-
- Anëtarësuar më
- Apr 1, 2011
-
- Mesazhe
- 115,970
-
- Reagimet e mara
- 85,001
Gratë fshehin dhunën
Dhuna në familje në Qarkun e Elbasanit është dyfishuar krahasuar me një vit më parë. Sipas të dhënave të Gjykatës së Elbasanit, gjatë 10-mujorit të vitit 2016 janë dhënë 88 urdhra mbrojtje, dy herë më shumë se 12-mujori i vitit 2015, ku janë regjistruar 44 urdhra mbrojtje.
Por këto janë vetëm rastet e regjistruara,pa llogaritur qindra raste të tjera të cilat dhunën e fshehin brenda ambienteve të shtëpisë, si kjo zonjë……
“Vjen ndonjëherë i pirë dhe godet. Nuk kam ku të iki. Nëna dhe babai më thonë rri tek burri. Kam frikë nëse burgoset dhe del prap”, thotë një viktimë e dhunës.
Por cilat janë shkaqet të cilat kanë cuar në një rritje kaq të ndjeshme të dhunës në familje. Statistikat thonë në 88 rastet ku është dhënë urdhër mbrojtje, në 73 dhunuesi është me arsim 9 vjeçar dhe vetëm 1 me arsim të lartë, ndërsa në 65 raste dhunuesi është i papunë. Por sipas psikologëvë këto janë vetëm shkaqet që duken.
“Kuptohet që ky është një tregues i vështirësive që kalon familja sot, që lidhet me stilet e reja të jetës, me transformimet e shpejta, pasigurinë, varfërinë, papunësinë dhe mungesën e shpresës”, thotë psikologia Fatbardha Gjini.
Nga ana tjetër psikologët tregojnë edhe disa nga rrugët që mund të ndiqen për të minimizuar dhunën në familje.
“Nuk mund ta shmangim dhunën duke u trajtuar vetëm dhunuesi. Edukimi, puna formuese për familjen dhe shkolla kanë një rol shumë të rëndësishëm”, shton psikologia Gjini.
Në shumicën e rasteve dhuna në familje çon në shkatërrimin e kësaj të fundit. Gjatë 10 mujorit të këtij viti në qarkun e Elbasanit i kanë dhënë fund martesës 323 çifte.
Dhe edhe pse sot ishte një ditë sensibilizimi kundër dhunës në familje, policia e Elbasanit arrestoi dy persona që kishin kryer këtë vepër penale.
/ Top Channel
Dhuna ndaj grave, Klosi prezanton strategjinë kombëtare
Si çdo vajzë tjetër, ajo ëndërronte për princin e kaltër. Dëshironte një familje, një burrë, një bashkëshort, një baba, një shok. Por jo, fati i keq deshi që ajo të njihej me dhunuesin e saj. Ajo u dashurua siç dashuron çdo grua, por as kjo nuk mjaftoi për të dalë nga 4 “muret” e dhunës.
“Që ditën e dytë pas martesës filluan problemet. Ai vinte në shtëpi në 2 të natës, i dehur dhe me ulërima. Kjo sjellje ishte e zakonshme çdo ditë, nuk kisha as kujt t’ia thosha se nuk do të më besonin. U mundova shumë ta ndryshoja, por ishte e pamundur”, rrëfeu gruaja e dhunuar.
Por ajo ia doli. Zgjodhi të jetojë pa dhunë! Ajo denoncoi burrin dhunues, atë që i vrau fëmijën duke i dhënë vetes mundësinë për të jetuar një jetë të dytë.
“Ka jashtëzakonisht shumë për të bërë në përmirësimin e ligjit, përmirësimin e aksesit të viktimave drejt shërbimeve të specializuara, fuqizimit të masave në parandalimin e dhunës, rritjen e ndërgjegjësimit dhe përfshirjen sociale”, deklaroi Iris Luarasi, drejtuese e Linjës për Këshillimin e Grave dhe Vajzave.
Në çeljen e fushatës kundër dhunës ndaj grave, që përkon edhe me Ditën ndërkombëtare të këtij fenomeni, u nënshkrua edhe marrëveshja për Linjën e Këshillimit, një pikë kontakti ku viktimat do të adresojnë rastet e dhunës.
“Janë evidentuar dhe trajtuar 3.195 raste, që në krahasim me të njëjtën periudhë të vitit të kaluar janë 11 për qind më shumë. Ne sot duam të rrisim besimin, që mekanizmin e mbrojtjes ndaj çdo shfaqjeje të dhunës ta bëjmë zgjedhje të kujtdo që sot është ende nën dhunë”, deklaroi ministri i Mirëqënies Sociale, Blendi Klosi.
Dhuna në familje, nis fushata ndërgjegjësuese
“Unë zgjedh të jetoj pa dhunë”! Ky është slogani që do të udhëheqë fushatën ndërgjegjësuese kundër dhunës në familje, nismë e ministrisë së Mirëqenies Sociale. Nga e premtja, për 16 ditë me radhë do të organizohen aktivitete kushtuar grave, mekanizmave mbrojtës dhe fuqizimit të tyre.
“Nga 1 janari-30 shtator 2016 kemi 3195 raste dhune të denoncuara, në 2015-n ishin 2800. Nuk besoj se është rritur dhuna në familja, por është rritur ndërgjegjësimi. Raporto se ti mund të mbrohesh, ka mekanizma që mund të mbrojnë. Zgjidhja është integrimi më i madh i vajzave dhe grave në tregun e punës, deklaroi ministri i Mirëqenies Sociale, Blendi Klosi.
Ministri Klosi theksoi gjithashtu se veç sistemit të ngritur posaçërisht për denoncimin e dhunës, sivjet sistemi gjyqësor ka funksionuar më mirë. Në 2016-n janë trajtuar me urdhër mbrojtje 1683 gra që kanë denoncuar dhunën në familje.
Kur bëhet fjalë për gratë, ambasadori amerikan në Shqipëri është i ndjeshëm. Lu ka një mesazh.
“Unë zgjedh të jetoj pa dhunë. Unë zgjedh të respektoj gratë. Unë zgjedh të respektoj burrat. Unë zgjedh të ndihmoj të tjerët të mësojnë se çfarë do të thotë respekt. Shpresoj që edhe ju të më mbështesni”, tha Lu.
/ Top Channel
Dhuna në familje në Qarkun e Elbasanit është dyfishuar krahasuar me një vit më parë. Sipas të dhënave të Gjykatës së Elbasanit, gjatë 10-mujorit të vitit 2016 janë dhënë 88 urdhra mbrojtje, dy herë më shumë se 12-mujori i vitit 2015, ku janë regjistruar 44 urdhra mbrojtje.
Por këto janë vetëm rastet e regjistruara,pa llogaritur qindra raste të tjera të cilat dhunën e fshehin brenda ambienteve të shtëpisë, si kjo zonjë……
“Vjen ndonjëherë i pirë dhe godet. Nuk kam ku të iki. Nëna dhe babai më thonë rri tek burri. Kam frikë nëse burgoset dhe del prap”, thotë një viktimë e dhunës.
Por cilat janë shkaqet të cilat kanë cuar në një rritje kaq të ndjeshme të dhunës në familje. Statistikat thonë në 88 rastet ku është dhënë urdhër mbrojtje, në 73 dhunuesi është me arsim 9 vjeçar dhe vetëm 1 me arsim të lartë, ndërsa në 65 raste dhunuesi është i papunë. Por sipas psikologëvë këto janë vetëm shkaqet që duken.
“Kuptohet që ky është një tregues i vështirësive që kalon familja sot, që lidhet me stilet e reja të jetës, me transformimet e shpejta, pasigurinë, varfërinë, papunësinë dhe mungesën e shpresës”, thotë psikologia Fatbardha Gjini.
Nga ana tjetër psikologët tregojnë edhe disa nga rrugët që mund të ndiqen për të minimizuar dhunën në familje.
“Nuk mund ta shmangim dhunën duke u trajtuar vetëm dhunuesi. Edukimi, puna formuese për familjen dhe shkolla kanë një rol shumë të rëndësishëm”, shton psikologia Gjini.
Në shumicën e rasteve dhuna në familje çon në shkatërrimin e kësaj të fundit. Gjatë 10 mujorit të këtij viti në qarkun e Elbasanit i kanë dhënë fund martesës 323 çifte.
Dhe edhe pse sot ishte një ditë sensibilizimi kundër dhunës në familje, policia e Elbasanit arrestoi dy persona që kishin kryer këtë vepër penale.
/ Top Channel
Dhuna ndaj grave, Klosi prezanton strategjinë kombëtare
Si çdo vajzë tjetër, ajo ëndërronte për princin e kaltër. Dëshironte një familje, një burrë, një bashkëshort, një baba, një shok. Por jo, fati i keq deshi që ajo të njihej me dhunuesin e saj. Ajo u dashurua siç dashuron çdo grua, por as kjo nuk mjaftoi për të dalë nga 4 “muret” e dhunës.
“Që ditën e dytë pas martesës filluan problemet. Ai vinte në shtëpi në 2 të natës, i dehur dhe me ulërima. Kjo sjellje ishte e zakonshme çdo ditë, nuk kisha as kujt t’ia thosha se nuk do të më besonin. U mundova shumë ta ndryshoja, por ishte e pamundur”, rrëfeu gruaja e dhunuar.
Por ajo ia doli. Zgjodhi të jetojë pa dhunë! Ajo denoncoi burrin dhunues, atë që i vrau fëmijën duke i dhënë vetes mundësinë për të jetuar një jetë të dytë.
“Ka jashtëzakonisht shumë për të bërë në përmirësimin e ligjit, përmirësimin e aksesit të viktimave drejt shërbimeve të specializuara, fuqizimit të masave në parandalimin e dhunës, rritjen e ndërgjegjësimit dhe përfshirjen sociale”, deklaroi Iris Luarasi, drejtuese e Linjës për Këshillimin e Grave dhe Vajzave.
Në çeljen e fushatës kundër dhunës ndaj grave, që përkon edhe me Ditën ndërkombëtare të këtij fenomeni, u nënshkrua edhe marrëveshja për Linjën e Këshillimit, një pikë kontakti ku viktimat do të adresojnë rastet e dhunës.
“Janë evidentuar dhe trajtuar 3.195 raste, që në krahasim me të njëjtën periudhë të vitit të kaluar janë 11 për qind më shumë. Ne sot duam të rrisim besimin, që mekanizmin e mbrojtjes ndaj çdo shfaqjeje të dhunës ta bëjmë zgjedhje të kujtdo që sot është ende nën dhunë”, deklaroi ministri i Mirëqënies Sociale, Blendi Klosi.
Dhuna në familje, nis fushata ndërgjegjësuese
“Unë zgjedh të jetoj pa dhunë”! Ky është slogani që do të udhëheqë fushatën ndërgjegjësuese kundër dhunës në familje, nismë e ministrisë së Mirëqenies Sociale. Nga e premtja, për 16 ditë me radhë do të organizohen aktivitete kushtuar grave, mekanizmave mbrojtës dhe fuqizimit të tyre.
“Nga 1 janari-30 shtator 2016 kemi 3195 raste dhune të denoncuara, në 2015-n ishin 2800. Nuk besoj se është rritur dhuna në familja, por është rritur ndërgjegjësimi. Raporto se ti mund të mbrohesh, ka mekanizma që mund të mbrojnë. Zgjidhja është integrimi më i madh i vajzave dhe grave në tregun e punës, deklaroi ministri i Mirëqenies Sociale, Blendi Klosi.
Ministri Klosi theksoi gjithashtu se veç sistemit të ngritur posaçërisht për denoncimin e dhunës, sivjet sistemi gjyqësor ka funksionuar më mirë. Në 2016-n janë trajtuar me urdhër mbrojtje 1683 gra që kanë denoncuar dhunën në familje.
Kur bëhet fjalë për gratë, ambasadori amerikan në Shqipëri është i ndjeshëm. Lu ka një mesazh.
“Unë zgjedh të jetoj pa dhunë. Unë zgjedh të respektoj gratë. Unë zgjedh të respektoj burrat. Unë zgjedh të ndihmoj të tjerët të mësojnë se çfarë do të thotë respekt. Shpresoj që edhe ju të më mbështesni”, tha Lu.
/ Top Channel
