Athinë, 29 prill 2012, NOA - Dy gra shqiptare, pjesë e një bande që grabiste dyqane në qendër të Athinës, u vunë në pranga nga policia greke teksa po tentonin të largoheshin pas një tentative vjedhjeje, raporton agjencia e lajmeve NOA.al.
Autoritetet e vendit fqinj kanë shpallur në kërkim edhe një tjetër person, ndërsa kanë arrestuar një 42-vjeçar, bashkëpunëtor të tyre.
Dy gratë e ndaluara janë të moshës 24 dhe 25 vjeç.
Ato u arrestuan në flagrancë në një dyqan në rrugën Ermu në qendër të kryeqytetit grek. Policia sekuestroi veshje të llojeve të ndryshme dhe aksesorë të tjerë, që ishin marrë nga raftet e dyqanit, siç tregojnë edhe fotot origjinale.
Hetimet e mëtejshme zbuluan se banda e grabitësve i trafikonte veshjet e vjedhura drejt Shqipërisë, ku më pas shiteshin në mënyrë ilegale.
Dy gratë, të ndihmuara edhe nga bashkëpunëtorët e tyre grabisnin sistematikisht dyqane në Athinë, duke i futur veshjet e vjedhura në çanta të mëdha për të mos u dalluar nga policia.
Sipas policisë, bëhet fjalë për më shumë se 20 dyqane të vjedhura dhe mallra me vlerë deri në 7 mijë euro.
Autoritetet e vendit fqinj kanë shpallur në kërkim edhe një tjetër person, ndërsa kanë arrestuar një 42-vjeçar, bashkëpunëtor të tyre.
Dy gratë e ndaluara janë të moshës 24 dhe 25 vjeç.
Ato u arrestuan në flagrancë në një dyqan në rrugën Ermu në qendër të kryeqytetit grek. Policia sekuestroi veshje të llojeve të ndryshme dhe aksesorë të tjerë, që ishin marrë nga raftet e dyqanit, siç tregojnë edhe fotot origjinale.
Hetimet e mëtejshme zbuluan se banda e grabitësve i trafikonte veshjet e vjedhura drejt Shqipërisë, ku më pas shiteshin në mënyrë ilegale.
Dy gratë, të ndihmuara edhe nga bashkëpunëtorët e tyre grabisnin sistematikisht dyqane në Athinë, duke i futur veshjet e vjedhura në çanta të mëdha për të mos u dalluar nga policia.
Sipas policisë, bëhet fjalë për më shumë se 20 dyqane të vjedhura dhe mallra me vlerë deri në 7 mijë euro.
NOA