Rastet dhe akuzat për fëmijët e Ruçit, Dades dhe të ish-kryeministrit
Fama, “për mirë”, e prindërve të tyre politikanë jo domosdoshmërisht është transmetuar në modele për t’u ndjekur nga vetë fëmijët e tyre. Imuniteti i deputetit të prindërve të tyre shpeshherë ka shpëtuar shumë prej fëmijëve “kriminelë” nga marrja e një dënimi nga institucionet e drejtësisë. Duke marrë shkas nga ngjarja e rëndë e dy ditëve më parë, ku u vranë katër persona nga autori i dyshuar, Kostandin Xhuvani, djalit i deputetes socialiste Luiza Xhuvani, rezulton se fëmijët e politikanëve kanë qenë problematikë ndër vite dhe shpeshherë janë bërë objekt i debateve të ashpra mes demokratëve dhe socialistëve në aulën e Parlamentit. Akuzat më të mëdha, siluret e shumta u lëshuan nga ish-kryeministri Sali Berisha në adresë të fëmijëve të deputetëve si Arta Dade dhe Gramoz Ruçi. Ndërsa pala tjetër, akuzat i ka përqendruar në dy emra, te fëmijët e ish-kryeministrit, Shkëlzen Berisha dhe Argita Malltezi.
Fëmijët e demokratëve
Fëmijët e deputetëve, ministrave apo kryeministrave, duke përfituar nga pushteti apo njohjet e prindërve të tyre, i kanë shpëtuar dënimit të drejtësisë. Dhe për të trajtuar këtë temë, u nisëm nga Shkëlzen Berisha, një emër tepër i lakuar nga opozita e djeshme, sot në pushtet. Në çështjen “Gërdeci”, emri i djalit të kryeministrit ishte një ndër më të lakuarit, e përpos kësaj ai nuk e shkeli asnjëherë derën e gjykatës, të thoshte fjalën e tij qoftë për të dëshmuar. Përfshirja dhe dijenia për fabrikën e demontimit të municioneve në fshatin Gërdec nuk u vërtetua kurrë nga organet gjyqësore, hetimet shmangeshin sa herë përmendej djali i ish-kreut të qeverisë. Ndërkaq, më 5 tetor 2008, do të prangosej në Sarajevë, Damir Fazlliç, i cili në Shqipëri kishte krijuar firmën SRF Developments, me administrator Erjon Isufin, kunatin e ish-ministrit të Jashtëm, sot kryetar i PD-së, Lulzim Basha. U verifikua blerja e tokave në Porto Romano, para se ish-kryeministri Berisha ta deklaronte këtë si një park industrial. U akuzua edhe për ndërhyrje në blerjen e energjisë për llogari të Shqipërisë nga Rudnap. Ortakja e dikurshme e Argita Berishës, Flutura Kola, i bleu Fazlliçit një kompani në vlerën e 1.7 milionë eurove për firmën Crown Acquisitions. Ndërsa më 12 maj 2009, sërish protagoniste do të ishte vajza e Kryeministrit Berisha, Argita Malltezi, e cila u akuzua se kishte ndërhyrë në institucionet shtetërore për miratimin e lejes së ndërtimit të një parku energjetik në tokat që kishte blerë pak kohë më parë Damir Fazlliç. Në email-et konfidenciale të Argita Malltezit dhe shtetasit arab Zafar Ansar për shitjen e tokave të Damir Fazlliç është diskutuar edhe ndërhyrja e saj në disa institucione. Kjo ngjarje është konfirmuar nga vetë Ansar në një intervistë të tij për “Top Channel” në janar 2013. Përmes një investigimi të saj, BIRN, më 16 korrik të këtij viti, publikoi dokumente konfidenciale nga bankat, të cilat, sipas saj, tregojnë se si zyra ligjore nën pronësinë e vajzës me pushtet të ish- kryeministrit të Shqipërisë, Sali Berisha, u bë porta hyrëse për investitorë të mëdhenj të huaj që kërkonin licenca, leje dhe mbështetje politike nga babai i saj. Për të gjitha këto akuza, nuk kanë munguar ndëshkimet e drejtësisë ndaj deputetëve socialistë, në atë kohë në opozitë. Por dhe vetë Malltezi, nga ana e saj, i ka mohuar të gjitha akuzat ndaj saj, duke këmbëngulur se ajo kurrë nuk e përdori pozicionin e babait të saj për të përparuar në karrierën e vet.
Fëmijët e socialistëve
Vrasja është një krim i përsëritur nga Kostandin Xhuvani, pasi tre vite më parë, do të vriste 26-vjeçarin Alfred Musabelliu, për të cilën ai u dënua me vetëm dy vjet heqje lirie. Por, Xhuvani nuk është një rast sporadik në historinë 20-vjeçare të demokracisë në vend. Rastet kanë qenë të shumta, si ai i djalit të Gramoz Ruçit, që në vitin 2004, asokohe Sekretar i Përgjithshëm i Partisë Socialiste, si dhe deputet, u akuzua se plagosi me armë zjarri të riun Artur Ceka. Ekspertiza përcaktoi se Ceka ishte qëlluar nga Ruçi, por Gjykata e shpalli të pafajshëm djalin e deputetit, duke rrëzuar akuzat për vrasje në tentativë, si dhe armëmbajtje pa leje. Një tjetër rast dhe i përsëritur ka ndodhur edhe me dy djemtë e deputetes Arta Dade. Alban dhe Besnik Dabulla, të dy bashkë dhe në kohë të ndryshme, janë akuzuar nga organi i akuzës për plagosje me armë zjarri në më shumë se një herë. Ashtu si djali i Gramoz Ruçit, edhe ata dolën të pafajshëm.
t.chanel
Fama, “për mirë”, e prindërve të tyre politikanë jo domosdoshmërisht është transmetuar në modele për t’u ndjekur nga vetë fëmijët e tyre. Imuniteti i deputetit të prindërve të tyre shpeshherë ka shpëtuar shumë prej fëmijëve “kriminelë” nga marrja e një dënimi nga institucionet e drejtësisë. Duke marrë shkas nga ngjarja e rëndë e dy ditëve më parë, ku u vranë katër persona nga autori i dyshuar, Kostandin Xhuvani, djalit i deputetes socialiste Luiza Xhuvani, rezulton se fëmijët e politikanëve kanë qenë problematikë ndër vite dhe shpeshherë janë bërë objekt i debateve të ashpra mes demokratëve dhe socialistëve në aulën e Parlamentit. Akuzat më të mëdha, siluret e shumta u lëshuan nga ish-kryeministri Sali Berisha në adresë të fëmijëve të deputetëve si Arta Dade dhe Gramoz Ruçi. Ndërsa pala tjetër, akuzat i ka përqendruar në dy emra, te fëmijët e ish-kryeministrit, Shkëlzen Berisha dhe Argita Malltezi.
Fëmijët e demokratëve
Fëmijët e deputetëve, ministrave apo kryeministrave, duke përfituar nga pushteti apo njohjet e prindërve të tyre, i kanë shpëtuar dënimit të drejtësisë. Dhe për të trajtuar këtë temë, u nisëm nga Shkëlzen Berisha, një emër tepër i lakuar nga opozita e djeshme, sot në pushtet. Në çështjen “Gërdeci”, emri i djalit të kryeministrit ishte një ndër më të lakuarit, e përpos kësaj ai nuk e shkeli asnjëherë derën e gjykatës, të thoshte fjalën e tij qoftë për të dëshmuar. Përfshirja dhe dijenia për fabrikën e demontimit të municioneve në fshatin Gërdec nuk u vërtetua kurrë nga organet gjyqësore, hetimet shmangeshin sa herë përmendej djali i ish-kreut të qeverisë. Ndërkaq, më 5 tetor 2008, do të prangosej në Sarajevë, Damir Fazlliç, i cili në Shqipëri kishte krijuar firmën SRF Developments, me administrator Erjon Isufin, kunatin e ish-ministrit të Jashtëm, sot kryetar i PD-së, Lulzim Basha. U verifikua blerja e tokave në Porto Romano, para se ish-kryeministri Berisha ta deklaronte këtë si një park industrial. U akuzua edhe për ndërhyrje në blerjen e energjisë për llogari të Shqipërisë nga Rudnap. Ortakja e dikurshme e Argita Berishës, Flutura Kola, i bleu Fazlliçit një kompani në vlerën e 1.7 milionë eurove për firmën Crown Acquisitions. Ndërsa më 12 maj 2009, sërish protagoniste do të ishte vajza e Kryeministrit Berisha, Argita Malltezi, e cila u akuzua se kishte ndërhyrë në institucionet shtetërore për miratimin e lejes së ndërtimit të një parku energjetik në tokat që kishte blerë pak kohë më parë Damir Fazlliç. Në email-et konfidenciale të Argita Malltezit dhe shtetasit arab Zafar Ansar për shitjen e tokave të Damir Fazlliç është diskutuar edhe ndërhyrja e saj në disa institucione. Kjo ngjarje është konfirmuar nga vetë Ansar në një intervistë të tij për “Top Channel” në janar 2013. Përmes një investigimi të saj, BIRN, më 16 korrik të këtij viti, publikoi dokumente konfidenciale nga bankat, të cilat, sipas saj, tregojnë se si zyra ligjore nën pronësinë e vajzës me pushtet të ish- kryeministrit të Shqipërisë, Sali Berisha, u bë porta hyrëse për investitorë të mëdhenj të huaj që kërkonin licenca, leje dhe mbështetje politike nga babai i saj. Për të gjitha këto akuza, nuk kanë munguar ndëshkimet e drejtësisë ndaj deputetëve socialistë, në atë kohë në opozitë. Por dhe vetë Malltezi, nga ana e saj, i ka mohuar të gjitha akuzat ndaj saj, duke këmbëngulur se ajo kurrë nuk e përdori pozicionin e babait të saj për të përparuar në karrierën e vet.
Fëmijët e socialistëve
Vrasja është një krim i përsëritur nga Kostandin Xhuvani, pasi tre vite më parë, do të vriste 26-vjeçarin Alfred Musabelliu, për të cilën ai u dënua me vetëm dy vjet heqje lirie. Por, Xhuvani nuk është një rast sporadik në historinë 20-vjeçare të demokracisë në vend. Rastet kanë qenë të shumta, si ai i djalit të Gramoz Ruçit, që në vitin 2004, asokohe Sekretar i Përgjithshëm i Partisë Socialiste, si dhe deputet, u akuzua se plagosi me armë zjarri të riun Artur Ceka. Ekspertiza përcaktoi se Ceka ishte qëlluar nga Ruçi, por Gjykata e shpalli të pafajshëm djalin e deputetit, duke rrëzuar akuzat për vrasje në tentativë, si dhe armëmbajtje pa leje. Një tjetër rast dhe i përsëritur ka ndodhur edhe me dy djemtë e deputetes Arta Dade. Alban dhe Besnik Dabulla, të dy bashkë dhe në kohë të ndryshme, janë akuzuar nga organi i akuzës për plagosje me armë zjarri në më shumë se një herë. Ashtu si djali i Gramoz Ruçit, edhe ata dolën të pafajshëm.
t.chanel
