Violetta
>> KS- AL. etnike <<
Femrat me veshtire e lene duhanin, edhe pse kane me shume arsye per kete
Femrat e kanë më vështirë ta lënë duhanin, edhe pse janë më të rrezikuara nga një varg problemesh shëndetësore. Nëse mendoni për ta lënë duhanin, por nuk jeni të sigurt që është koha e duhur ose ju mungon motivimi, ju sjellim një varg të problemeve shëndetësore që i shkakton pirja e duhanit. Shumica e njerëzve që e kanë lënë duhanin, ose të paktën kanë tentuar ta lënë, do t'ua vërtetojnë se si nuk është aq e thjesht të braktiset shprehia e cila luan rol kryesor në vdekshmërinë e lartë nga kanceri i mushkërive dhe sëmundjet e zemrës.
Femrat e kanë më vështirë ta lënë duhanin, edhe pse janë më të rrezikuara nga një varg problemesh shëndetësore. Nëse mendoni për ta lënë duhanin, por nuk jeni të sigurt që është koha e duhur ose ju mungon motivimi, ju sjellim një varg të problemeve shëndetësore që i shkakton pirja e duhanit.
Shumica e njerëzve që e kanë lënë duhanin, ose të paktën kanë tentuar ta lënë, do t'ua vërtetojnë se si nuk është aq e thjesht të braktiset shprehia e cila luan rol kryesor në vdekshmërinë e lartë nga kanceri i mushkërive dhe sëmundjet e zemrës.
Shumë hulumtime kanë treguar që femrat mund të përjetojnë më shumë sëmundje të shkaktuara nga pirja e duhanit, për dallim nga meshkujt, por po ashtu kanë më shumë vështirësi për ta larguar këtë shprehi të keqe. Arsyet kryesore që shkaktojnë vështirësi për ta lënë janë:
• Frika më e madhe nga trashja e mundshme e shkaktuar nga lënia e duhanit
• Ilaçet që ndihmojnë tek lënia e duhanit nuk u rekomandohen femrave shtatzëna
• Cikli menstrual ndikon në simptomat e lënies të cilat mund të ndryshojnë nga cikli në cikël.
• Meshkujt u ofrojnë më pak përkrahje femrave se sa femrat meshkujve
• Femrat janë më të ndjeshme në situatat që i bëjnë për të konsumuar duhan siç është thithja e cigares me njerëz të caktuar ose gjatë disponimeve të caktuara
• Shumë femra kënaqen me ndjenjën e çuditshme të kontrollit që ndërlidhet me konsumimin e duhanit.
Karcinomat
Kanceri i mushkërive është shkaktari kryesor i vdekjes nga kanceri tek femrat, duke e tejkaluar edhe kancerin e gjirit. Kanceri i mushkërive te femrat që pinë duhan është jashtëzakonisht i shpeshtë dhe shkakton 25 për qind të të gjithë rasteve të vdekshmërisë të shkaktuara nga kanceri tek femrat.
Sëmundjet kardiovaskulare
Pirja e duhanit në mënyrë të konsiderueshme rrit rrezikun nga sëmundjet e zemrës dhe sulmi në tru, veçanërisht tek femrat. Rreziku i shfaqjes së sëmundjeve të zemrës te femrat në moshë të mesme që pinë cigare është trefish më i madh se te femrat e moshës së tyre që nuk pinë cigare.
Shëndeti reproduktiv
Femrat që pinë cigare janë të ekspozuara ndaj rrezikut më të madh nga komplikimet gjatë shtatzënisë, shfaqje së menopauzës së parakohshme, sterilitetit, abortit spontan, lindjes së parakohshme, fëmijët e lindur të vdekur dhe lindja e fëmijës me peshë të vogël. Pirja e duhanit femrave ua dyfishon rrezikon nga krijimi i kancerit të qafës së mitrës.
Shëndeti i fëmijës
Pirja e duhanit rrit rrezikun nga sindroma e vdekjes së papritur të foshnjës, vdekjes perinatale, çrregullimeve në mësim, koncentrimi dhe sjellja.
Hormonet
Pirja e duhanit shkakton shfaqjen e parakohshme të menopauzës dhe ndaljen e ciklit menstrual. Efekti i dëmshëm i pirjes së duhanit shpejton edhe procesin e plakjes, femrave që pinë duhan lëkura u plaket shumë më shpejt.
Shëndeti oral
Pirja e cigares rrit rrezikun nga shfaqja e sëmundjes së mishit të dhëmbëve, kancerit të zgavrës së gojës dhe po ashtu shkakton erë të keqe kronike, dhëmbë të verdhë, humbjen e dhëmbëve dhe shfaqjen e tepruar të rrudhave rreth gojës. 5 hapa se si të lini duhanin një herë përgjithmonë
Caktojeni datën e ndaljes
Jepjani vetes një deri katër javë për t'u përgatitur mentalisht për lënien e duhanit. Përdoreni këtë kohë për t'u liruar nga të gjithë gjërat që ju nevojiten për pirjen e duhanit. Po ashtu mendoni për përpjekjet e mëhershme dhe çka mund të ndryshoni që këtë herë ta lini me të vërtetë duhanin.
Kërkoni mbështetje
Kërkoni mbështetje nga familja, miqtë apo kolegët në punë. Lutini që të mos pinë duhan në afërsinë tuaj. Po ashtu flisni me mjekun tuaj i cili mund t'ju rekomandojë edhe disa mjete për lënien e cigares. Po ashtu, nëse jeni shtatzënë dhe dëshironi të lini duhanin, gjithsesi këshillohuni me mjekun sepse nuk do të duhej të përdorni mjete për lënien e duhanit pa u konsultuar me mjekun.
Përgatituni për dështim
Shumica e dështimeve paraqiten brenda tre muajve të parë pas lënies. Shmangni alkoolin dhe shoqërinë e duhanpirësve tjerë. Shumë duhanpirës do të presin që do të shtojnë në peshë, të jenë me disponim të keq apo depresivë, por edhe kjo mund të shmanget me ushqimin e duhur dhe ushtrimet e rregullta. Paratë që i keni dhënë për duhan përdorini për të shkuar në ndonjë kurs, palestër, aerobik, pilates dhe ngjashëm.
fv.al
