Diego Armando Maradona ka ndërruar jetë. Shuhet legjenda argjentinase. Ylli i futbollist ka pësuar një arrest kardiak pasditen e sotme dhe fakteqësisht ka ndërruar jetë. Mësohet se Maradona po merrte veten pas ndërhyrjes kirurgjikale që kreu në kokë, por shëndeti i tij është përkeqësuar. Gjiganti Maradona ka pësuar arrest kardiak dhe pavarësisht përpjekjes së mjkëve për ta shpëtuar, nuk ia dalë dot mbanë. Lgjenda argjentinase mbylli sytë në moshën 60-vjeçare. Maradona pak kohë më parë ishte operuar në tru teksa duket se nuk ka mundur t’i rezistojë rekuperimit nga ndërhyrja. Këtë e kanë konfirmuar mediat argjentinase “Clarin” teksa shkruajnë se ai ka pësuar një arrest kardiak.
Lapsi
Maradona këtë muaj ishte operuar në tru teksa duket se nuk ka mundur t’i rezistojë rekuperimit nga ndërhyrja. Sipas mediave të huaja, legjenda e futbollit pësoi arrest kardiak teksa ishte i shtruar me aparatura në shtëpinë e tij.
Diego Armando Maradona vetëm 30 tetorin e kaluar festoi 60-vjetorin e lindjes, dhe duket se ishte ditëlindja e tij e fundit. U lind në Lanus të Buenos Aires, në një familje të varfër si djali i vetëm pas katër motrave. U rrit profesionalisht në Argjentinë tek Argentina Juniors dhe më pas bëri kalimin tek Boca Juniors, aty ku tifozët e shohin si ‘Zot’.
Më pas në vitin e largët 1982 Maradona kaloi tek Barcelona, Napoli, Sevilla dhe për t’u rikthyer më pas për ta mbyllur sërish tek ekipi i zemrës, Boca Juniors. Gjithashtu ai shkëlqeu në arenën ndërkombëtare me Argjentinën që e drejtoi edhe si trajner.
Së fundmi ai ishte trajner i Gimnasia de la Plata, ekipi i fundit me të cilin do të kishte të bënte. ”Djaloshi i artë” nuk do të jetë më mes futbolldashësve duke lënë një thesar të paçmuar në fushë dhe përtej. Shumë e konsiderojnë si futbollisti më i mirë i të gjitha kohërave, teksa vetë ai si pasardhës të tij e konsideronte Lionel Messi-n.
Balkanweb
