Ditën e sotme në doganën e Durrësit janë bllokuar 23 tonë qumësht i importuar dhe dy kontenierë me miell dhe niseshte.
Kontenierët janë bllokuar, pasi nuk kanë pasur analizën e aflatoksinës, për të cilën Ministria e Bujqësisë ka nxjerrë në fillim të marsit një urdhër që detyron importuesit e qumështit dhe nënprodukteve të tij të pajisen me këtë analizë.
Produktet e qumështit vinin nga Italia e Gjermania dhe pritet t’i nënshtrohen kontrollit.
Ndërsa sasia e miellit dhe niseshtesë së bllokuar shkon deri në 250 tonë, për të cilat nuk dihet ende origjina, por që edhe këto produkte do t'i nënshtrohen analizave për aflatoksinë.
Urdhri i Ministrisë ka ardhur pas konstatimit të aflatoksinës 2 herë mbi normë në disa lloje të qumështit që tregtohet në vendin tonë.
/Shekulli Online/Përgatiti: B.M./