Kalimtarët pranë spitalit të Vlorës janë habitur kur kanë dëgjuar të qarat e një foshnje, ndërkohë që me sy nuk e shihnin gjëkundi.
Duke kontrolluar në zonë, ata kanë gjetur në kazanët e plehrave foshnjën e sapolindur dhe menjëherë e kanë dërguar në spital, ndërkohë që sanitaret kanë njoftuar shërbimet e policisë, e cila ka nisur hetimet.
Sipas informacioneve policore, foshnja e seksit femër është gjetur paraditen e djeshme në lagjen “Karabash” dhe fatmirësisht ka qenë gjallë. Menjëherë, ajo u është dhënë sanitareve, të cilat e kanë çuar në maternitetin e qytetit. Mendohet se foshnja mund të jetë lënë aty në mëngjes, pasi ishte në gjendje të mirë shëndetësore. Punonjësit e maternitetit kanë nisur menjëherë verifikimin e regjistrave të lindjeve për të parë se kujt i përket foshnja, ndërkohë që më vonë janë njoftuar edhe shërbimet e policisë. Sipas të dhënave, regjistrat e lindjeve të fundit janë kontrolluar të gjithë, me qëllim identifikimin e prindërve të saj, por që deri në orët e vona nuk ka pasur një konfirmim zyrtar për gjetjen e tyre. Burimet policore nga qyteti bregdetar bënë të ditur se tashmë do të kontaktohet me të gjitha familjet që kanë lindur ditët e fundit, pasi foshnja është disaditëshe, për të kontrolluar se kujt i përket dhe më pas të ndiqen hapat e tjerë ligjorë ndaj prindërve për braktisjen e saj. Rasti i rëndë mësohet se është vlerësuar nga policia dhe kanë nisur kërkimet, por që familjet e shtuara me fëmijë këto ditë banojnë në zona të ndryshme të Vlorës.
Gjithashtu nuk përjashtohet mundësia që fëmija të jetë edhe fryt i ndonjë lidhjeje jashtëmartesore dhe se mund të jetë lindur jashtë maternitetit e më pas është braktisur nga familja përkatëse. Por, të gjitha këto pritet të konfirmohen pas përfundimit të hetimeve. Braktisja e fëmijëve të mitur parashikohet edhe nga Kodi Penal. Sipas nenit 124, në kapitullin për veprat penale kundër fëmijëve, deklarohet se braktisja e fëmijëve nën moshën 16 vjeç nga prindi ose personi që është i detyruar të kujdeset për të, dënohet me gjobë ose me burgim deri në tre vjet. Por ky rast, sipas të dhënave zyrtare të policisë, mund të klasifikohet edhe si vrasje e foshnjës e mbetur në tentativë, sipas nenit 81 të Kodit Penal, që përbën kundërvajtje penale dhe dënohet deri në dy vjet burg. Pas gjetjes së prindërve, do të jetë organi i prokurorisë ai që do të vendosë se çfarë masash do të marrë për braktisjen e foshnjës së djeshme.
/reagimi.com/
Duke kontrolluar në zonë, ata kanë gjetur në kazanët e plehrave foshnjën e sapolindur dhe menjëherë e kanë dërguar në spital, ndërkohë që sanitaret kanë njoftuar shërbimet e policisë, e cila ka nisur hetimet.
Sipas informacioneve policore, foshnja e seksit femër është gjetur paraditen e djeshme në lagjen “Karabash” dhe fatmirësisht ka qenë gjallë. Menjëherë, ajo u është dhënë sanitareve, të cilat e kanë çuar në maternitetin e qytetit. Mendohet se foshnja mund të jetë lënë aty në mëngjes, pasi ishte në gjendje të mirë shëndetësore. Punonjësit e maternitetit kanë nisur menjëherë verifikimin e regjistrave të lindjeve për të parë se kujt i përket foshnja, ndërkohë që më vonë janë njoftuar edhe shërbimet e policisë. Sipas të dhënave, regjistrat e lindjeve të fundit janë kontrolluar të gjithë, me qëllim identifikimin e prindërve të saj, por që deri në orët e vona nuk ka pasur një konfirmim zyrtar për gjetjen e tyre. Burimet policore nga qyteti bregdetar bënë të ditur se tashmë do të kontaktohet me të gjitha familjet që kanë lindur ditët e fundit, pasi foshnja është disaditëshe, për të kontrolluar se kujt i përket dhe më pas të ndiqen hapat e tjerë ligjorë ndaj prindërve për braktisjen e saj. Rasti i rëndë mësohet se është vlerësuar nga policia dhe kanë nisur kërkimet, por që familjet e shtuara me fëmijë këto ditë banojnë në zona të ndryshme të Vlorës.
Gjithashtu nuk përjashtohet mundësia që fëmija të jetë edhe fryt i ndonjë lidhjeje jashtëmartesore dhe se mund të jetë lindur jashtë maternitetit e më pas është braktisur nga familja përkatëse. Por, të gjitha këto pritet të konfirmohen pas përfundimit të hetimeve. Braktisja e fëmijëve të mitur parashikohet edhe nga Kodi Penal. Sipas nenit 124, në kapitullin për veprat penale kundër fëmijëve, deklarohet se braktisja e fëmijëve nën moshën 16 vjeç nga prindi ose personi që është i detyruar të kujdeset për të, dënohet me gjobë ose me burgim deri në tre vjet. Por ky rast, sipas të dhënave zyrtare të policisë, mund të klasifikohet edhe si vrasje e foshnjës e mbetur në tentativë, sipas nenit 81 të Kodit Penal, që përbën kundërvajtje penale dhe dënohet deri në dy vjet burg. Pas gjetjes së prindërve, do të jetë organi i prokurorisë ai që do të vendosë se çfarë masash do të marrë për braktisjen e foshnjës së djeshme.
/reagimi.com/
Mire nuk e do femijen, po tek plehra pse e le?! Me pak fjale "po vdiq, vidq".
Per mua njesoj jane