Përrenjas, 6 mars 2014 - Dy persona kanë humbur jetën mesditën e sotme në një aksident tragjik në aksin rrugor Përrenjas-Qafë Thanë. Sipas policisë, një mikrobus me targë AA074AX është përplasur me një shtyllë. Ndërkohë nga aksidenti tragjik kanë mbetur të plagosur 12 persona.
Mikrobusi me pasagjerët është përplasur fillimisht me një shtyllë elektrike dhe më pas ka përfunduar në një kanal. Policia ka shkuar menjëherë në vendin e ngjarjes.
Personat e plagosur janë nisur në spitalin e Librazhdit dhe drejt Tiranës, ndërkohë që në vendin e ngjarjes kanë shkuar edhe tre autoambulanca dhe tre mjekë kirurgë. Shkaqet e humbjes së kontrollit të automjetit ende nuk dihen.
/agjencia e lajmeve “Dyrrah”/