Didi: Ndihmë nga jashtë për të ndërhyrë në Lazarat

Didi: Ende një mision i pamundur hyrja në fshat



Drejtori i Përgjithshëm i Policisë së Shtetit, Artan Didi, ka inspektuar sot pikën kufitare të Kakavijës në Gjirokastër, ku është shprehur se ndërmarrja e një aksioni për të hyrë në Lazarat, tani për tani nuk është i mundur.

Didi tha se Lazarati mbetet një njollë e zezë, por ende mbetet një mision i pamundur. Ai ka shprehur nevojën e shqyrtimit të situatës dhe sigurimin e ndihmës së nevojshme nga partnerët ndërkombëtarë, në mënyrë që misioni të rezultojë i suksesshëm.

“Për Lazaratin duhet të bashkëpunojnë të gjitha institucionet. Duhet ndihmë edhe nga jashtë për të ndërhyrë në Lazarat. Policia do të spastrohet nga të gjithë njerëzit e korruptuar. Do të rishqyrtohen efektivët që janë në detyrë. Ata që punuan me ndershmëri, do jenë pasuria e policisë”, theksoi Didi.

Titulli: Didi: Ndihmë nga jashtë për të ndërhyrë në Lazarat

Kur pashë Didi thashë qyqa cne didi forumit tonë në Lazarat lol ..

Lazarati është kthyer si Sicilia një vend më vete ku ligjin dhe cdo gjë e bëjnë ata vetë brenda për brenda.. Duhet dhënë fund kësaj cështje të Lazaratin dhe të ndërhyjnë sa më shpejt sa nuk është vonë..
Ndonjë ditë do na kërkojnë pavarësinë dhe të shpallen shtet më vete ashishi