I kërkon të shoqit dhuratë për ditëlindje, por merr grushta e shqelma në sy të fëmijëve. Siç raporton Shqip, ngjarja ka ndodhur në mes të Tiranës para pesë ditësh. Për t’i shpëtuar dhunës barbare të të shoqit, gruaja është hedhur nga ballkoni i katit të dytë, por ka shpëtuar, edhe pse ka pësuar fraktura të shumta. Siç raporton Shqip, 31 vjeçarja N.B, nënë e tre fëmijëve, dhunohej rregullisht nga i shoqi. Ajo ka dëshmuar në polici si sherret dhe dhuna ndaj saj ka nisur kur i shoqi i kërkonte me ngulm të bënte një djalë. Por para pak ditësh, kur ajo i ka kërkuar një dhuratë për ditëlindje, ai e ka rrahur barbarisht në sy të vajzave. Gruaja ka dalë në ballkon për t’i dhënë fund jetës dhe është hedhur. Atë e kanë gjetur banorët e zonës, që e kanë transportuar për në Spitalin Ushtarak. I shoqi hetohet tani për shkaktim dhune dhe nxitje për vetëvrasje.
TemA
