Në Spanjë ka nisur një fushatë e veçantë nga një prej gazetave më të shitura sportive, e famshmja “Marca”, që kërkon nga drejtuesit e futbollit spanjoll të afrojnë në La Liga anësoren Fernanda Colombo Uliana.
27-vjeçarja nga Brazili konsiderohet si gjyqtarja më seksi e planetit. Biondja me trup mbresëlënës dhe një buzëqeshje që zbut edhe futbollistin më nervoz arbitron në kategorinë e parë braziliane, ku është bërë gjithnjë e më e famshme.
Në Brazil thonë se zbret në fushë sepse është e aftë dhe jo se është një femër shumë e bukur.
Fernanda Colombo Uliana gjykon në kategorinë elitare në Brazil Në Spanjë kanë mendimin se një karton i kuq, i shoqëruar nga një buzëqeshje mbresëlënëse do të ishte e domosdoshme për të zbutur tensionet.
Fernanda, që kohët e fundit ka marrë edhe stemën e FIFA-s, nuk ka dëshirë të bëhet e famshme. Kanale të ndryshme televizive dhe agjenci mode janë përpjekur ta marrin si imazh, por ajo e ka zgjedhur futbollin për pasion dhe jo për lavdi, raporton TeleSport.
“Nuk ka diferencë mes femrave dhe meshkujve kur bën diçka me pasion, – thotë Fernanda. – Prej pesë vitesh punoj si anësore. Kur më thanë se duhet të bëja një provim te FIFA për të ecur në karrierë e bëra vetëm për të përmirësuar veten time, jo për famë.
Unë ëndërroj të bëhem një gjyqtare e përkryer.”
t.observer
