Albert Bunjaki, selektori i Kosovës, ka marrë një lajm të mirë para ndeshjes me Kroacinë
Anëtari i ri i përfaqësueses së Kosovës, Arbër Zeneli, ka marrë lejen nga FIFA për të luajtur për Kosovën.
“FIFA i ka dhënë leje Zenelit që të luajë për Kosovën. Ne jemi vetëm duke e pritur shkresën zyrtare”, ka deklaruar menaxheri i ekipit të Kosovës, Bajram Shala.
Yllit të ekipit holandez, Heerenveen, i është dashur leja e FIFA-s që të luajë për Kosovën, pasi më herët ka luajtur me ekipet U-17, U-19 DHE U-21 të Suedisë. /Express/
Titulli: FIFA gëzon Kosovën para ndeshjes me Kroacinë
Në përballjen Kosovë – Kroaci që do të luhet më 6 tetor në stadiumin “Loro Boriçi” të Shkodrës, mund të ndalohet flamuri kombëtar shqiptar
Lajmi është konfirmuar nga vetë tekniku i Kosovës, Albert Bunjaki, që tha se flamujt e vendeve të treta mund të mos lejohen nga FIFA, shkruan "Shekulli".
“Flamujt e vendeve të treta mund të ndalohen edhe në këtë ndeshje. Flamuri i Shqipërisë mund të mos lejohet as në Shkodër”, u shpreh trajneri Bunjaki.
Flamuri kuqezi u ndalua, gjithashtu, në ndeshjen e parë debutuese që Kosova zhvilloi ndaj Finlandës.
Titulli: FIFA gëzon Kosovën para ndeshjes me Kroacinë
Kroacia është tronditur para ndeshjes me përfaqësueses e Kosovës, e cila do të luhet me 6 tetor në Shkodër
Ante Cacic, selektori i Kroacisë, ka marrë një lajm të keq para ndeshjes me Kosovën. Ai nuk do të mundë të llogaritë në shërbimet e anëtarit të Juventusit, Marko Pjaca.
"Marko Pjaca ka dëmtuar kërcin dhe nuk do të luajë kundër Kosovës dhe Finlandës. Ne i dëshirojmë një shërim të shpejtë dhe të suksesshëm", thuhet në njoftimin e Federatës së Futbollit të Kroaciës, përcjell Express.
Në ndeshjen ndaj Kosovës, ekipit kroat do t’i mungojnë edhe Luka Modric, Ivan Rakitic dhe Dejan Loveran. /Express/