Tuana
Nada é por acaso!
-
- Anëtarësuar më
- Mar 15, 2012
-
- Mesazhe
- 3,970
-
- Reagimet e mara
- 654
Një kafkë e lashtë hominide, me moshë gati 2 milionë vjeçare është gjetur kohët e fundit në Gjeorgji. Ky zbulim i rëndësishëm i ka rritur shpresat e shkencëtarëve për të zbuluar mënyrën se si ka evoluar njeriu deri në ditët tona. Kafka e cila është e ruajtur shumë mirë, është gjetur në një fshat mesjetar në një zonë rurale të Gjeorgjisë. Sipas shkencëtarëve, ajo paraqet një moment të evolucionit të hershëm të njeriut; momentin e lëvizjes së qenieve paranjerëzore nga Afrika drejt pjesëve të tjera të botës.
Studimi lidhur me këtë zbulim të rëndësishme është botuar së fundi në revistën ‘Shkenca’.
“Ne jemi shumë me fat që kemi tani dëshminë më të mirë të pranisë së njeriut të hershëm dhe kjo është kafka më e plotë e gjetur ndonjëherë në botë nga kjo periudhë kohore. Ajo tregon se shumë karakteristika që kemi menduar se janë morfologjike, në fakt janë vetëm individuale. Kur shihet ndryshimi midis këtyre dy nofullave përshtypja e parë që mund të krijohet është se janë dy specie të ndryshme, por kjo kafkë tregon se është vetëm një popullsi”, thotë David Lordkipanidze, autor i studimit në fjalë dhe drejtor i Muzeut Kombëtar të Gjeorgjisë.
Gjetja e kësaj kafke, sipas shkencëtarëve forcon njërën prej dy teorive konkurruese rreth evolucionit të hershëm njerëzor. Në bazë të saj, origjina jonë lidhet gjithnjë e më tepër me një specie të vetme paranjerëzore, njësoj si në një pemë tipike familjare, dhe jo nga një evolucioni i parregullt me specie të ndryshme që kanë rrjedhur prej familjes Hominidae./G.Sh/
