Deputeti shqiptar: Jetojmë në Maqedoni, e duam dhe e ëndërrojmë Shqipërinë

Nuk mund të reformojmë shërbimet sekrete pa u reformuar çdo qytetar i Maqedonisë.

Kur luhet ndeshje futbolli Maqedoni-Shqipëri zemra më thotë të anoj kah Shqipëria, dhe kjo është për shkak se ju e keni sjellë shtetin në këtë situatë.

Pa u dekriminalizuar kjo klasë politike dhe pa reforma në pushtetin gjyqësor, nuk mund të flasim për të ardhmen e këtij shteti".

Kanë qenë pikërisht këto fjalët e deputetit të PDSH-së, Orhan Ibrahimi, gjatë debatit publik të organizuar nga Këshilli Nacional për Eurointegrime.

Sa i përket ballafaqimit me të kaluarën, Ibrahimi tha se përndjekja e shqiptarëve nga sistemi komunist ka vazhduar më ritëm të njëjtë edhe në pluralizëm, duke përmendur numrin prej katër mijë dosjeve që janë krijuar nga viti 1990, mes tyre edhe dosjen e kryetarit aktual të PDSH-së, Menduh Thaçi.

Ai theksoi se shqiptarët në Maqedoni asnjëherë nuk do të drejtojnë shërbimin sekret dhe Entin statistikor.

"Shqiptarët mund të jenë drejtor dhe ministra edhe në punët e brendshme, por asnjëherë nuk mund të jenë drejtor në Drejtorinë e shërbimit sekret dhe në Entin Shtetëror të Statistikave, aty ku hyjnë të dhënat e dorës së parë, duke përfshirë dhe remitancat nga shqiptarët", theksoi deputeti i PDSH-së Orhan Ibrahimi. http://www.albeu.com/shqiperi/deputeti-shqiptar-jetojm-n-maqedoni-e-duam-dhe-e-ndrrojm-shqip/259793/ http://www.albeu.com

Titulli: Deputeti shqiptar: Jetojmë në Maqedoni, e duam dhe e ëndërrojmë Shqipërinë

eh po sme besoni kur them se Ju mirreni kot tan kohen se feja e shqiptarit eshte shqiptaria... kurse pergjithesisht shqiptaret (shumica) as nuk mirren vesh mes vete, as nuk duhen, as nuk perkrahen mes vete as fare mirkuptim nuk gjen njeri tjetrin qe te ken bashkpunim...... kurse tan kohen veq vlojn kot feja e shqiptarit eshte shqiptaria, kurse kombi shqiptar eshte i shperndarë pike e pesë siq thojnë.

Derisa nuk eshte kuptu se shqiptaria nuk eshte fe, por eshte vetem komb.... derisa nuk ka mirkuptim dhe marreveshje per bashkpunim mes vete, ateher keshtu do mbesi siq jeni: Te ndar. Veq mos gaboni te thoni se jemi te kenaqur me gjendjen pastaj. Po duam shum Shqiperi etnike, enderroj kete e at shum, por punet tona ne at drejtim po na qendrojn pak si bosh....