Dënohet me gjobë, sepse denoncoi një rast korrupsioni në Kosovë

Një gjykatë në Kosovë ka dënuar qytetarin Abdullah Thaçi, i cili denoncoi një rast korrupsioni. Thaçi, nga Prizreni, gjatë kohës që punonte në një bankë tregtare, i është qasur pa të drejtë llogarisë së drejtorit të Arsimit Komunal, Nexhat اoçaj, për të dëshmuar se ai kishte paguar kredinë me paratë publike dhe një pjesë të tyre i kishte transferuar në llogarinë bankare të fëmijëve.

Gjykata Themelore në Prizren dënoi këtë të martë Abdullah Thaçin me një gjobë prej 5 mijë eurosh, që ai është i detyruar ta paguajë në 5 këste mujore.

I akuzuari për veprën penale “zbulim i fshehtësisë zyrtare” e ka pranuar fajësinë dhe është penduar për veprimin e tij. Sipas aktakuzës, Abdullah Thaçi e kishte futur në një zarf gjendjen e llogarive të dy klientëve, e më pas ia kishte dorëzuar Lëvizjes Vetëvendosje.

Para tri vitesh, Vetëvendosja i ka përdorur këto të dhëna për të ushtruar kallëzim penal ndaj zyrtarit komunal. Pikërisht për këtë rast, drejtori i Arsimit në Prizren, Nexhat اoçaj, akuzohet për “keqpërdorim të detyrës zyrtare”.

Vendimi i gjykatës për Thaçin ka nxitur reagimin e njohësve të standardeve të krijuara nga Gjykata Europiane për të Drejtat e Njeriut, e cila mbron të drejtat e informatorëve, apo siç njihen në anglisht “whistleblowers”, për të denoncuar dukuritë negative.

/ Top Channel

Titulli: Dënohet me gjobë, sepse denoncoi një rast korrupsioni në Kosovë

E kam te fresket kete ngjarjen. Zbulimi i fshehtesive/llogarive te klienteve vertete eshte i ndaluar nga banka dhe kete e nenshkruan secili punetor qe ne fillim, por ne kete rast duhej te behej tolerim nga gjykata sepse ka vepruar ne te miren e pergjithshme. Ndersa banka edhe ashtu e kishte larguar qe ne fillim. S'kishte pse te denohej kaq shume edhe nga gjykata.

Ndersa sa i perket javes morale, ky person e ka perkrajen e te gjitheve. Jo vetem qe i zbuloi dy te korruptuar por edhe skemen se si ndodh korrupsioni ne Kosove.

Por ne kete shtet tragjikomik nuk befasohem nese ja dalin paq ne gjykate dy te korruptuarit.