Vazhdon Seminari ndërkombëtar për gjuhën, letërsinë dhe kulturën shqiptare
Seminari ndërkombëtar për gjuhën, letërsinë dhe kulturën shqiptare vazhdon sot me sesione në tema të veçanta nga gjuhësia dhe letërsia shqipe. Akademiku Sabri Hamiti mbajti sot një ligjëratë me titull: Shkrimtaria e Zef Pllumbit. Duke veçuar veprat “Rrrno vetëm për me tregue”, “Françeskanët e Mëdhaj” dhe “Saga e fëmijërisë”, Hamiti vlerësoi se të gjitha veprat At Zef Pllumbit janë preferenciale dhe shumë origjinale.
Seminari ndërkombëtar për gjuhën, letërsinë dhe kulturën shqiptare do të zgjasë deri më 28 gusht. Ai pritet të avancojë punën me kurset intensive të gjuhës shqipe që zhvillohen në tri nivele, me ligjërata nga fusha e gjuhësisë, letërsisë dhe kulturës shqiptare në përgjithësi. Do të ketë seanca të referimeve shkencore me ç’rast studiues shqiptarë dhe albanologë të huaj do të kumtojnë rezultatet e punës së tyre për tema të ndryshme të albanologjisë.