Kresha
A pretty face can never trick me
“Vendimi për njohjen e Kosovës doli të ishte i nxituar” – ky është arsyetimi që ministria e jashtme e Ganës e ka dhënë për tërheqjen e njohjes së Kosovës.
Kjo është konfirmuar nga Gana për agjencinë e lajmeve franceze, AFP ku thuhet se: “Gana e ka tërhequr njohjen e nxituar të pavarësisë së Kosovës”, shkruan lajmi.net.
“Gana e ka marrë parasysh dialogun mes Serbisë dhe Kosovës që ka për qëllim zgjidhjen e çështjes së kërkesës së kësaj të fundit për t’u njohur si entitet i pavarur dhe sovran dhe mbështet procesin që po vazhdon për t’i dhënë fund çështjes”, thuhet më tutje në arsyetim.
Ky njoftim mund të pengojë vazhdimin e dialogut mes dy vendeve, i cili është ngrirë për më shumë se një vit.
Deklarata e ministrisë ganeze thotë se pavarësia e shpallur njëanshëm e Kosovës ishte “në kundërshtim me Rezolutën 1244 të Këshillit të Sigurimit”, referencë kjo për rezolutën e vitit 1999 që e vuri vendin nën protektorat ndërkombëtar.
Rezoluta i dha Kosovës “autonomi substanciale” brenda Jugosllavisë, pjesë e së cilës asokohe ishte Serbia, dhe nuk përmend pavarësinë e plotë.
Ministria e jashtme serbe përmes një deklarate vlerësoi “vendimin e rëndësishëm” të Ganës dhe tha se është bërë “vendi i 16… anëtar i OKB-së që ka tërhequr njohjen e Kosovës”.
Në anën tjetër përmes një komunikate për media, Ministria e Punëve të Jashtme e Kosovës hedh poshtë pretendimet e Serbisë, dhe kërkon që propaganda e Beogradit të mos prezantohet si lajm në media, shkruan lajmi.net.
MPJ thotë se Kosova është njohur nga 116 vende anëtare të OKB-së, përfshirë edhe Ganën.
//mesazhi
