Dogana mohon kalimin e kontejnerëve me lëndë kimike: Ishin ushqime
Drejtoria e Përgjithshme e Doganave ka reaguar lidhur me lajmin e publikuar në një portal italian për zhdukjen në portin e Durrësit të mbi 1mijë kontejnerëve me lëndë kimike që vinin nga Italia e që kishin si destinacion Maqedoninë.
Në reagimin e saj për mediat, DPD mohon që në portin shqiptar të kenë kaluar ilegalisht kontejnerë me lëndë të tilla, duke nënvizuar se gjithçka ka qenë nën kontroll.
“Për vitin 2016 nga Porti i Durrësit janë trazituar drejt Maqedonisë, nëpërmjet Degës Doganore Qafë Thanë, 1120 tranzite ndërkombëtare me kontenierë. Nga verifikimet e kryera në deklarimet e përshkrimit të mallrave/artikujve të transportuara në këto tranzite ndërkombëtare ka rezultuar se kanë qenë mallra kryesisht ushqimore”, thuhet në deklaratën për shtyp.
Sipas DPD, të gjitha këto tranzite kanë kaluar në doganën shqiptare, me doganë hyrëse Durrësin dhe doganë dalëse Qafë Thanën dhe rezultojnë të mbyllura në sistemin elektronik, brenda afateve të përcaktuara.
“Drejtoria e Përgjithshme e Doganave është vënë në kontakt zyrtar me doganat homologe në Itali dhe Maqedoni dhe deri tani nuk ka asnjë shqetësim të ngritur prej tyre për këtë çështje, gjë e cila pritet të konfirmohet edhe zyrtarisht nga palët respektive”, përfundon njoftimi.
g.shqip
Drejtoria e Përgjithshme e Doganave ka reaguar lidhur me lajmin e publikuar në një portal italian për zhdukjen në portin e Durrësit të mbi 1mijë kontejnerëve me lëndë kimike që vinin nga Italia e që kishin si destinacion Maqedoninë.
Në reagimin e saj për mediat, DPD mohon që në portin shqiptar të kenë kaluar ilegalisht kontejnerë me lëndë të tilla, duke nënvizuar se gjithçka ka qenë nën kontroll.
“Për vitin 2016 nga Porti i Durrësit janë trazituar drejt Maqedonisë, nëpërmjet Degës Doganore Qafë Thanë, 1120 tranzite ndërkombëtare me kontenierë. Nga verifikimet e kryera në deklarimet e përshkrimit të mallrave/artikujve të transportuara në këto tranzite ndërkombëtare ka rezultuar se kanë qenë mallra kryesisht ushqimore”, thuhet në deklaratën për shtyp.
Sipas DPD, të gjitha këto tranzite kanë kaluar në doganën shqiptare, me doganë hyrëse Durrësin dhe doganë dalëse Qafë Thanën dhe rezultojnë të mbyllura në sistemin elektronik, brenda afateve të përcaktuara.
“Drejtoria e Përgjithshme e Doganave është vënë në kontakt zyrtar me doganat homologe në Itali dhe Maqedoni dhe deri tani nuk ka asnjë shqetësim të ngritur prej tyre për këtë çështje, gjë e cila pritet të konfirmohet edhe zyrtarisht nga palët respektive”, përfundon njoftimi.
g.shqip
