My Self
Born To Be Happy
Një tragjedi ka ndodhur ne orët e mesditës së djelë ne breglumin e Ishmit. 2 të rinj në zonën e fshatit Likmetaj të komunës së Ishmit kanë qenë duke mbledhur kanace metalike që sjell lumi dhe njëri prej tyre duke marrë këto objekte ka rrëshqitur dhe ka rënë në ujin e lumit Ishëm rreth 2 km në afërsi të grykëderdhjes në det ne zonën e njohur si plazhi i Ram Shpatit. Pasi ka rënë i riu i parë është hedhur për ta shpëtuar shoku i tij, por zona ka qenë mjaft e squllur nga ujërat e lumit që kalon në një zonë lagunore me mjaft llumra dhe që tashmë është i ndotur pasi ne të derdhen plehra te lumit Zezë si dhe të zonës së Fushë Krujës. Kjo ka bërë që të rinjtë të kërkonin metale kanacesh që transporton lumi. Policia ka njoftuar se në këtë tragjedi kanë humbur jetën të rinjtë Ervis Saliu si dhe Elson Sinameti 20 dhe 23 vjeç. Policia ka konfirmuar faktin e mbytjes aksidentale të tyre, i cili ka ndodhur ne prezencë të njërit prej vëllezërve të Elsonit, Bledarit, si dhe të një shoku tjetër pasi sipas dëshmisë së tyre në vendin e ngjarjes kanë qenë 4 vetë. Vendi ku po kërkonin ka qenë një grumbull me hedhurina të mbledhura nga vërshimi i lumit dhe kur të rinjtë kanë qenë sipër tyre është shembur grumbulli dhe kanë përfunduar të dy në lumë. Menjëherë janë nisur për në vendngjarje grupi hetimor i policisë dhe se në kërkim janë mobilizuar si forcat e rendit ashtu edhe banorë të zonës së Ishmit, në zonë mjaft kompakte kjo në solidarizimet në raste fatkeqësisë të banorëve të cilët janë të mendimit se trupat e viktimave mund të ndodhen nën shtresat e llumrave ku kanë rënë. Në kontaktimin telefonik me banorë të zonës mësohet se për shkak të ujërave të turbullta si dhe natës komandanti i trupave polumbare ka urdhëruar që të ndërpriten kërkimet, të cilat sipas tyre do të fillojnë në orët e para të mëngjesit, rreth orës 06:00.
B: Vizion +