Në vijim të fushatës sensibilizuese "Dhuro për jetën" mbi dhurimin vullnetar të gjakut, dje në 20-vjetorin e Ratifikimit të Konventës për të Drejtat e Fëmijëve, fondacioni "Fëmijët shqiptarë", organizuan një sfilatë me fëmijë.
Qëllimi i këtij aktiviteti ishte sensibilizimi dhe edukimi i fëmijëve që në vegjëli, duke e shndërruar dhurimin vullnetar të gjakut në kulturë të përgjithshme për shoqërinë tonë.
Në këtë ceremoni, nuk munguan mesazhet e thjeshta që vetë fëmijët përpiqeshin të përcillnin te të pranishmit lidhur me sensibilizimin për të dhuruar gjak. Apeli i tyre është ftesa për të dhuruar gjak për bashkëmoshatarët e tyre, të sëmurët talasemikë. Pas përfundimit të veprimtarisë, për të gjithë fëmijët u dhurua libri "Trupi ynë" që në vetvete është një kujdes dhe merak për çdonjërin prej fëmijëve që vjen në jetë dhe ka të drejtën për ta jetuar.
Gazeta Shqip
a. Për të pasur një molekulë hemoglobine normale duhen 2 vargje nga kromozomi 16, dhe 2 vargje nga kromozomi 11.
b. اdo njeri normalisht ka 4 gjene për vargjet alfa (2 nga nëna dhe 2 nga babai) në kromozomin 16; në kromozomin 16 gjendet edhe gjeni për vargun zeta, që është homolog i vargut alfa. اdo njeri ka normalisht 2 gjene beta (1 nga nëna dhe 1 nga babai) në kromozomin 11; në kromozomin 11 gjenden edhe gjenet për vargjet epsilon, gama, dhe delta, që janë homologë të vargut beta.
c. Tek të rriturit, normalisht rreth 96% e hemoglobinës është hemoglobinë A (alfa2beta2); rreth 3% është është hemoglobinë A2 (alfa2delta2), dhe rreth 1% është HbF. Fetusi ka kryesisht hemoglobinë F (alfa2gama2).
Fjala "talasemi" e ka prejardhjen nga greqishtja e vjetër dhe do të thotë "sëmundje e detit Mesdhe". Talasemia është sëmundje gjenetike që shkaktohet nga mungesa ose nga pakësimi i prodhimit të vargjeve të hemoglobinës.
Në varësi të sasisë të hemoglobinës që prodhohet, talasamia emërohet "majore", "intermedia", ose "minore".
a. Talasemia minore është pa simptoma klinike.
b. Talasemia majore bën të domosdoshme dhënien e rregullt të transfuzioneve për të korrigjuar mungesën e theksuar të hemoglobinës.
c. Talasemia intermedia ka simptoma të anemisë të theksuar, por nuk e ka të domosdoshëm transfuzionin.
Në varësi të vargut të hemoglobinës që mungon (alfa ose beta), talasemia emërohet "talasemi alfa" ose "talasemi beta".
Diagnoza e talasemisë vendoset pas elektroforezës të hemoglobinës.
Trajtimi:
a. Transfuzion + desferioksaminë për të parandaluar hemokromatozën.
b. Të prekurve u jepet edhe acid folik, dhe mund të bëhet splenektomia.
c. Transplanti i qelizave hemopoetike (transplanti i palcës të kockave) mund ta kurojë sëmundjen për fare (në rreth 80-85% të rasteve).
