka dalë me një komunikatë zyrtare lidhur me incidentin në Radushë, duke bërë të ditur për numrin e viktimave dhe armatimin e zbuluar.


“Pas informacioneve paraprake operative dhe njohurive për transport të armëve ilegale nga Kosova në Maqedoni, policia mbrëmë vonë kishte vendosur një pritë për kontrollin e një mjeti transportues në rajonin midis fshatrave Rashçe – Radushë.

Gjatë tentimit të njësiteve speciale rreth orës 2.00 të mëngjesit, për të ndaluar një veturë transportuese, furgon të modelit “Mercedes Sprinter” me targa të falsifikuara të Prilepit në këtë aks rrugor, personat në furgon, tre prej të cilëve me uniforma të zeza nuk i janë përgjigjur ndalesës së njësiteve policore dhe në vend që të ndalen, ato kanë vazhduar rrugën dhe kishin shtënë më pas në drejtim të patrullës policore. Nga ana e pjestarëve të policisë menjëherë është kundërpërgjigjur me zjarrë, ndërsa nga shkëmbimi i zjarrit kanë humbur jetën katër personat që ishin në furgon”, thuhet në komunikatën e MPB-së.

Ministria njoftoi se deri tani janë identifikuar tre personat e vrarë të cilët posedonin dokumente personale, prej të cilëve dy janë shtetas të Maqedonisë dhe njëri shtetas i Kosovës. Personi i katër nuk është identifikuar akoma, për shkak të mosposedimit të dokumenteve.

Sipas MPB-së, në furgon janë gjetur sasi të konsiderueshme të armëve: 3 raketahedhës dore me 3 thashë granata, 6 pushkë automatike dhe një pushkë gjysëmautomatike, një snajper, një mitraloz, një thes me TNT eksploziv, 6 bomba dore, mina tokësore, 12 granata për minahedhës dore 60 mm, municion për pushkë automatike, çizme ushtarake, amblema të UCK-së dhe harta.

“Në vendin e ngjarjes është ftuar Gjykatësi Hetues dhe Zëvendësprokurori pulbik, të cilët kanë kryer ekspertizën në vendin e ngjarjes me njësitet e policisë kriminale. Mjeti transportues dhe armët janë tërhequr nga vendi i ngjarjes dhe janë dërguar për analiza të mëtejme, ndërsa trupat e pajetë të viktimave janë dërguar për obduksion në Institutin për Mjekësi Ligjore. MPB po kryen hetime dhe verifikime lidhur me mundësinë e përfshirjes së personave të tjerë në këtë grup. Ndërsa deri tani janë mohuar zërat për persona të arrestuar apo të plagosur”, thuhet në fund të komunikatës së MPB-së.



14:00- Ministrja e Brendshme, Gordana Jankullovska lidhur me incidentin në afërsi të Radushës ka theksuar se asnjë lloj dhune nuk do të tolerohet. “Policia ende po punon në terren. Në këtë fazë nuk dua të ndërlidh këtë incident me incidentin e disa javëve më parë në Bllacë”, ka theksuar ministrja Jankullovska.

Ajo ka shtuar se nuk ka hapësirë për shqetësim dhe se policia ka në duar sigurinë për të gjithë qytetarët e vendit.

Ajo shprehu kënaqësinë se të gjithë faktorët politik relevant janë distancuar nga incidentet e mëparshme.

MPB bëri të ditur se furgoni që po transportonte armë ishte “Mercedes Sprinter”, i cili po lëvizte nga Radusha në drejtim të Shkupit dhe në të ishin persona të njohur edhe më parë për policinë për kryerjen e veprave të ndryshme.

MPB pritet të dalë me një njoftim më të detajuar zyrtar lidhur me incidentin, duke nënvizuar se nga të vrarët janë identifikuar tre persona, prej të cilëve dy janë shtetas të Maqedonisë dhe njëri shtetas i Kosovës. Nuk është identifikuar akoma viktima e katërt.

Burime të larta pranë MPB-së i kanë thënë mediave maqedonase se shtetasi Kosovës është i njohur për organet e rendit dhe se ndaj tij kishte fletëarrest ndërkombëtarë. Armët që janë gjetur janë të prodhimit jugosllav, me ç`rast janë identifikuar tre raketahedhës dore, snajperë, gjashtë thasë me TNT, tre thashë me granata , boma dore, mina këmbësorie dhe municion të llojeve të tjera të armëve.(INA)

---------- Post added at 00:07 ---------- Previous post was at 00:03 ----------

Harun Aliu është personi i katërt i vrarë ?

Personi I katërt që është vrarë nga policia maqedonase sot në Radushë që nuk I dihej identiteti spekulohet se është Harun Aliu sipas burimeve jozyrtare dhe të pa konfirmuara që ka Shqipmedia.com. Harun Aliu është kryetari I partisë Alternativa Kombëtare dhe ish udheheqës I lartë I Ushtrisë اlirimtare Kombëtare. Për më shumë informacione dhe verifikimin e lajmit do të keni gjatë ditës së sotme në Shqipmedia.com

---------- Post added at 00:33 ---------- Previous post was at 00:07 ----------

Titulli: Identifikohen viktimat e vrarë në incidentin në Radushë

Maqedoni po përgatitet skenar sikur në vitin 2001


Në Maqedoni po përgatitet një skenar i njëjtë sikur në vitin 2001, që atëherë ishte inskenuar në Lubjanë dhe Prizren.

Kjo është bërë e ditur nga drejtues të Shoqatës Maqedonase të Veteranëve të Mbrojtjes dhe Sigurisë në Maqedoni (SHBMSM). Sipa drejtuesve të kësaj shoqate, në Maqedoni po përgatitet një krizë e kontrolluar në rajonin përreth fshatrave Vaksincë, Llojan, Sllupçan, Likovë, Haraçinë, Tanushë, Bllacë e deri në Jazhincë.

“Presim eskalimin e gjendjes së sigurisë, megjithë mendoj se kemi kapacitet për t`iu kundërvënë të gjithë këtyre tentimeve për destabilizim të Maqedonisë, ndërsa me këtë bashkësia ndërkombëtare do të kuptojë se me kë kemi punë”, ka theksuar Ivan Babanovski nga kjo shoqatë, i njohur edhe si ish-pjesëtarë i sigurimit dhe profesor në Universitetin e Sigurimit në Shkup. (INA)











SHVL “Kalaja”: Hetime për Radushën, rasti i dyshuar


Shoqata e UاK-së “Kalaja” ka shfaqur dyshime lidhur me vrasjen në Radushë, me ç`rast ajo ka kërkuar hetim të plotë mbi këtë incident.



“Shoqata Sh.V.I.L. të UCK-së, “Kalaja”, duke ndjekur me vëmendje ngajrjet e kohëve të fundit në Maqedoni i bënë thirrje organizatave ndërkombëtare se ngjarja e ndodhur në Radush të Shkupit, ku u ekzektuan në mënyrë klasike katër shqiptar kemi të bëjmë me shkelje të të drejtave të njeriut nga ana e policisë sllavomaqedonase . Në bazë të ligjeve ndërkombëtare dhe konventave të të drejtave të njeriut që nënshkruese është edhe Republika FYROM, në këtë rastë policia ka shkelur të drejtën e jetës. Sipas informatave dhe deklarimeve që dha vetë MPB dalin qartë se policia nuk ka dhënë sinjalet për parandalim siç është gjuatja në ajër, por ka qëlluar direkt mbi njerëzit në furgon”, thuhet në një komunikatë të kësaj shoqate. Siç bëhet e ditur më tej, sipas fotografive të ofruara nga policia shihet që furgoni është fjalë është qëlluar nga të gjitha anët, sikur të ishte gjah në kurth për gjahtarët shtetëror.

“Policia sllavomaqedonase shpeshherë ka shkelur të drejtat e njeriut , të drejtën e jetës. ثshtë i njohur për opinion ndërkombëtar rasti i Vreshtave të Rashtakut ku u ekzekutuan gjashtë pakistanezë dhe një indian të cilët për disa ditë policia i kishtë mbajtur arrest dhe më tej i ekzekutoi duke i akuzuar si terroristë, por u vërtetua se ata ishin emigrantë ekonomik. Rast për të cilin nuk mbajti askush përgjegjësi penale. I bëjmë thirrje deputetëve shqiptar që të kërkojnë ngritjen e një Komisioni parlamentar për të vërtetuar nëse policia ka shkelur ligjin e së drejtës për jëtën duke qëlluar pa paralajmërim.

Shihet qartë se Maqedonia pasi mori drejtimin e Këshillit të Evropës ku prioritet ka të drejtat e njeriut , ky vend shkeli me të dyja këmbët që ditën e parë të drejtimit të saj”, thuhet në komunikatë duke shtuar se kjo “tregon se politika e Maqedonisë nuk është demokratizimi i saj, por diktatura policore fashiste”. (INA)

---------- Post added at 08:16 ---------- Previous post was at 07:58 ----------

Arrestohen dy persona për incidentin në Radushë




Policia e Maqedonisë ka arrestuar dy persona të cilët dyshohen se kanë qenë pjesë e grupit të vrarë që po transportonin armët në afërsi të Radushës.


Siç njofton agjencia e lajmeve INA, dy personat janë arrestuar në afërsi të fshatit Svillare të komunës së Sarajit të Shkupit, për të cilët ekzistonin dyshime se kanë qenë pjesë e grupit që po transportonte armët.


Për shkak se në afatin e duhur, nuk ishte arritur që të kryhet procedura e vërtetimit të fajësisë së tyre, ndaj të arrestuarëve është shqiptuar masë paraburgimi prej 24 orëve, me ç`rast pritet të shqiptohen edhe padi penale apo do të lirohen nga ndjekja. (INA)

---------- Post added at 08:21 ---------- Previous post was at 08:16 ----------

polisi_tajrush;248451Harun Aliu është personi i katërt i vrarë ? Personi I katërt që është vrarë nga policia maqedonase sot në Radushë që nuk I dihej identiteti spekulohet se është Harun Aliu sipas burimeve jozyrtare dhe të pa konfirmuara që ka Shqipmedia.com. Harun Aliu është kryetari I partisë Alternativa Kombëtare dhe ish udheheqës I lartë I Ushtrisë اlirimtare Kombëtare. Për më shumë informacione dhe verifikimin e lajmit do të keni gjatë ditës së sotme në Shqipmedia.com [/QUOTE said:

Harun Aliu personi i katërt i vrarë në Radushë 13/05/2010 12:37:00


Personi i katërt i vrarë në incidentin e së mërkurës në fshatin Radushë të Shkupit është Harun Aliu, i njohur si komandant Kushtrimi, njofton agjencia e lajmeve INA.

Trupi i pajetë mbrëmë i është dorëzuar familjes në Hasanbeg të Shkupit dhe sot do të kryhet ceremonia e varrimit.

Disa muaj më parë Gjykata e Shkupit e dënoi në mungesë me burgim të përjetshëm, duke e akuzuar si organizator të vrasjes së një pjestari të policisë speciale maqedonase në janar të vitit 2008 në dalje të Shkupit.

Harun Aliu pas shqiptimit të këtij dënimi në një intervistë për INA deklaroi se bëhej fjalë për një proces të montuar politik kundër tij. Ai ka qenë drejtues i partisë Alternativa Kombëtare, mirëpo edhe një nga themeluesit e UاK-së.


Harun Aliu u vra me tre persona të tjerë në një pritë të organizuar nga policia maqedonase në dalje të fshatit Radushë të Shkupit, derisa siç thuhej po transportonin armë me një furgon me targa false të Prilepit. Ndër personat e vrarë janë edhe Shaban Zenuni nga fshati Merovë dhe Qemajl Fejzullahu nga fshati Gërçec të komunës së Sarajit, ndërsa personi i tretë është shtetasi i Kosovës, Xhafer Shala, 31 vjeç nga Prishtina. (INA)

---------- Post added at 08:32 ---------- Previous post was at 08:21 ----------

Incidenti në Radushë, krijon pasiguri tek shqiptarët


Bashkimi Demokratik Kombëtar përmes një komunikatë për shtyp reagoi ndaj incidentit të djeshëm të armatosur, ku humbën jetën katër të rinjë shqiptar.
“Incidenti i djeshëm i armatosur, ku humbën jetën katër të rinjë shqiptar, ashtu si edhe zbulimi i para disa ditëve i një sasie të madhe të armëve në afërsi të Bllacës, ne si Bashkimi Demokratik Kombëtar-BDK, vlerësojmë se ka krijuar një situate me përmasa të mëdha të pasigurisë tek të gjith shqiptarët”, thuhet në komunikatën e BDK-së.

BDK thotë se, kjo rikujton vazhdimsin e incidenteve të mëparshme, ku poashtu viktima kanë qenë të rinjët shqiptar, gjë që e bën të dyshimt këtë aksion.


“Pas gjith kësaj që po ndodh, në hapsirën shqiptare në Maqedoni është mjaft alarmante, prandaj ne mendojmë se partit politike shqiptare nuk duhet të sillen me komoditet dhe të vazhdojnë aktivitetet me bërjen e politikës ditore, meqë kjo nuk po ndodhë diku nëAfrikë, por në Radush, Rashçe apo Bllacë të Shkupit, rajon i banuar me shqiptar”, thuhet më tej në komunikatë.


BDK, kërkonë që më në fund, të lehen anash interesat partiake, para interesave të përgjithshme kombëtare dhe urgjentisht të organizohet një takim i udhëheqësve të të gjitha partive politike shqiptare, në të cilin do të diskutohet rreth kësaj që po ndodh aktualisht në Maqedoni, si dhe rreth pozitës së shqipotarëve.


“Vetëm me një qëndrim të përbashkët politik, nga një takim i tillë, do të mund të krijojmë kushte dhe rrethana të reja për menaxhimin e kësaj krize. Këtë partit politike ua kan borxh qytetarëve shqiptar të Maqedonis, sepse pikërisht politkat e tyre të dështuar deri më tani, kanë sjellur popullatën në këtë krizë, që kanë për epilog ngjarje tragjike”, thuhet në fund të komunikatës. (INA)

Click to expand...

Titulli: Identifikohen viktimat e vrarë në incidentin në Radushë

po lozin shume me zjarin keto zockat.......

Titulli: Identifikohen viktimat e vrarë në incidentin në Radushë

Bastisje dhe arrestime në Novosellë të Tetovës


Një aksion i gjërë i policisë sonte është zhvilluar në fshatin Novo Sellë të komunës së Zhelinës. Burime për agjencinë e lajmeve INA theksuan se janë arrestuar së paku katër persona. Jozyrtarisht bëhet e ditur se policia ka kryer bastisjet në kërkim të armëve. MPB njoftoi se nesër do të jap informacione të detajuara lidhur me këtë operacion në këtë fshat. Policia gjatë këtij operacioni kishte bllokuar hyrje – daljet e këtij fshati, disa kilometra larg Tetovës.

Kryetari i komunës së Zhelinës, Fatmir Izairi ka deklaruar për agjencinë e lajmeve INA disponon me informacionet e tilla për bastisje në fshat, mirëpo ai ka shtuar se nesër do të informojë për detajet shtesë të kësaj ndërhyrje policore. Fshati Novosellë gjendet në afërsi të Merovës, fshati nga ku ishte personi i vrarë Shaban Zenuni në incidentin në Radushë. (S.S/INA)

---------- Post added at 22:45 ---------- Previous post was at 22:23 ----------

Harun Aliu me shokë shkon tek të pavdekshmit



Rreth tre mijë njerëz i kanë dhënë lamtumirën e fundit Harun Aliut (39) i njohur si komandant Kushtrimi, i cili është personi i katërt i vrarë nga policia maqedonase në aksionin e së mërkurës në afërsi të fshatit Radushë.

Në varrezat e fshatit Hasanbeg të Shkupit, ku edhe ka banuar Aliu, varrimi është bërë vetëm me nderime fetare, ndërsa pjesëmarrës kanë qenë bashkëluftëtarë dhe njohës të veprës së tij.

Aliu, gjatë luftës së vitit 2001 është njohur me nofkën komandant Kushtrimi, kurse ka qenë njëri prej themeluesve të Ushtrisë اlirimtare Kombëtare (UاK) si dhe njëri prej anëtarëve të Shtabit të Përgjithshëm të kësaj ushtrie. Pas vitit 2001 ai kishte themeluar partinë Alternativa Kombëtare duke qenë kryetar i saj, por nuk ka shënuar ndonjë triumf të theksuar në politikë.

Pohohet se aktivitetin e tij kombëtar, komandant Kushtrimi e kishte filluar që në hedhjen e bombave në disa lokacione të ndryshme nëpër Maqedoni në vitet 1996-1997.

Harun Aliu, konsiderohej si organizator i grupit i cili në shenjë hakmarrjeje për aksionin policor në fshatin Brodec, më 3 janar të vitit 2008 sulmoi një xhip të policisë, gjatë të cilit sulm u vra polici Zoran Markovski, ndërsa katër kolegë të tij u plagosën. Që nga atëherë Aliu ishte në arrati dhe u dënua në mungesë me burg të përjetshëm. Në Kosovë dhe në Maqedoni flitet se Harun Aliu që nga ajo kohë po fshihej nëpër Kosovë, përkatësisht në rrethinën e Ferizajit.

Gjatë gjithë kësaj kohe, dyshohet se Aliu ishte ndër organizatorët kryesor të grupit që thirret në emër të UاK-së në mbledhjen e të hollave tek mërgata shqiptare në Zvicër, për armatim.

Ende mbetet enigmë dhe e paqartë për shumë njerëz se si ka ndodhur vrasja e tij të mërkurën nga policia e Maqedonisë. Në furgonin që u sulmua rreth orës 3:00 të mëngjesit të së mërkurës janë vrarë katër persona në mesin e tyre edhe Xhafer Shala (31) nga Prishtina, si dhe për dy shtetasit e Maqedonisë, Qemal Fejzullahun (47) nga fshati Gërçec i Shkupit dhe Shaban Zenuni (36) nga fshati Merovë i Tetovës.Gazeta Lajm

---------- Post added at 23:15 ---------- Previous post was at 22:45 ----------

Dhimbje dhe lotë në Hasanbeg e Merovë




Ekipi i agjencisë së lajmeve INA


Atmosfera e zymtë kishte mbuluar sot familjet Aliu dhe Zenuni, por me krenari dhe të fortë mbaheshin anëtarët më të ngushtë, duke rikujtuar dy djemtë e tyre, Harun Aliu dhe Shaban Zenuni, që ishin dy të vrarët në Radushë. Familjarët, shokët e luftës, por edhe miqtë e ardhur nga çdo cep i trojeve shqiptare rrëqethen kur dëgjojnë lajmet se djemtë e tyre ishin kontrabandist, ashtu siç i quante policia. “Ata janë bijtë e kombit. U detyruan të ikin, sepse i ndiqte padrejtësia dhe ndjekja e egër e gjuetisë së shtrigave”, thekson Avdili, një ish-bashkëluftëtarë i Harunit në luftën e 2001, i cili mezi mban durimin. Dhembja ka mbuluar familjet dhe ajo që është më kulminante, kur dëgjon lajmin se Haruni kishte lënë fëmijën e tij vetëm një vjeç, Fisnikun, i cili më nuk do ta dijë asnjëherë se kush ishte babai i tij, i cili e kishte lënë si foshnje, për t`i ikur prangave policore, për një rast të montuar.

Atulla Aliu, xhaxhai i Harunit, i cili po priste njerëzit i pikëlluar thotë se s`mund të gjejë fjalë për të përshkruar dhimbjen për vdekjen e çunit të tyre të kombit dhe atdheut, ashtu siç e njihnin shumë veta. “Ai ka qenë shembull dhe djalë i vetëm si për familjen, lagjen dhe për mbarë shqiptarët kudo që janë. Lajmin e pranuam me shumë dhimbje dhe na shqetësoi shumë”, ka theksuar xhaxhai Atullai, duke thënë se amaneti i Harunit ishte që të varrosej pranë familjes në Hasanbeg. Familjarët theksojnë se Haruni, i njohur si Kushtrimi ishte shok i mirë për gjithë patriotët shqiptarë. Familja është e shokuar dhe nuk din të thotë fjalë tjera për hetime apo se çfarë do të ndodhë me rastin. “Haruni kurrë nuk ka qenë ashtu siç e përshkruajnë turpshëm organet shtetërore në Maqedoni. Kjo është tragjike dhe një akt i tmerrshëm. Ai ka qenë djalë shembull që ka pasur ideal dhe djali i shquar i kombit”, theksojnë shokët e tij të luftës së vitit 2001. Harun Aliu i njohur si Kushtrimi kishte mbushur 39 vjet dhe se misioni i tij ishte vetëm fisnik dhe kombëtar, duke qenë i pamposhtur para pardrejtësive, pohojnë bashkëveprimtarët e tij.


Në Merovë- familja nuk dinte se djali kishte ardhur nga Italia


Familja e Shaban Zenunit po ashtu është përfshirë në pikëllim dhe ajo që është më e dhimbshme se tre fëmijët e tij dhe bashkëshortja nuk e kishin parë gati një vit e gjysmë, sepse ai kishte shkuar për punë në Itali. 36 vjeçari ishte një atdhetar i denjë dhe i respektuar si në fshatin e tij Merovë, po ashtu edhe me gjerë. “Jemi thellë të pikëlluar për këtë ngjarje që na preku rëndë. Djali jonë ishte shembull. Ne nuk dimë për fatin e tij se si erdhi nga Italia. Lajmin e rëndë e morën prej kryetarit të komunës së Zhelinës, SPB-së së Tetovës por edhe nga lajmet. Nuk është e vërtetë ajo që thuhet nga Policia e Maqedonisë. Nuk janë të vërteta edhe ato pohime se Shabani ka qenë në shtëpi në ora 12.00, disa orë para vrasjes. Ne nuk e kemi dit se ka ardh nga Italia”, thekson kushëriri Ramiz Zenuni. Në shtëpinë e familjes Zenuni ishin tubuar shumë miq dhe shokë të luftës për t`i shprehur ngushëllimet dhe për tu ndarë nga bashkëluftëtari i tyre. “Ai ishte një hoxhë i mirëfilltë dhe atdhetar i shquar, por edhe komandant në kuadër të një batalloni të brigadës Mujdin Aliu të UاK-së. Ishte skenar i përgatitur ndaj tij edhe me rastin e akuzës së ngritur nga pushteti maqedonas për maltretim të punëtorëve maqedonas në vitin 2001”, theksojnë bashkëluftëtarët e tij. Shabani kishte braktisur atdheun që nga viti 2001, duke shkuar për punë në Itali. Herën e fundit ishte një vit e gjysmë më parë, ku kishte qëndruar pranë familjes. Banorët e fshatit të tij theksojnë se mbi fshat vazhdojnë të jenë të koncentruara forca të mëdha policore, gjegjësisht në pyjet e fshatit. Edhe Merova por edhe Hasanbegu theksojnë se janë krenarë për dy djemtë e rënë si dëshmorë të lirisë.

---------- Post added at 23:23 ---------- Previous post was at 23:15 ----------

Agjencia e lajmeve INA dhe gazeta “24 orë” ishin ndër mediat e vetme që zhvilluan intervista ekskluzive me kryetarin e AK-së, Harun Aliu, i cili u vra në incidentin e fundit në Radushë. Ja se çfarë deklaroi Aliu për aktivitetet e tij…




25/11/2009

Harun Aliu, i njohur si ish-komandant Kushtrimi dhe një nga themeluesit e Ushtrisë اlirimtare Kombëtare (UاK), i ndjekur nga MPB-ja dhe i arratisur flet ekskluzivisht për gazetën “24 orë”, për akuzën e ngritur ndaj tij si bashkëpjesëmarrës apo siç thuhet në aktakuzën e ngritur policore si “porositës” i vrasjes së një pjesëtari të policisë speciale “Tigrat” në janar të vitit të kaluar, kur ishte sulmuar një patrullë policore në dalje të Shkupit. Në grupin e të akuzuarve bashkë me Harun Aliun, i cili është edhe kryetar i forcës politike Alternativa Kombëtare janë përfshirë edhe dy persona të tjerë, të cilët kanë mohuar pranë gjykatës njohjen mes tyre. اfarë thotë Aliu për aktakuzën e ngritur ...?, Kush qëndron pas saj... ?, Si po ecin punët e shqiptarëve në Maqedoni ...?, dhe cili do të jetë fundi i procesit gjyqësor ndaj tij ... ?. Për të gjitha këto në mënyrë të kujdesshme kreu i arratisur i AK-së jep përgjigjet e adresuara

24 orë: I nderuar ju nga një kryetar partie në Maqedoni, tanimë gjendeni i arratisur, i dyshuar për vrasjen e një pjesëtari të policisë në Shkup. Cila është e vërteta rreth kësaj që nga një figurë publike, jeni i ndjekur ?

Harun Aliu: Së parti dua të ju bëj me dije juve dhe opinionit të mbarë që Alternativa Kombëtare e ka ngrirë aktivitetin e vet politike për një periudhë të caktuar pikërisht për atë që kryetari i saj u gjet pra një procesi të montuar nga MPB-ja mbase nuk duhet diskutuar që brenda saj apo nën hije është edhe prapavija politike, që e cila na bën të mendojmë se Maqedonia tanimë është shëndrruar në një arenë, e cila ju ka dhënë rast dhe hapësirë të depërtojnë dhe të përplasen interesat e shërbimeve të ndryshme të vendeve fqinje. Nuk do te mend që këto shërbime për të përmbushur misionin e tyre padyshim që përdorin mjete të ndryshme madje aq më pak i kursejnë shqiptarët. ثshtë mëse e qartë që përplasja mes këtyre shërbimeve le pasoja dhe ndikim të vazhdueshëm Brenda institucioneve të vendit dhe reflekton vet shtetin e Maqedonisë.

24 orë: Pse mendoni se ndodhi kjo me ju dhe ku e adresoni këtë skenarë ndaj jush ?

Harun Aliu: Pyetjen e dytë e gjeni përsëri tek përgjigja e pyetjes së parë. Pra është vetëm një prej formave të tyre e cila duke u bërë presion të vazhdueshëm figurave që kanë një begraund edhe ndikim në opinion, duan që t`u shkaktojnë pezëm, revoltë madje edhe kaos vetëm e vetëm për t`i arritur qëllimet e tyre.

24 orë: Atëherë ku mendoni se do të kërkoni drejtësinë, për këtë akt të montuar ndaj jush. A keni kërkuar ndihmë diku ?

Harun Aliu: Në jemi në përfundim e sipër të procedurës gjyqësore. Nga të gjithë dëshmitë e ofruara kjo lëndë apo aktakuzë tanimë është zhveshur e tëra dhe i ka dalë ngjyra, dhe si e tilla ka mbetur vetëm të kuptohet se kush e planifikoi dhe kush i`a dha ngjyrën. Procedurën në fjalë është duke e ndjekur OSCE –ja në Shkup, kuptohet me kërkesën time dhe subjektin që e drejtoj.

24 orë: Në prizmin politik si e vlerësoni situatën e përgjithshme politike në Maqedoni ?

Harun Aliu: Mjerim. Maqedonia që të mos gëlltitet nga shërbimet e lartpërmendura duhet të jetë korrekte me qytetarët e saj e në veçanti ndaj shqiptarëve, që fatkeqësisht Maqedonia një gjë të tillë nuk e ka kuptuar akoma, dhe siç duket është e interesuar që edhe më tej kundrejt shqiptarëve të vazhdojë me avazin e vjetër. Ne shqiptarët jemi të diskriminuar nga shteti, duke na trajtuar si qytetarë të dorës së dytë. Ne shqiptarët konsiderohemi si ardhacak nga ASHAM me përkrahje nga Qeveria, derisa jemi autokton në vendet tona. Ne shqiptarët kërkojmë zbatimin e plotë të Marrëveshjes së Ohrit, ndërsa politikanët sllavomaqedonas e injorojnë dhe e shkelin atë në mënyrë drastike.

24 orë: Po rolin e partisë shqiptare në pushtet BDI ?

Harun Aliu: Do të kisha dashur të bëjë më tepër, por fatkeqësisht startin e kish të gabuar.

24 orë: اfarë duhet të bëjnë shqiptarët përballë kësaj situate të brishtë politike ?

Harun Aliu: Unitet, angazhim, unifikim dhe harmoni të plotë në qëndrimet politike.

24 orë: Në çfarë rrethana do të ngrini zërin për pafajësinë tuaj ?

Harun Aliu: Tani për tani po presim fjalën e drejtësisë dhe pastaj shohim e bëjmë, sigurisht që do ta bëjmë hapin e duhur.




INTERVISTA II





Intervista me kryetarin e Alternativës Kombëtare (AK), Harun Aliu


18/05/2008


Kryetari i AK-së dhe një nga themeluesit e Ushtrisë اlirimtare Kombëtare (UاK) në Maqedoni Harun Aliu në intervistën ekskluzive për agjencinë e lajmeve INA flet për themelimin e partisë së tij, personalitetin e tij që nuk u bë shumë publik, veprimtaritë dhe celulat e para të UاK-së, dallimet mes tij dhe Ali Ahmetit, skenari për arrestimin dhe eliminimin e tij nga siç thotë Klani i Kërçovës, dështimi i koalicionit me BDI, arritja e koalicionit me PDSH-në dhe zgjedhjet e parakohshme parlamentare…




INA: Alternativa Kombëtare është një parti e re politike që nuk arriti të përfaqësohet në Parlamentin e Maqedonisë në zgjedhjet e 2006. Cila ka qenë ecuria e këtij subjekti politik ?



Harun Aliu: AK si parti ka dalur për të sjellur një mentalitet të ri, një frymë të re politike dhe kuadro të reja dhe të afta që nuk i është dhënë rasti, figura të reja të pakompromituara për t`i dhënë një shtytje përfundimtare procesit të rrumbullaksimit të çështjes shqiptare në Maqedoni, avancimit të pozitës konform standarteve që i kërkon fryma evroperendimore dhe e bazuar në Marrëveshjen e Ohrit. Edhe përkundër që AK nuk arriti të përfaqësohet në Parlament në zgjedhjet e 2006, ajo ka vazhduar ta ruaj reputacionin e saj, aktivistët e denjë të saj dhe aktivitetet për të ngritur zërin e arsyes për të promovuar vlerat e UاK-së.



INA: Ju jeni një nga bashkëthemeluesit e UاK-së dhe siç shihet nuk jeni përfshirë në BDI, partia që thirret në UاK-në. Kjo shifet se ju keni pasur dallime sa i përket aktivitetit politik ?



Harun Aliu: Po dallime esenciale mes AK-së dhe BDI-së. Kjo e fundit ishte një parti e cila mori mbi vete përgjegjësinë për të qenë bartëse e sakrifikës së luftës së UاK-së dhe që kishte për detyrim që të implementojë Marrëveshjen e Ohrit. Ajo pikërisht duke u thirrur se u ngrit në saje të UاK-së dhe luftës së saj mori besimin e plotë të popullit për të implementuar Marrëveshjen e Ohrit, marrëveshjen e kompromisit midis shqiptarëve dhe maqedonasve. Por, fatkeqësisht edhe përkundër betimit dhe premtimeve para atij elektorati, BDI shkeli rëndë mbi ate marrëveshje, duke e përgjysmuar nga baza e saj e më poshtë. Këtu edhe qëndron dallimi, se ne grupimi apo ideatorët e AK-së që burojnë nga UاK-ja dhe lëvizja kombëtare kemi patur tjetër qasje dhe tjetër trend sa i përket procesit të implementimit të Marrëveshjes së Ohrit. Për ne kjo marrëveshje ishte vetëm si pikënisje për realizimin dhe avancimin e pozitës së shqiptarëve si element konstituiv dhe i barabartë në Maqedoni dhe jo siç pretendonte dikush se kjo Marrëveshje është përfundimtare për zgjidhjen e çështjes shqiptare. Por megjithate nuk u arrit që të implementohen edhe ato elemente bazë të Marrëveshjes së Ohrit, duke lënë të nënkuptohet se po ndodh shkelja e rëndë e kompromisit të bërë nga konflikti i vitit 2001 dhe kjo për faj të subjektit shqiptar BDI.



INA: Emri juaj shumë pak është i njohur apo është bërë publik si bashkëveprimtar i UاK-ve në Kosovë e më pas edhe bashkthemelues i UاK-së në Maqedoni. Kush është pra Harun Aliu ?



Harun Aliu: Pra një pjesë e opinionit më njehë si anëtarë i lëvizjeve të para studentore që u organizuan në Universitetin e Tetovës. Pra në moshën studentore jam kyçur si anëtar i Lëvizjes Popullore të Kosovës (LPK) dhe njëkohësisht edhe ushtar i Ushtrisë اlirimtare të Kosovës (UاК) - Zona Operative e dytë e cila përfshinte teritorin shqiptarë të Maqedonisë. Në vitin 1998 organet shtetërore maqedonase ndërmorën një aksion të gjërë për burgosjen dhe likuidimin e aktivistëve të LPK-së në Maqedoni, me ç’rast u bënë burgosje të shumta të bashkëveprimtarëve tanë, si dhe u bë vrasja në mënyrën më mizore e i poshter Limanit, në pragun e shtëpisë së vet-në prani të anëtarëve të familjes së tij.

Që nga kjo kohë kaluam në ilegalitet të thellë duke u arratisur në Shqipëri me qëllim të vazhdimit të më tutjeshëm të veprimtarisë. Unë gjithashtu jam njëri nga themeluesit kryesor të Ushtrisë اlirimtare Kombëtare (UاК) në Maqedoni. Kam qenë anëtar i Shtabit të Përgjithsëm të UاК-së dhe pjesëmarrës gati në të gjitha vendluftimet e UاК-së, duke filluar nga Tanusha, Kalaja e Tetovës, për të vazhduar më tej në luftimet e rrethinës së Likovës gjer tek beteja e Haraçinës.

Në fazën përgatitore të Uاk-së, jam marrë me operativën e saj, me furnizim si dhe me veprime të tjera ushtarake. Ndërsa gjatë luftës së vitit 2001 kam qenë shef i sektorit për mobilizim pranë Shtabit të përgjithshëm të UاК-së. Gjatë gjithë kësaj kohe kam qenë i njohur me nofkën Kushtrimi.

Pas perfundimit të Luftës, jam gjetur para një skenari të përgatitur me një mjeshtëri të veçantë/perfide, ku si pasojë e këtij skenari të fëlliqtë u burgosa duke u liruar në vitin 2004, tanimë kur në Maqedoni ishte formuar një parti BDI me në krye Ali Ahmetin, që kjo parti kishte marrë pretendimet si pasardhëse e sakrificës së UاK-së.



INA: Ju pretendoni dhe argumentoni se keni qenë një nga krerët e UاK-së në Maqedoni. Atëherë a mund të na thoni se ku qëndrojnë dallimet mes jush dhe Ali Ahmetit ?



Harun Aliu: Ne kemi shumë dallime, sepse ai ka operaura nga Zvicra, ndërsa unë kam qenë i kyçur drejtpërdrejt në terren në Maqedoni, duke konsoliduar dhe strukturuar celulat e para dhe në vazhdimësi formësimin e UاK-së si ushtri çlirimtare.


Lëvizja jonë studentore dhe më pas e përfshirë në radhët e Ushtrisë اlirimtare të Kosovës ishte kyçur drejtpërdrejt në radhët e Ushtrisë اlirimtare të Kosovës qysh në fillet e para kur u bënë celulat e para në Maqedoni, ndërsa Ali Ahmeti ka qenë anëtarë i Lëvizjes Popullore të Kosovës me aktivitet në diasporë. Më vonë tërë aktiviteti ushtarak dhe faza përgaditore e Ushtrisë اlirimtare Kombëtare në Maqedoni është organizuar nga celulat e brendshme që kanë vepruar në terren dhe që kishin bazën në lëvizjen studentore. Asnjëherë këto celula nuk kanë qenë të drejtuara apo komanduara nga Ali Ahmeti. Fillet e UاK-së në Maqedoni datojnë që nga viti 1997 e deri në vitin 2001, kur e merrë edhe formën e plotë të një ushtrie çlirimtare. Nga viti 1998 e deri në vitin 2001, por edhe gjatë luftës unë kam operuar me UاK-në dhe dihet shumë mirë se ka pasur aksione dhe veprime të UاK-së në Kumanovë, Kërçovë, Prilep, Shkup, Tetovë, etj, aksione që janë marrë përsipër me komunikatat e UاK-sw. Në tërë këtë organizim vlenë të thuhet se kanë qenë pjesëmarrës shumë figura që tani nuk flitet apo heshtet për rëndësinë dhe rolin e tyre gjatë veprimtarisë nismëtare të UاK-së.



INA: Ndalojmë tek periudha e 2001. Si funksiononte Shtabi i përgjithshëm i UاK-së dhe cili ka qenë pozicioni juaj ?



Harun Aliu: Me gjithë shokët e mi kemi operuar në terren dhe eprorët që na erdhën në ndihmë nga Kosova,Shqipëria e disa edhe nga diaspora. Ne në fillim u morën vesh me Ali Ahmetin në ate periudhë që shtabi i përgjithshëm të përfshijë në hierarkinë e lartë kuadro dhe oficerë të lartë ushtarak. Por ndodhi e kundërt. Konsolidimi i shtabit fillon gjatë periudhës kur zhvilloheshin luftimet në fund të marsit të vitit 2001. Nga java e fundit e muajit mars të vitit 2001 në Vicë të Tetovës themeluam hierarkinë e lartë të Shtabit të përgjithshëm, duke u emëruar drejtpërdrejt Gëzim Ostreni shefi i shtabit të përgjithshëm, unë jam emëruar shefi i sektorit për mobilizim G-1, Hazbi Lika u emërua shefi i sektorit për zbulim dhe kundërzbulim G-2, , Risi Abdurrahmani u caktua shefi i logjistikës, edhe pse ky post me meritë i takonte bashkëveprimtarit Shefid Xhaferi nga Gostivari. Duhet të kemi parasysh edhe faktin se dy anëtarë të tjerë ishin nga Kosova. Në periudhën e parë shtabi ishte në këtë përbërje, më vonë vijnë edhe emërime të tjera që bëhen në Prizren, ku Brigada 113 Ismet Jashari caktoi dhe dërgoi Nazmi Beqirin, i cili u emërua si zëdhënës i UاK-së, ndërsa më pas vjenë edhe Sadulla Duraku, i cili emërohet përgjegjës për financa të UاK-së. Në tërë këtë hierarki ushtarake, Ali Ahmeti ka kryer dy funksione:lider politik dhe komandant i përgjithshëm i UاK-së, edhe pse nuk posedonte aftësi ushtarake, por edhe shëndeti nuk i`a mundësonte një gjë të tillë, kushte këto të domosdoshme për të komanduar një ushtri guerile.


Andaj me plotë përgjegjësi themë se pas konsolidimit të shtabit në Vicë, Ali Ahmeti dhe shumica e hierarkisë ushtarake e politike të UاK-së qëndron në Prizren, ndërsa në Shipkovicë futet pas përfundimit të luftës me betejën e Haraçinës dhe arritjen e Marrëveshjes së Ohrit.



INA: Po, sipas jush, a ka pasur edhe personalitete të tjera që mund ta drejtonin UاK-në si në planin politik por edhe ate ushtarak ?



Harun Aliu: Sigurisht që po. Unë do të kisha thënë se rol meritor dhe me aftësi të mëdha ushtarake për ta drejtu UاK-në kanë qenë edhe shumë personalitete të tjera.



INA: Po ju pse nuk e morët një detyrë të tillë apo nuk ju ofrua ?



Harun Aliu: Unë edhe përkundër kontributit që kam dhënë, nuk kam pasur ambicie të tilla, sepse kemi pasur besim në sinqeritetin e Ali Ahmetit, e jo edhe në aftësitë e tij.


Mirëpo tani sikur pak të kishim kuptuar se ai do t`i bënte të gjitha këto lëshime dhe do t`i degradonte vlerat e luftës në këto përmasa, atëherë sigurisht që nuk do t`ia kishim leju një komoditet apo luks të tillë postesh. Në kuadër të këtyre lëshimeve më tragjike ishte inkuadrimi i pa skanuar i personave dhe individëve të kompromituar, të dyshimt, spiunëve, njerëzve që familjarë të tyre ishin bashkëpunëtor të shërbimeve sekrete sllave. Kjo nuk i falet kurrë, që dihet se si këta individë u kyçën në poste të larta duke shkelur mbi gjithë atë sakrificë që u bë me emblemën e UاK-së.

Ne kishim një ideal dhe konsolidim tjetër që duhej të bëhej me UاK-në dhe vizionin e saj politik në Maqedoni, duke qenë si bazë e drejtimit të subjektit të ri politik një bërthamë e fuqishme me vlera kombëtare, morale dhe me dinjitet, duke parë si model dy partitë shqiptare PDK dhe AAK në Kosovë.



INA: Ju thoni se në momente vendimtare ka pasur obstruksione dhe skenare për të ju anashkaluar. Pse dhe si ndodhi kjo ?



Harun Aliu: ثshtë e vërtetë se ka pasur gjëra të tilla kundrejt eliminimit tim në rend të parë politik. Argumentet flasin se neve na është punuar pas shpine dhe gjatë periudhës së luftës, ku ky skenarë merrë formën e plotë me një komplot që më ishte përgaditur pas nënshkrimit të Marrëveshjes së Ohrit.

Në këtë periudhë nga shtabi i përgjithshëm me jepet një detyrë për të hetuar një rast në Prishtinë për keqpërdorim fondesh të UاK-së dhe në detyrë e sipër unë arrestohem nga autoritetet ndërkombëtare në Kosovë dhe dënohem me 4 vite burg.

I tërë ky skenarë fatkeqësisht ishte përgaditur nga një klan që ka mbajtur uniformën e UاK-së, e ai klan është “Klani i Kërçovës”.

Këtë rast e dijnë shumë mirë njerëzit që atëherë ishin në hierarkinë e shtabit, por një ditë edhe këtë do ta bëjë publike.

Menjëherë pas arrestimit tim fillon ndryshimi dhe devijimi i procesit të pasluftës që nga forma e demobilizimit poashtu edhe nga mënyra e implementimit të Marrëveshjes së Ohrit. Unë në parim u pajtova si anëtarë i shtabit për Marrëveshjen e Ohrit, por isha këmbëngulës që të mos tolerohet ndryshimi i saj dhe të detajohet qartë me afate precize dhe garanca ndërkombëtare implementimi i saj. Unë kam kërkuar atëherë që Marrëveshja të nënshkruhet nga udhëheqësi politik i UاK-së me palën maqedonase dhe jo nga partitë politike.




INA: Fillimisht pati zëra se ju do të shkoni në këto zgjedhje në koalicion me BDI-në, por kjo dështoi. Cilët ishin arsyet e këtij dështimi?



Harun Aliu: Dua të rikthehem nga fillimi im politik pas luftës. Duke parë se BDI pretendonte se bartë vlerat e luftës, nga dalja ime nga burgu unë drejtpërdrejt isha i nxitur dhe i kërkuar nga bashkëveprimtarët dhe bashkëpjestarët e luftës së UاK-së për t`u kyçur në këtë parti. Por, menjëherë e kuptova se gjithçka ishte devijuar brenda këtij subjekti, duke filluar nga mënyra e të bërit politik por edhe mënyra e emërimit të kuadrove në poste të larta drejtuese.

Në zgjedhjet e 2006 dolëm si parti e vetme e re në zgjedhje, duke arritur fitoren e një pjese të konsiderueshme të votave. Me ofrimin e këtyre zgjedhjeve të parakohshme, pati iniciativa nga jashtë nga bashkëveprimtarët tanë për t`u bashkuar dhe bashkëvepruar sërish me BDI-në. Por në fund pas tentimeve tona për të qenë më konstruktiv dhe të sinqert në këtë bashkëpunim, më në fund morëm një thikë pas shpine nga BDI dhe kreu i saj Ali Ahmeti.Zvarritja e këtij koalicioni kishte për qëllim që të paralizojë AK-në, sepse më në fund nuk patëm kohë që të përgaditemi për zgjedhje.




INA: Po, pse atëherë arritët një bashkëpunim apo koalicion me PDSH-në. اka në fakt ju bashkon juve dhe Menduh Thaçin ?



Harun Aliu:Me PDSH-në kemi gjetur një gatishmëri për bashkëveprim dhe bashkëpunim politik, për të dhënë kontributin tonë për të realizuar kërkesat që kanë të bëjnë me ligjin për përkujdesje institucionale për familjet e dëshmorëve dhe invalidëve të UاK-së, ligjin për zyrtarizimin e gjuhës shqipe dhe në përgjithësi avancimin e pozitës së shqiptarëve, e cila faktikisht u degradua pas luftës dhe nuk u realizuan pikat bazë të paskonfliktit. Ne do të krijojmë një aleancë të gjërë për të avancuar pozitën shqiptare në këto zgjedhje por edhe pas tyre. Jemi të bindur se ndihma jonë do të jetë në shërbim të këtij procesi politik dhe AK-ja do të jetë një zë i arsyes, një bartëse e kërkesave që burojnë nga lufta e UاK-së.



INA: Në këto zgjedhje që në fillim të fushatës u shënuan incidente. Si i vlerësoni këtë situatë të tensioneve politike ?



Harun Aliu: Po ne dënojmë ashpër të gjitha incidentet dhe skenare që synojnë që të nxijnë imazhin e shqiptarëve. Partitë janë të obliguara të veprojnë për organizimin e zgjedhjeve të lira dhe demokratike. Populli është ai që do të vendos se cili subjekt duhet të bartë procesin politik dhe qeverisjen me vendin. Ne duhet të jemi të kujdesshëm si shqiptarë sidomos në këtë periudhë të proceseve të rëndësishme evrointegruese të rajonit.(INA)

Titulli: Identifikohen viktimat e vrarë në incidentin në Radushë

Vrasja e katër shqiptarëve, atentat i përgatitur nga shteti


OJQ-të shqiptare kanë reaguar ashpër ndaj akcionin të fundit policor në Radush të Shkupit, ku u ekzekutuan katër shqiptar.
Sh.m.a.i.k Illyricum Libertas, thotë se me dhimbje të thellë e mori lajmin e tmershëm për vrasjen e katër shqiptarëve në Radushë, afër kufirit me Republikën e Kosovës më 12 maj.

“Duke pritur sqarimin e plotë të rastit, u kuptua se kemi të bëjmë me eliminim klasik, një atentat i përgatitur nga shteti maqedonas ndaj kryetarit të Alternativës Kombëtare dhe ish anëtarit të UاK Harun Aliut, ish komandatit të UاK Shaban Zenuni dhe dy bashkëveprimtarëve të tyre të afërt, Xhafer Shalës dhe Qemal Fejzullahut”, theksoi kryetari i kësaj organizate, Valon Kurtishi.

Illyricum Libertas e dënon fuqishëm këtë akt terrorist, dhe njëkohësishtë kërkonë që në zbardhjen e plotë të këtij atentati të shëmtuar dhe barbar të kyçen ekspertë ndërkombëtarë të mjekësisë ligjore në mënyrë që të zbardhen plotësisht rrethanat e kësaj vrasjeje.

Kjo organizatë gjithashtu dënon aktin e shëmtuar të bastisjeve të djeshme në fshatin Novo Sellë të Tetovës, në të cilin policia maqedonase ka traumatizuar familje të shumta shqiptare dhe ka arrestuar qytetarë të pafajshëm.

“Rastet e këtilla që ndodhin në vazhdimësi, paraqesin provokime të pastra të kreut aktual maqedonas kundër gjithë shqiptarëve të këtij vendi si dhe e tensionojnë situatën e përgjithshme si në IRJM ashtu edhe në rajon.Shihet qartë se kjo është një fushatë për kriminalizimin e komunitetit shqiptar, si fajtor kujdestar për gjendjen si dhe për të tërhequr vëmendjen e opinionit ndërkombëtar nga kokëfortësia maqedonase në lidhje me kontestin absurd të emrit me Greqinë, i cili ka bllokuar integrimin euroatlantik të vendit”, theksoi Kurtishi. (INA)



---------- Post added at 07:53 ---------- Previous post was at 07:48 ----------



MPB heton të arrestuarit në Novosellë

Të arrestuarit në Novosellë pohojnë se armët i posedonin nga konflikti i vitit 2001, mirëpo MPB ka shprehur dyshime për mundësinë e përfshirjes së tyre në grupin e vrarë në Radushë



Në aksionin e mbrëmshëm të policisë në fshatin Novo Sellë të komunës së Zhelinës është arrestuar 59 vjeçari Demir Miftari dhe tre djemtë e tij, në shtëpinë e të cilit janë gjetur armë.


“Ka disa indikacione për përfshirjen e këtyre personave në aktivitetet me disa prej personave që ishin pjestarë të grupit të eliminuar në Radushë. Në bisedën nuk bën të ditur se përse disponon me armët, por MPB po vazhdon të punojë në këtë rast, por edhe në verifikimin e qëllimeve të tij, kontaktet me grupin në Radushë dhe përfshirjen e mundshme edhe të personave të tjerë në këtë grup”, ka bërë të ditur zëdhënësi i MPB-së, Ivo Kotevski.

Sipas MPB-së në shtëpinë e tij u gjetën pushkë automatike, pistoleta, mina dhe municion. “Pronari i armëve pranoi veprën dhe bëri të ditur se ai vetë e kishte porositur dhe fshehur armatimin dhe se pjesa më e madhe e tyre e ka origjinën nga konflikti i vitit 2001”, ka theksuar Kotevski. Gjatë ditës kundër tij do të ngritet padi penale për armbajtje pa leje dhe tregti me armë. (INA)

---------- Post added at 08:25 ---------- Previous post was at 07:53 ----------



Porosia e Samidin Xhezairit –Hoxha




Ish-komandanti i UاK-së, Samidin Xhezairi, i njohur si komandant Hoxha i Prizrenit ka lëshuar të mërkurën një porosi për BDI-në e Ali Ahmetit, PDSH-në e Menduh Thaçit dhe DR-në e Imer Selmanit që të bashkohen për të realizuar barabarësinë e shqiptarëve në Maqedoni sepse në të kundërtën “lufta jo që do të vazhdojë, por do të jetë edhe më e gjatë”. “Fillimisht, do të mundohem që faktori politik shqiptar në IRJM të jetë i bashkuar në kërkesat e tyre legjitime për barazi të plotë ndëretnike. Nëse ky tentim dështon, atëherë nuk më mbetet tjetër vetëm se i armatosur të gjendem pranë jush”, thuhet në porosinë e Hoxhës, të publikuar në ueb-faqen e tij personale. Ai shkruan se “për dallim nga luftërat e kaluara, kësaj radhe do të ndëshkohen edhe shqiptarët e ligë, me fajin e të cilëve populli gjendet në situatë të palakmueshme”. “Nëse këto shqiptarë do të përmirësohen dhe angazhohen për mirëqenien e bashkëkombësve të vet, atëherë do t’ju falet. Përndryshe, do të jeni bashkëfajtorë për konfliktin e ri ndëretnik në IRJM”, thotë Hoxha, duke iu drejtuar edhe faktorit ndërkombëtar. Hoxha vlerëson se “me mënyrën e funksionimit (mosfunksionimit) aktual pa asnjë qasje serioze karshi problemeve të shumta, IJRM nuk është shtet nga i cili pritet diçka pozitive”. “IRJM do të pushojë së ekzistuari nëse vazhdon me mospërfilljen e shqiptarëve. Si rrjedhim pason ridefinimi i kufijve në Ballkan”, thotë Hoxha në porosinë e tij drejtuar politikanëve shqiptarë dhe faktorit ndërkombëtar në Maqedoni. (R.K.)

Koha e re.

Titulli: Identifikohen viktimat e vrarë në incidentin në Radushë

Veteranët e UاK-së ngushëlluan familjen Aliu



Shoqata e Veteranëve dhe Invalidëve të UاK-së “Kalaja” ka vizituar familjen Aliu në Hasanbeg, për ti shprehur ngushëllimet për humbjen e komandantit legjendar Harun Aliu.


Delegacioni i kësaj shoqate i përbërë nga kryetari Izair Samiu, sekretari Rexhep Murseli dhe anëtarët e tjerë si Muharem Veliu, Harun Mehmeti, etj familjes dhe babait të dëshmorit Harun Aliu, i`a dorëzuan mirënjohjen për kontributin e dhënë në veprimtarinë kombëtare, e cila i`u nda me rastin e përvjetorit të parë të SHVI të UاK-së “Kalaja”. Familjes Aliu gjithashtu i`u nda edhe vërtetimi zyrtar i shpalljes së Harun Aliut “Dëshmorë i Kombit”. Përfaqësuesit e kësaj shoqate do ta vizitojnë edhe familjen Zenuni, për të shprehur ngushëllime për humbjen e dëshmorit Shaban Zenuni dhe ndarjen e titullit “Dëshmorë i Kombit”. (INA)



---------- Post added at 22:31 ---------- Previous post was at 22:23 ----------

Harun Aliu, njëri ndër themeluesit e Ushtrisë اlirimtare Kombëtare (UاK), i njohur ndryshe me emrin Komandat Kushtrimi, ka lindur më 20 maj në vitin 1971 në Hasanbeg të Shkupit. Pas largimit të tij nga kreu i Bashkimit Demokratik për Integrim, ai në vitin 2006 themeloi partinë Alternativa Kombëtare. Menjëherë pas konfliktit të viti 2001 në Maqedoni, Harun Aliu ishte arrestuar në Kosovë nga forcat ndërkombëtare, ndërsa vuajti dënim disa vite. Ka qenë pjesëmarrës direkt në Ushtrinë اlirimtare Kombëtare, e më pas si pjesë e logjistikës për armatim dhe mjete tjera të Ushtrisë اlirimtare të Preshevës, Bujanocit dhe Medvegjës. Njihet si pjesë e rëndësishme e qarqeve ilegale shqiptare, që kanë punuar për çështjen e luftës në Kosovë, Luginë të Preshevës dhe Maqedoni.

Ndërkohë, nga drejtësia e Maqedonisë, Harun Aliu më 4 shkurt të këtij viti u dënua me burgim të përjetshëm nën akuzën se së bashku me tre persona tjerë ka ekzekutuar pjesëtarin e "Tigrave", Zoran Markovski në lagjen e Autokomandës në Shkup. Ngjarja në fjalë kishte ndodhur në janar të vitit të kaluar. Që nga dhjetori i vitit të kaluar, Harun Aliu ishte në arrati, ndërsa të njetit I ishte bastisur shtëpia nga forcat e sigurisë maqedonase. Pas vetës ka lënë Fisnikun një vjeç e gjysmë.


Ngushllime nga polisi

Titulli: Identifikohen viktimat e vrarë në incidentin në Radushë

Terrori shtetëror sllavo-maqedon ka vetëm një emër – gjenocid mbi shqiptarët

Masakra e Radushës është një masakër e radhës mbi shqiptarët dhe popullin shqiptar, një masakër në të cilën u ekzekutuan katër shqiptarë: Harun Aliu, Xhafer Shala, Shaban Zenuni dhe Qemal Mustafa, në menyrën më mizore (ku sipas medieve edhe janë masakruar). Kjo dëshmon një të vërtetë se të gjitha qeveritë e IRJM e kanë dënuar popullin shqiptar me ekzekutim klasik – me vdekje, kurse në anën tjetër kemi edhe një përsëritje tjetër ku përfaqësuesit e shqiptarëve të cilët vazhdojnë lojën e servilit, dashtë e pa dashtë me heshtjen dhe mosangazhimin e tyre në ndriçimin e rasteve dhe mbrojtjen e shqiptarëve dalin në krahun e njësiteve që vrasin dhe vranë shqiptar.

Shqiptarët ende i kanë të freskëta masakrat pas Luftës së dytë Botërore “në emër të pushtetit popullor” në të gjitha qytetet shqiptare nga Kumanova deri në Manastir , masakrat “gjoja në emër të mbledhjes së armëve” që kishin për qëllim spastrimin etnik të shqiptarëve nga trojet e tyre etnike. Masakrat që u bënë për katër dekada rresht në emër të Jugosllavisë dhe Maqedonisë Komuniste, u vazhduan me masakrat e të të ashtuquajturës IRJM, e cila si zakonisht në koalicion kishte dhe ka, vetëm sa për dekor edhe një parti shqiptare. Dhe me të drejtë masakrat që pasuan, si ajo e Bit – Pazarit, e Gostivarit, e Tetovës (ku babë e bir u ekzekutuan në qendër të qytetit, në prani të medieve vendore dhe ndërkombëtare), e Sllupçanit ( ku u ekzekutuan në pikë të ditës njëmbëdhjetë anëtarë të familjes Zymberi – gra dhe fëmijë), e Lubotenit(ku u vranë 10 shqiptarë – në mesin e tyre edhe një fëmijë 6-vjeçar dhe brutalisht u keqtrajtuan më se 100 vetë të fshatit), masakra e Sopotit, e Brezës (ku u vranë 2 të rijë), e Haraçinës, e Brodecit, dhe shumë e shumë masakra që u projektuan për të vrarë dhe sakatosur qindra e qindra shqiptarë.
Të gjitha këto masakra marrin një formë të prerë në Masakrën në afërsi të Radushës më 12 maj 2010, në të cilën u ekzekutuan katër shqiptar, bile sipas të dhënave në mediet edhe u masakruan. E gjithë kjo dëshmon qëllimin dhe projektin e institucioneve shtetërore ndaj shqiptarëve. Terror shtetëror me të gjitha mjetet apo thënë me gjuhën e fakteve historike - gjenocid mbi shqiptarët.

U ekzekutuan, ata të cilët tërë jetën u munduan për lirinë e popullit shqiptar sepse institucionet sllavo-maqedone kishin dhe kanë vendosur një ligj: shqiptarët të përjashtohen nga të gjitha të drejtat njerëzore. Pas gjithë këtyre vuajtjeve dhe masakrave mbi popullin shqiptar të qëndrosh në institucionet sllavo-maqedone, të qëndrosh bashkë me ata të cilët vranë bijtë që më 12 maj 2010 i nderuan me dhjetëra mijëra shqiptarë nga të katër anët e trojeve shqiptare d.m.th. të bëhesh pjesë e një dekori jo vetëm të neveritshëm por edhe tragjik. Por nuk është hera e parë që ndodhë gjëra të këtilla tek udhëheqësit shqiptarë në IRJM.
Shumë herë është thënë se për shqiptarët historia (pjesa tragjike e saj) po përsëritet. Shumë herë kanë thënë më të vjetrit se tragjikja i bashkon burrat. Por, ku t`i gjesh vallë?
Asnjë pushtet nuk ka forcë të etiketoj një njeri qoftë edhe nëse e ekzekuton, emri i tij gjen vend në bazë të veprave në jetë. Dhe një dëshmi e tillë janë dhjetëra mijëra njerëz që morën pjesë në varrimin e Harun Aliut apo Kushtrimit të shqiptarisë, Xhafer Shalës, Shaban Zenunit dhe Qemajl Mustafës, të cilët u ekzekutuan në mënyrën më klasike nga shteti me emrin IRJM. Me nderimin që ua bëri populli ditën e varrimit ata morën bekimin e popullit për pavdekësinë, kurse të gjallët vazhduan me deklarata të papërgjegjshme dhe me arsyetime bajate mesjetare.
Ashtu siç u ekzekutuan luftëtarët shqiptarë, të cilët gjatë Luftës së Dytë Botërore kishin luftuar për lirinë popullit shqiptar, u ekzekutuan edhe luftëtarët e lirisë të UاK-së të cilët më 2001 luftuan për lirinë e popullit shqiptar në trojet e tyre etnike nën IRJM.
Ashtu siç u arrestuan, u burgosën, u torturuan, u vranë, masakruan shqiptarët pas Luftës së Dytë Botërore në emër komunizmit, ashtu pësuan shqiptarët pas vitit 2001.
Ashtu sikurse qeveria e Shkupit që ushtroi dhunë dhe terror shtetëror mbi shqiptarët e pafajshëm pas Luftës së dytë botërore duke i detyruar që të lëshojnë trojet e tyre dhe të marrin rrugën për në Turqi, ashtu ndodhi edhe pas 2001, por tani në drejtim të shteteve të perëndimit: Belgjikë, Gjermani Austri, Norvegji, Suedi etj.
Para 2-3 javësh në një nga shkrimet e mija e kam thënë se shqiptarët në ish- Republikën Jugosllave të Maqedonisë jetojnë si në kohën e Rankoviqit, arrestohen, burgosen, vriten në bazë të proceseve të montuara politike. Sa e sa shqiptarë janë vrarë pa gjyq, sa e sa të tjerë janë dënuar me burg të përjetshëm apo me qindra vjet burg. Por nga maqedonët a ka pësuar në këtë mënyrë dikush.
Asnjë apo Zero.
A ka nevojë që të verbërve, servilëve, dallkaukëve dhe të pashpirtëve t`iu hapen sytë.
Jo sepse ata nuk kanë shqisa.
Dhe projekti i Nikolla Gruevskit dhe paraardhësve të tij kundër popullit shqiptar vazhdon të pasurohet me fushatën antishqiptare të nisur nga institucionet më të larta shtetërore, enciklopeditë e pseudoakademikëve sllavo-maqedon të organizuar nga shteti dhe pushteti, mohimin e gjuhës, kulturës kombëtare, pengesat e shumta dhe të vazhdueshme ndaj arsimit në gjuhën shqipe, falsifikimin e historisë shqiptare dhe shlyerjen e fakteve arkeologjike, ndryshimin e pamjeve të vendbanimeve shqiptare (Skopje 2014), pengesat e shumta ekonomike ndaj firmave shqiptare, maltretimin e qytetarëve nëpër sportelet e shtetit dhe një mori dëshmish të cilat e plotësojnë dosjen e krimit.
A mund të quhet një aksion policor i suksesshëm ku njerëzit ekzekutohen pa gjyq. Kjo formë i nxjerr këto forca policore në banda paramilitare, të cilat i ndërsen shteti dhe pushteti në luftë kundër shqiptarëve.
Dhe në bazë të fakteve e themi se vendbanimet shqiptare janë shndërruar në një teatër tragjik, ku për çdo ditë dëgjojmë dhunë dhe terror mbi shqiptarët autoktonë.

Shkruan: Vaxhid Sejdiu Albaniapress

Titulli: Identifikohen viktimat e vrarë në incidentin në Radushë

Kush spiunoi rastin e Radushës


Informatorët e përafërt me grupin e armatosur, përgjimi i telefonatave si dhe mundësia e organizimit të një kurthi, janë tre dyshimet që mund të kenë shpie grupin e armatosur pranë njësiteve speciale “Tigrat”, të cilat kishin zënë pritën në afërsi të Radushës në orët e para të mëngjesit të kaluar kur u vra Harun Aliu, Shaban Zenuni, Qemal Fejzullahu dhe Xhafer Shala.

Ministria e Puneve te Brendshme ka shprehur dyshime pas publikimit të lajmit se operacioni ishte përgatitur pas sigurimit të informacioneve paraprake.

Të gjitha pistat e dyshimeve të miqve të afërt të të vrarëve janë se ato janë viktima të një kurthi apo spiunimi nga informatorë dhe shërbime të MPB-së, të cilët kanë ndjekur dhe kanë pasur njohuri për çdo lëvizje të grupit të armatosur, i cili fillimisht ishte goditur në Bllacë dhe së fundi fatalisht në Radushë.

Zëdhënësi i MPB-së, Ivo Kotevski ka theksuar se ajo që është thënë nga ministria është e tëra që është sqaruar për incidentin dhe se nuk jepen detaje plotësuese. Një nga dyshimet e familjarëve të të vrarëve janë se në trupin e tyre ishin vërejtur shenja dhe plagë nga ushtrimi i dhunës fizike, si dhëmbë të thyer, pjesë të mavijosura dhe të ënjtura të pjesës së poshtme të trupit dhe plumba në kokë.

Gjitha këto kanë shfaqur dyshimet dhe familjarët janë në pritje të një kërkese për ekspertizë më të detajuar. Dyshimet e organizatave joqeveritare shqiptare janë se në rastin e Radushës, MPB nuk ka bërë xhirime, që preferohen në disa aksione të saj, sidomos siç u emetua një video-xhirim nga ndërhyrja dhe bastisja në fshatin Novo Sellë të Zhelinës, ku u dhanë inserte filmike nga aksioni i njësiteve speciale.

Përfaqësuesit ndërkombëtarë në Shkup nuk kanë komentuar se a do të mbështesin ose jo një ekspertizë më të detajuar me ekspertë ndërkombëtarë të mjekësisë ligjore.
Zemra.Org.

Titulli: Identifikohen viktimat e vrarë në incidentin në Radushë

Lufta e papërfunduar e komandant Kushtrimit

Nebi MERSELI

Kushtrimi e la luftën të papërfunduar. Ai ishte luftëtar. E luftëtari kurrë nuk kthehet në shtëpi – ai e bën lirinë!
Kështu filloi në vitin 2001. Atëherë kushtrimin për luftë e kishte dhënë Ali Ahmeti. Afër e kishte komandant Kushtrimin. E kishin dhënë kushtrimin për të luftuar me maqedonasit. U bënë luftë Nikola Gruevskit dhe Menduh Thaçit. Dhjetë vjet më pas, Kushtrimi u vra. U vra në pabesi. E tradhtuan shokët e idealit, të cilët e nxitën si i ri t’i bashkohej luftës së shqiptarëve. Për këtë luftë, ai u mbajt tre vjet në “Bondsteel” dhe kur u kthye në Shkup, e gjeti Ali Ahmetin në pushtet. I zhgënjyer nga bashkëluftëtarët që përnjëherë u shndërruan në demokratë dhe i grahën Marrëveshjes së Ohrit, duke mos realizuar hiç më shumë sesa politika maratonike e Arbën Xhaferit dhe e Lubço Georgievskit. Nuk u pajtua me defaktorizimin e shqiptarëve edhe pas luftës, të cilën e kishte paramenduar ndryshe. I anatemuar nga bashkëluftëtarët dhe i mbajtur në mbikëqyrje të përhershme nga shërbimi i sigurimit, nuk u rreshtua në vijën e komandantëve që për pesë groshë e shitën veten dhe e komprometuan luftën gjashtëmujore. Guximin që e kishte në luftë e vazhdoi edhe pas saj, kur aparati shtetëror maqedonas vazhdoi me avazin e vjetër, duke i goditur shqiptarët. Pas vetes la një djalë njëvjeçar që do të rritet me pezëm, ashtu siç ishte rritur vetë ai. Dikush e ka të shkruar të japë shumë për popullin e tij, e dikush të tradhtojë. Nuk do ta kenë lehtë ata që ia bënë kurthin. Shpirti i tij i trazuar përherë do të jetë në ndërgjegjen e tyre të shlyer nga e kaluara e luftës. Kur kishte nevojë populli shqiptar, Kushtrimi e rroku pushkën. Por, edhe pse i njohu mirë miqtë dhe armiqtë e tij, deri në afshin e fundit nuk deshi të besonte se mund ta tradhtonin. Kushtrimi e la luftën të papërfunduar. Ai ishte luftëtar. E luftëtari kurrë nuk kthehet në shtëpi – ai e bën lirinë! Gazeta Lajm

Titulli: Identifikohen viktimat e vrarë në incidentin në Radushë

Lamtumir Kushtrim, Lamtumir Komandant


Izmit NURA

Prishtinë, Strugë – Shkup , sa rrugë e shkurtër për tu takuar ne të dy....
Idrizovë-Hasanbeg, sa rrugë e gjatë, sa larg, sa afër, oh Zot sa larg.
Atë fundmarsi, ec e ec......dita kishte bërë marrëveshje me natën...kënga jehonte , eh kënga thonë është vaj i burrit. Jehona e këngës së vajit u përhap në çdo cep të atdheut, zogjtë e asaj pranvere të hershme përsërisnin pandërprerë refrenin “kur ka ra Kushtrimi në Kosovë”.
Kaluam kufirin shqiptaro-shqiptar...një zë që na priste në veshët dhe zemrat tona ushtoi “ua bëftë Zoti mbar trima, qe numër kontakti quhet...”
Tiranë, 1999. UاK. Aradha të gjata. Kryetrimi Skënderbe bekonte “un jam Kushtrimi nga Shkupi , ky një shoku im nga Kumanova”
Un jam Rrapi nga Struga, ky nga Tetova , Kërçova”. “Sonte po rrini në Tiranë, nesër në mëngjes herët do nisemi”, foli shkurt Kushtrimi, atë natë të rehatuar të jetës sime. Nata UاK .
Prishtinë,2000. Para fakultetit juridik “Si je shoku ....lufta për ne s’ka mbaruar, ne me UاK e nisëm, me UاK ta vazhdojmë”, përsëri foli shkurt Komandanti.
Nga beteja në betejë, ku kërkonte atdheu aty ishte komandant Kushtimi.
Armëpushim...urdhër....demobilizim...paqe... marrëveshje....Të gjitha këto ngjallnin dyshim te komandant Kushtrimi.
Ohër gusht 2001. Marrëveshja u nënshkrua .
Paqe paqe. Kjo fjalë hyjnore, përdorej vend e pa vend, e më së shumti nga jopaqedashësit.
Për ndonjë në atë “paqe” të arritur dhe për betejën e ardhshme për pushtet Komandant Kushtrimi ishte pengesë.
Kështu që gjatë një aksioni nga KFORI ai burgoset dhe vuajti 3 vjet në burgun e Dubravës.
Shkup, 2005 kësaj radhe foli gjatë Harun Aliu. Gjithë rrugët çonin herë te Kushtrimi, herë te Komandanti.
Fliste me keqardhje e zhgënjim për bisedat që ka bërë me shokët e luftës.
Fliste për dajën dhe Abazin , por më shumë për Fazliun dhe Aliun , dhimbjen më të madhe e kishte për gjendjen e familjarëve të dëshmorëve, për invalidët e luftës.
I shqetësuar për mos implementimin edhe të asaj marrëveshje që u arrit. I vetëdijshëm për mos marrëveshjet që lindnin, Haruni vendosi të formonte subjektin që e quajti ashtu siç e kërkonte koha, Alternativa Kombëtare.
Kësaj radhe u bën një Kushtrimi, komandanti dhe Haruni.
Urdhri ishte i prerë me burg të përjetshëm...
Po a mund ti merret përjetësisht liria, luftëtarit të lirisë?
I dashur Kushtrim, lajmin për vrasjen tënde e mora këtu në burgun e Idrizovës,
Atë ditë ti ishe këtu në mesin e qindra shokëve të Idealit, që kanë mbushur burgjet.
Ju familja e Harunit, qofsh për jetë të bekuar për djalin që i falët Atdheut, e ti Fisnik i vogël u rritsh tok me idealin e babait tënd.
Lamtumir Kushtrim, lamtumir
Komandant të qoftë i lehtë dheu i tokës mëmë.

Titulli: Identifikohen viktimat e vrarë në incidentin në Radushë

I dashur vella, komandant Hoxha!

Do te ishte mire qe realiteti ti perputhej deshirave tona...

Ne se detyrohemi ti rokim armet, me pare duhet te sigurohet shpina sepse tradhetia eshte faktori kryesor i humbjes se betejave.

Titulli: Identifikohen viktimat e vrarë në incidentin në Radushë

Si e njoha Harun Aliun


Kryetari i Shoqatës së Veteranëve dhe Invalidëve të Luftës së UاK-së “Kalaja”, Izair Samiu, i njohur me nofkën komandant Baci, në intervistën për agjencinë e lajmeve INA flet ekskluzivisht për lidhjet e tij me bashkëluftëtarin dhe komandantin Harun Aliu-Kushtrimi, i vrarë nga forcat policore maqedonase në fillim të këtij muaji në afërsi të Radushës së Shkupit.

Baci rrëfen edhe për misionin e SH.V.I. L të UاK-së “Kalaja” si dhe për gjendjen aktuale të ish-luftëtarëve dhe shqiptarëve në Maqedoni.


SH.V.I.L e UاK-së “Kalaja” , nderoi Harun Aliun me mirënjohje për kontributin e dhënë gjatë veprimtarisë së tij kombëtare. Mund të na sqaroni më gjerësisht , se kush ishte Harun Aliu për ju si bashkëluftëtar , meqë ju shoqatë e shpallët dëshmor të kombit?


Izair Samiu: SH.V.I.L e UاK “KALAJA” më 2 prill 2010 festoj një vjetorin e themelimit të saj. Me këtë rast ne shpërndamë mirënjohje për personalitete shqiptare të cilat kanë kontribuar në çështjen kombëtare dhe kanë ndihmuar shoqatën për ecurinë në punën e saj. Midis shumë personaliteteve që ju ndanë mirënjohje ishte edhe Harun Aliu. Kjo mirënjohje ju ndan për së gjalli, por për arsye që dihen ai nuk mundi të vinte personalisht ta merrte. Kështu një përfaqësi e shoqatës këtë mirënjohje ia dorëzoj familjarëve të tij.

Pas vrasjes makabre më 12 maj, kryesia e Shoqatës SH.V.I.L “KALAJA” më 19 maj propozoi që Harun Ali dhe Shaban Zenuni të shpallen Dëshmor të Kombit. Komisioni i ngritur prej shtatë anëtarësh pasi shqyrtojë të gjithë veprimtarinë kombëtare të dy personaliteteve të vrarë nga policia maqedonase i shpalli zyrtarisht Dëshmorë të Kombit më 20 Maj 2010. Kjo shpallje zyrtare u bë në bazë të Statutit të shoqatës “KALAJA” e cila është një shoqatë legale, e zyrtarizuar nga Gjykata e vendit më 30 Mars 2009. E potencoj që jemi shoqatë e UاK 2001 të zyrtarizuar sepse në Maqedoni veprojnë edhe disa shoqata të tjera që thirren në emër të vlerave të luftës së 2001. Por që janë shoqata ilegale, pra nuk njihen nga Institucionet e Republikës së Maqedonisë. Këto shoqata për disa vite dalin nëpër media si shoqata legale, në të vërtetë janë ilegale, të paligjshme duke gënjyer popullatën shqiptare. Nuk e dimë ende qëllimet e tyre të mbrapshta dhe çfarë i shtynë të mashtrojnë shqiptarët në Maqedoni në emër të shoqatave të veteranëve të luftës së 2001? Dëshmori Harun Aliu është njëri nga themeluesit e celulave të para të ilegalitetit pas viteve 1990 në Maqedoni. Ai ka dhënë një kontribut të madh në luftën e Kosovës. Pas mbarimit të kësaj lufte Harun Aliu bashkë dhe me disa shokë të tjera janë themeluesit e Ushtrisë اlirimtare Kombëtare ku në këtë luftë Haruni u shqua si komandantë i suksesshëm. Me plotë gojë e them se ai ishte pjesë e trurit komandues të UاK-së.


Kohën e fundit si ishte bashkëpunimi juaj me Harun Aliun?


Izair Samiu: Bashkëpunimi ynë me Harun Aliun ka qenë i hershëm. Atë ne e kemi patur shok lufte, shok të një ideali kombëtar. Por siç shihet idealet tona dhe të Harunit u tradhtuan nga ata që e çuan luftën e 2001 drejtë kapitullimit. U tradhtuam ne dhe populli shqiptar nga njerëzit që më shumë duan karrigen e karrierës se sa vendin e nderit në historinë shqiptare. Sepse në histori do hymë të gjithë, por nga veprimet dhe punët tona varet se çfarë vendi do zëmë. Do jemi dëshmorë, njerëz që punuam për çështjen kombëtare apo tradhtar. Harun Aliu dhe Shaban Zenuni e kanë zënë tashmë vendin e tyre në yjet që nuk shuhen kurrë. Ata janë yje që ndritin në historinë e bashkimit tonë kombëtar.


Ishte i vetëdijshëm edhe vet Harun Aliu se do të përfundon kështu, pasi ai ka njohur rrethanat në të cilat ka punuar?


Izair Samiu: Të gjithë njerëzit që punojnë për çështjen kombëtare janë të vetëdijshëm se do ndeshin në pengesa dhe rreziqe të mëdha. Kur jemi rreshtuar në UاKosovës dhe UاKombëtare nuk mendonim se do ktheheshim të gjallë nga këto luftëra. Me rëndësi për çdo luftëtarë ishte të çlironim Kosovën dhe trojet shqiptare në Maqedoni të bashkohen me trungun amë Shqipërinë. Por pengesat që na ngrenë fqinjët tanë të afërt dhe të largët kanë bërë që çdo iniciativë që merr shqiptari të mos ia dali në krye, të pengohet, të sabotohet. Pra të mbetemi në errësirë të prapambetur dhe të përçarë. Dua të them se edhe shoku ynë, bashkëluftëtari im Harun Aliu ishte i vetëdijshëm, se shkonte në shtigje me rreziqe të mëdha, por ai i kishte marrë parasysh të gjitha dhe gjënë më të keqe...


Mendoni se ka qenë rast i montuar , rasti Harun Aliu?


Izair Samiu: Nuk mendoj, por jam i bindur se është rast i montuar i akuzave që ju bë në fillim Harun Aliut. Pra, shteti e dënoj me akuza të paqena dhe më tej e vrau duke i marrë të drejtën e jetës. Sot në botën demokratike nuk e ka të drejtën njeri të na marri jetën. Atë të drejtë e ka vetëm Perëndia. Të gjithë e dimë se akuzat që e dërguan në gjyq kryetarin e partisë së AK Harun Aliun ishin të montuara. Ai u dënua sepse nuk pranonte robërinë, të ishte vasal i dikujt që punon kundër shqiptarëve. Pas dënimit nga Gjykatat të ndikuara nga politika jeta e tij u bë e vështirë, e pa sigurt. Policia sllavo-maqedonase në bashkëpunim me shërbëtorët e tyre shqiptar të cilët dihen i ngritën kurthin për ta vrarë Harun Aliun dhe shokët e tjerë. Këtë e dimë të gjithë por heshtim, heshtim sepse heshtja nga njëherë flet më shumë se fjala.


A keni përkrahjen nga pozita shqiptare që është në pushtet?


Izair Samiu: Shoqata SH.V.I.L e UاK “KALAJA” nuk është themeluar se gjërat ecin në rrugë të mbarë në Maqedoni për shqiptarët. Ne jemi themeluar duke parë punët e dobëta të politikanëve, deputetëve, ministrave shqiptarë. Qofshin në pozitë apo në opozitë. Shoqata e UاK “KALAJA” është themeluar që të jetë një zë i fuqishëm i kritikave për të kërkuar të drejtat tona njerëzore dhe kombëtare të cilat burojnë nga marrëveshjet Ndërkombëtare që ka nënshkruar Republika e Maqedonisë, nga Marrëveshja e Ohrit etj. Por siç dihet sllavo-maqedonasit nuk kanë ndërmend të zbatojnë marrëveshjet dhe ligjet kombëtare dhe ndërkombëtare. Qeveritarët sllavo-maqedonas në bashkëpunim me vasalët e tyre shqiptar punojnë që ne të zhdukemi nga trojet tona në këtë Republikë të brishtë. Sot shqiptarit i mohohet e drejta për të jetuar, i mohohet gjuha dhe flamuri etj. Mund të them se sot ndodhemi në një pozitë të keqe kombëtare, të rrezikshme, të pasigurt. (N.Nuredini/INA)

Titulli: Identifikohen viktimat e vrarë në incidentin në Radushë

Nënë moj, mbaj zi për vëllanë- përkitazi me vrasjen e Harun Aliut- Komandant Kushtrimit


I nderuar lexues, përderisa jam duke e shkruar këtë artikull, lotët më shkojnë nëpër sy dhe shpirti më djeg, kur e mendoj se si mund që njeriut të tillë, t`i ndodhte kjo gjë, si mund që një njeriu të madh si ai, t`i veshin akuza të tilla monstruoze, si mundej që këtij njeriu i cili sakrifikoi gjithçka për komb e shqiptari, t`i veshin etiketa gojëliga, nga ata ndjellakeq që gjatë këtyre viteve sollën vetëm fatkeqësi për kombin shqiptar në Maqedoni.




Ditë më parë ndodhi aksioni i “suksesshëm” policor që shtangu të gjithë shqiptarët që i thonë bukës bukë e ujit ujë. U vra, Kushtrimi i lirisë shqiptare, njeriu i cili ishte Shëmbëlltyrë e kombit shqiptar në Maqedoni. Meqenëse ky njeri i madh arriti që të hyjë ne botën e dëshmorëve, përmes tradhtisë shqiptare, mua nuk më shkojnë mendtë askund tjetër përpos tek analogjia e rastit të Komandant Kushtrimit, me heroin tjetër shqiptar Luigj Gurakuqin, për të cilin është thurur një elegji e bukur nga Fan Stilian Noli. Pse?

E para, sepse Harun Aliu, njeriu i cili luftoi për komb e atdhe u vra pabesisht në një vend të banuar me shqiptarë, nga policia e një shteti që nuk arrita asnjëherë ta mësojë se si duhet të quhet, ngase në çdo dhjetë vjet pjesëtarët e komunitetit që pretendojnë se janë shumicë në këtë shtet, si dhe qeveritarët dhe shtetarët e këtij “shteti”, performojnë me emra të ndryshëm, herë si maqedonas, herë si sllavomaqedonas, herë si maqedonas antik.....

E dyta, heshtja e faktorit politik shqiptar në qeveri përpos meje, e neveriti çdo shqiptar, ngase partia e cila pretendon se është parti vijuese e luftës dhe e UاK-së, dëshmoi edhe njëherë për të satën herë me radhë, se nuk ka legjitimitet në qeveri, nuk lë përshtypje se ekziston dhe se është thjesht e paqenë në qeveri. Kjo parti, e cila fatkeqësisht po hesht atëherë kur duhet të flitet më së shumti, sakrificën sublime të shqiptarëve për liri dhe avancim të të drejtave e grisi copa- copa. Paramendoni, i shprehin ngushëllime familjes së Harunit të ndjerë, ndërsa i bëjnë lutje Gruevskit për plotësim të kërkesave të tyre të skaduara, të cilat kërkesa duheshin të bëheshin kur hynë në qeveri e jo tash.

E treta, të pretendohet nga shteti dhe qeveritarët aktual, se njerëzit e vrarë në Radushë, janë kriminelë ordiner dhe terroristë, kjo nuk është përbuzje vetëm për të vrarët, po edhe për kombin shqiptar në përgjithësi. Një njeri si Haruni, e di secili që nuk ka qenë i tillë, ngase kriminelët ordinerë janë të lirë dhe kanë përkrahjen institucionale në Maqedoni, ndërsa çlirimtarët e vërtetë ose janë nëpër burgje, ose janë të vrarë, ose kërkohen nga policia e janë në arrati, ose janë në listën e ardhshme për ekzekutim.

E katërta, edhe fëmija i djepit,e mori vesh se në vrasjen e Komandant Kushtrimit gisht kanë edhe disa shqipfolës. Po po, e them me përgjegjësinë më të madhe shqipfolës, sepse askush më mirë se ata shqipfolës, që do t`i mallkojë Perëndia dhe Shqiptaria, nuk ka mundur të dijë dhe të spiunojë vendndodhjen e Harunit. E siç do të thoshte Faik Konica, “Armiku më i madh i shqiptarit është vet shqiptari”, (e ka pasur mendjen tek shqipfolësit që pretendojnë se janë shqiptarë), me të vërtetë zë vend bash në këtë vrasje.

E pesta, pretendimet e shtetit që mëton se është demokratik, e simulon skenarë që provokojnë zjarr, duke vrarë të pafajshëm (fajësia e tyre nuk u dëshmua kurrë) nxjerr në shesh gjërat që dëshmojnë se ky shtet duke tentuar të locojë problemet me emrin dhe identitetin në çështje të tjera, duke tentuar që të relativizojë problemet ndëretnike, dëshiron që të paraqes shqiptarët si frenues të proceseve, edhe pse janë pikërisht shqiptarët, ata që e mbajnë me infuzione këtë shtet dhe shpesh qeveritarët shqiptarë aktualë e duan më shumë se vet Gruevski dhe suitat e tij këtë shtet, bile edhe përjetojnë orgazëm për këtë shtet.

E gjashta, miratimi i kësaj vrasje dhe heshtja e faktorit politik shqiptar në Kosovë, dëshmon edhe njëherë se shqiptarët atëherë kur duhet të jenë unik janë të përçarë, atëherë kur duhet të jenë stoik janë të ndarë. Ardhja e z. Bajram Rexhepit (i cili nuk arriti që ta zgjidh problemin në shtëpinë e tij në Mitrovicë, e në Kosovë, ngase si Ministër i Punëve të Brendshme nuk arriti që të arrestojë të paktën një kriminel serb, që ka marr pjesë në krime ndaj shqiptarëve gjatë luftës në Kosovë, e të cilët kriminelë shëtisin të lirë rrugëve të Kosovës pa iu trembur syri, e lëre më të ndihmojë ndonjë zgjidhje të problemeve shqiptare në Maqedoni), përulja e tij para Jankullovskës, e cila si çdoherë tregohet supremative ndaj shqiptarëve, sa herë që vret shqiptarë të pafajshëm, dëshmon se Kosova ende është larg të qenit shtet. Imagjinoja sikur të ishte vrarë ndonjë serb kriminel në Kosovë, Serbia do të ngrinte zërin në qiell për ta, ndërsa shteti i Kosovës në vend se të gjykojë vrasjen e shqiptarëve, ai e miraton këtë vrasje, bile pranon edhe listën e zezë të personave që na qenkan në Kosovë, e të cilët duhet t`i kthehen burgjeve të Maqedonisë së Gruevskit dhe Jankullovkës.

E shtata, Shqipëria në vend që të thotë një fjali të thjeshtë të paktën dhe të kritikojë këto veprime antinjerëzore të policisë maqedonase, ajo në momentet vendimtare të kombit, ose është e nxënë në protesta, ose politikanët atje na paraqiten kozmopolitë të tepruar, saqë të krijojnë përshtypjen e zombit, njerëzve pa identitet, si dhe shpesh del ndonjë analist a publicist abdall dhe bile fajëson shqiptarët e Maqedonisë, për mospasje devotshmëri ndaj shtetit që të vret natën e ditën.
Andaj, për ty o dëshmor i kombit, o Harun Aliu, Komandant Kushtrimi, që prehesh sot në qetësi ashtu siç dinë të prehen trimat e lirisë që nuk vdesin edhe kur tu pushojë së rrahuri zemra, u vrave në pabesi duke u shitur nga dorë e tradhtarit, por jemi krenar me ty si shqiptarë, që të patëm bir, vëlla, shok dhe dashamirë. Për ty vlen thënia e Ciceronit “Jeto si trim, e nëse fati nuk është me ty, kundërshto rënien me zemër trimërie”. E ti, dite të kundërshtosh rënien si burrë, sepse nuk u përule, sikurse ca të tjerë para shantazheve dhe kërcënimeve. Në momentin që po shkruaj këtë artikull për ty që je në përjetësi, më sillet nëpër kokë elegjia e Nolit, që unë ta kushtoj ty:
“Nënë moj mbaj zi për vëllanë,
me shumë plumba na e vranë,
na e vranë e na e shanë,
na i thanë kriminel e vrastar”.

Po ti nuk je i tillë, historia dëshmon dhe do të dëshmojë, atëherë kur këtij kombi fatkeq do t`i vijnë liderë të vërtetë, që para se gjithash do të jenë shqiptarë./Ardian Ramadani Albaniapress/

Titulli: Identifikohen viktimat e vrarë në incidentin në Radushë

Janë për t’u dhimbsur ata që nuk kanë pas veti kombëtarët


Ndërkaq, Dëshmorët e Kombit..., e kanë gjithë kombin pas!

Trimat vdesin edhe në pabesi të nderuara familje DثSHMORثSH. Ju sigurisht që ndieni dhembje për vdekjen e bijve TUAJ, por jemi shumë të sigurt se dhembja është zbehur në mas shumë të madhe, për të mos thënë se është zhdukur krejtësisht duke pasur parasysh se sa vëllezër, motra e fare fis paskan pasur Harruni me shokë.!


Shkruan: Cenë Pushkolli


Gjurmët e pabesisë në vrasjen e Harun Aliut me shokë qojnë në konkludim se ata ranë në kurth me ndihmën e shqipfolësëve. Ata që vranë Harrunin me shokë, vërtetë nuk kanë emër, thuhet se janë maqedonas, sllavomaqedonas, respektivisht maqedonas antik, thuhet gjithashtu se janë hibrid i Titos. اka do që të jenë ata, ata janë të pabesë, ata janë njerëz që me çdo kusht përpiqen që të jenë dikushi, ata nuk zgjedhin mjete për apetitet që i kanë, ata në mesin e të cilëve janë edhe akademikët përpiqen që meritat e shqiptarëve t’i kthejnë në historinë e tyre. Ata madje edhe Aleksandrin e Madh përpiqen që ta përvetësojnë, përkundër fakteve historike që flasin se Aleksandri i madh ka qenë birë i Pellazgëve shih shkrimin e z. Aristidh Kola, të publikuar në web faqe të ndryshme të internetit ” Disa pseudohistorianë të sotëm të fqinjëve tanë të afërt dhe të largët, pretendojnë që Leka i Madh nuk ka prejardhje shqiptare. Por historianët e lashtë kanë lënë shënime që tregojnë se Aleksandri i Madh ishte i biri i mbreti të Maqedonisë - Filipit II dhe i Olimbisë, një princeshë Ilire, e bija e mbretit të Epirit - Neoptolemi I.”, kjo e dhënë historike si edhe shumë e shumë fakte të tjera historike ata tej mase e humbin arsyen e të qenunit njeri normal. Këta që shtien në Harrunin dhe shokët e tij, neve nuk na habisin shumë për faktin që e përmendëm më sipër.
Neve na habit fakti tjetër: Pse merremi me thashetheme, pse në mesin tone ka ende njerëz që për dy-tri pare e tradhton vëllanë, motrën, tradhton kombin. Pse dhe deri kur bashkëpunohet me ata që na vrasin, pse njerëzit tanë që bëjnë politikë( çdo respekt atij që mendon dhe vepron kombëtarisht-shqiptarqe) dhe që merren me politikë sillen si servil ndaj atij që të vret vëllanë, motrën bashkëkombësin. Pse etiketojmë njëri – tjetrin, pse të themi se Haruni me shokë ishin duke tregtuar me armatim. Pse, pse, pse mjerisht ka shumë. Falë Zotit përgjigjja në këto pyetje është vetëm një, vetëm një të vërtetë ka në këtë tragjedi kombëtare, e ajo është se Harruni me shokë kanë qenë betuar se do të luftojnë me mish e me shpirt për ta bërë SHQIPثRINث ETNIKE. Këtë rrugë ata mjerisht e përfunduan, por ata kanë lënë pas veti me qindra mijëra djelmosha dhe vasha që janë betuar përpara varrit të komandantit Legjendar si edhe përpara librave të shenjtë se kurrë nuk do ta ndalin luftën për pa u ribashkuar kombi shqiptar.
Këto betime janë konfirmuar edhe këto ditë derisa familjarët e dëshmorëve pritnin bashkëmendimtarët e dëshmorëve në kryeshënosh. Mjerisht ka edhe nga ata që betimet i kanë harruar me ardhjen në pushtet, ata kanë harruar se mallkimi i dëshmorëve, i invalidëve të luftës, i luftëtarëve të kauzës gjithëkombëtare, i familjarëve të të sipërpërmendurve, i fëmijëve të tyre.

Për Harrunin edhe Prishtina, Kosova ka derdhur lot, me mijëra luftëtarë të kauzës gjithëkombëtare kanë shkuar për t’i vizituar familjarët e Harrunit në Prishtinë, sigurisht që kanë pasur dhembje, dhembje kanë pasur edhe ata që kanë shkuar për kryeshnosh. Vëllai i Harunit me shokë, miq e dashamirë të Harunit me ballë lartë i pritnin njerëzit për kryeshnosh, nga sytë e tyre shihej se janë të lumtur me mesazhet që jepnin luftëtarët e kauzës gjithëkombëtare shqiptare. Askush ama bash askush nga ata( që vinin në kryeshnosh dhe nga ata që pritnin të parët) nuk dyshonin që rrugën e nisur nga Haruni dhe shokët e tij nuk duhet quar përpara. Ribashkimi Kombëtar Shqiptar është i natyrshëm, këtë e dëshiron i gjithë populli, kuptohet përveç atyre shqipfolësve që janë pajtuar të puthadorën gjatë gjithë jetës së tyre. Këta që e duan ribashkimin Kombëtar shqiptar nuk i tremb asgjë, të tillë ka shqiptaria gjithandej botës, prej Amerike e deri në Turqi, të kësaj ideje janë edhe të varfëritë edhe “malldarët”, bile këta të dytit sigurisht që me dëshirë do të angazhoheshin që me bashkimin e punës dhe të mjeteve të arrijmë deri te SHQIPثRIA ETNIKE. Poshtë tradhtarët!
Tradhëtarët nuk i don as Zoti!/Albaniapress/

Titulli: Identifikohen viktimat e vrarë në incidentin në Radushë

KOSH: Prokuroria të hetojë vrasjen në Radushë


Këshilli i Organizatave Shqiptare (KOSH) ka kërkuar që Prokuroria Publike të fillojë hetime për aksionin policor në Radushë, për të ndriçuar vrasjen e katër shqiptarëve, që u vranë në pritën policore.

“Aksioni është kryer në kushte tejet të dyshimta, me ç`rast janë vrarë në pritë katër shqiptarët”, ka theksuar Valon Kurtishi nga organizata “Illyricum Libertas”, që është pjesë e këshillit prej 42 shoqatave joqeveritare.
KOSH ka kërkuar që prokurori publik Lupço Shvrgovski në afat prej shtatë ditëve të prononcohet për kërkesën e tyre.

”Prokuroria Publike të bëjë hetime lidhur me këtë ngjarje tragjike dhe ta ndriçojë ate në tërësi, duke marrë parasysh rolin dhe përgjegjësinë e forcave policore, të cilat kanë për detyrë që të mbrojnë jetën, dinjitetin dhe pronën e qytetarëve, dhe jo vrasjen dhe eliminimin e tyre nëpër prita”, ka theksuar Kurtishi.

KOSH ka paralajmëruar se në rast se nuk ka përgjigje nga Prokuroria, atëherë ata në bashkëveprim me familjet e të vrarëve do të iniciojnë padi penale private para gjykatave vendore. “Bëhet fjalë për pritë e policisë, dhe jo sulm i bërë nga katër personat e vrarë. Kjo është një vrasje e organizuar”, ka theksuar Valon Kurtishi nga “Illyricum Libertas”, duke denoncuar policinë për vrasjen e kryer të 12 majit, ku u vra ish-komandanti i UاK-së, Harun Aliu, i njohur me nofkën komandant Kushtrimi. (INA)