Grenell në Twitter demanton Zyrën e Kryeministrit për bisedën e Kurtit me Shtëpinë e Bardhë

Lajme
Gazeta Express
05/03/2020 20:27

Shefi i Grupit Parlamentar të Lidhjes Demokratike të Kosovës, Arben Gashi, ka konfirmuar që nga Shtetet e Bashkuara të Amerikës ka paralajmërime për sanksione ndaj Kosovës.


Ai ka deklaruar se edhe partia e tij, që qeveris vendin bashkë me Lëvizjen Vetëvendosje, është informuar për masat ndëshkuese që mund t’i ndërmarrë Uashingtoni zyrtar, për shkak të mosheqjes së plotë dhe pa kushte të tarifës prej 100 për qind ndaj mallrave nga Serbia.


“Nuk dëshiroj ta shoh Kosovën në atë gjendje ku partneri ynë strategjik vendos sanksione”, është shprehur fillimisht Gashi në KTV.


“Kosova është projekt i përbashkët me Shtetet e Bashkuara të Amerikës”, ka deklaruar ai.



I pyetur nëse janë të vërteta paralajmërimet për sanksione, ai është përgjigjur: “Ka zëra për diçka të tillë. Kanë ardhur ato zëra në të gjitha institucionet… edhe në LDK”.


Sipas tij, bëhet fjalë për mundësinë e “rikonsiderimit të përkohshëm të projekteve në Kosovë”.


Megjithatë, ai ka thënë se beson që një gjë e tillë do të shmanget dhe nuk do të ndodhë. “Jemi të vetëdijshëm për rëndësinë e partneritetit me SHBA’në. Është jetik për Kosovën”, ka vlerësuar Gashi. /Express/

Lajme
Gazeta Express
05/03/2020 20:00

Kryeministri i Kosovës, Albin Kurti, filloi punën me 4 shkurt, një ditë pasi që qeveria e tij u votua në Kuvendin e Kosovës. Që atëherë, Kurti ka emëruar të gjithë zëvendësministrat në qeveri, por edhe ka filluar të punësojë këshilltarët në kabinetin e tij. Ja sa këshilltar ka emëruar kryeministri deri më tani.


Kryeministri emëroi së pari Aziz Bicin, si këshilltar politik dhe Drejtor të Zyrës për Çështje të Kategorive të dala nga lufta e UÇK’së.





Pas këtij Kurti emëroi si këshilltar një shtetas amerikan. Tienmu Ma u bë këshilltar për punë të jashtme.


Shenaj Shala ishte këshilltarja e tretë e emëruar. Ajo mori postin e Këshilltares të Jashtme Politike si dhe u bë përgjegjëse e Protokollit në Kabinetin e Kryeministrit.



Luan Dalipi u bë këshilltar me datën 21 shkurt, po ashtu ai u emërua shef i kabinetit të kryeministrit.


Durim Berisha dhe Erzen Vraniqi u emëruan këshilltar me datat 21 dhe 25 shkurt respektivisht.


Me 4 mars, kryeministri emëroi anëtarin e VV’së nga Tirana, Elvis Hoxha, si këshilltar së bashku me Fëllënza Podrimja.


Këshilltarja e radhës u bë Furtuna Sheremeti, ajo u emërua si këshilltare e jashtme politike për çështje juridike.


Ndërsa me datën 5 mars, Kurti emëroi Dritan Talin këshilltar politik për çështje të koordinimit të SHERPA dhe zbatimit të Planit Shumëvjeçar të Veprimit për Zonën Ekonomike Rajonale për të cilën u ra dakord në Samitin e Triestes, korrik 2017. Me këtë datë po ashtu ai emëroi Nora Kelmendin Këshilltare Politike për koordinimin e të drejtave pronësore.


Gjithsej deri më tani kryeministri ka emëruar 10 këshilltarë. Ndërkohë gjatë qeverisjes së kaluar, Kurti njihej si kritikë i madh i kryeministrit për shkak se kishte emëruar numër të madh të këshilltarëve. /Express/

Lajme
Gazeta Express
05/03/2020 20:53

Ministri i Integrimeve Blerim Reka në një intervistë për RTK ka thënë se askush nuk ka të drejtë të negociojë territorin me Serbinë.


Por, ai ka thënë se Serbisë i ofrojnë një kompromis të madh siç ka thëne ai dalje në det, në portin e Durrësit, nëpërmjet Kosovës, pa elaboruar më shume.


Reka ka thënë se Serbia është e bllokuar dhe nuk ka qasje në det pasi është e bllokuar nga Mali i Zi dhe se këtë nuk po mundet ta bëjë as nëpërmjet Maqedonisë.