Një vrasje me armë zjarri ka ndodhur në orët e vona të natës së kaluar në Elbasan.
Sipas të dhënave paraprake, bëhet e ditur se, vrasja ka ndodhur në një lokal në të cilin është gjetur mëngjesin e së hënës trupi i pajetë i Saimir Beqirit rreth 40-vjeçar.
Policia ka shkuar në vendin e ngjarjes, sapo është njoftuar, dhe trupin e pajetë e ka gjetur në oborrin e lokalit.
Vrasja ka ndodhur në periferi të qytetit, në aksin rrugor Elbasan - Metalurgjik dhe kanë nisur hetimet për zbardhjen e kësaj ngjarje.
Sipas informacioneve, Beqiri ka qenë një person jo i panjohur për uniformat blu, pasi rezulton me precedent të mëparshëm penal.
Deri tani ende nuk dihet nëse bëhet fjalë për një hakmarrje apo prishje pazaresh, pasi më parë dyshohet se 40-vjeçari është përfshirë në trafiqe narkotikësh dhe prostitucioni.
Shqiptarja.com