Një biznesmen në fushën e ndërtimit ka mbetur i plagosur rëndë pasi automjeti i tij shpërtheu sot në zonën e plazhit të Durrësit.
Mjeti ka shpërthyer ndersa ishte ne ecje e siper dhe më pas është djegur tërësisht ditën e sotme në Durrës. Ngjarja ka ndodhur në zonën e Plepave, pranë bregdetit. Gjatë momentit të shpërthimit brenda mjetit tip ‘Citroen’ që po lëvizte në rrugën Plazh-Plepa gjendej vetëm drejtuesi i tij, i cili është nxjerrë jashtë nga persona të rastësishëm qe i kanë ardhur në ndihmë. I plagosur ka mbetur shtetasi i identifikuar si Xhemal اela, 45 vjeç, biznesmen ne fushen e ndertimit i cili është dërguar menjëherë në spital për të marrë ndihmën e nevojshme mjekësore.
Burime nga ky spital bëjnë të ditur se gjendja e اelës është e rëndë.
Nga hetimet e para bëhet e ditur se shpërthimi është rezultat i aktivizimit të një sasie lënde eksplozive që ishte vendosur më parë në automjet. Grupi hetimor ka kryer veprimet e para në vendin e ngjarjes dhe nisur punën për zbardhjen e këtij krimi, duke nisur nga konstatimi i konflikteve të mundshme të të plagosurit.
23 janar 2014 (gazeta-Shqip.com)