Dënohen dy ish-deputetë të PD për shpifje ndaj Edi Ramës (EMRAT)
Tre janë çështjet e gjykuara deri më tani me objekt “shpifje”, në të cilat paditës ka qenë kryeministri Rama. Akuzat ndaj këtij të fundit kanë qenë publike, por edhe në rrjete sociale.
Deri më tani janë dhënë tre vendime për këto çështje. Vendimi i parë është dhënë në 22 tetor të vitit 2019, kur Edi Rama fitoi përballë shpifjeve të Arben Imamit. Ky i fundit në një nga puntatat e emisionit “Top Talk” në Top Channel deklaronte atëherë se Edi Rama dhe Lulzim Basha ndajnë bashkë paratë.
Pas kësaj deklarate, Rama e paditi në Gjykatë, teksa i kërkonte si dëmshpërblim një vlerë prej 100 mijë lekësh, çështje e cila u gjykua dhe në përfundim të saj u vendos fajësi për Arben Imamin.
Ndërsa një tjetër çështje sërish e fituar nga paditësi Rama është ajo kundër ish-deputetes Jorida Tabaku. Kjo e fundit ka marrë vendimin e dënimit me 300 mijë lekë gjobë për akuza të pabaza dhe shpifje kundër kryeministrit Rama.
Sipas akuzave të Tabakut, kryeministri Rama mbështeste industrinë e kumarit, akuza që më pas u vërtetuan si të pavërteta nga trupa gjykuese e Gjykatës së Tiranës.
Imami dhe Tabaku janë tashmë dy emrat e tjerë që i bashkohen Sali Berishës si humbës të proceseve gjyqësore me paditës kryeministrin Rama.
Copyright Gazeta SHQIP
Tre janë çështjet e gjykuara deri më tani me objekt “shpifje”, në të cilat paditës ka qenë kryeministri Rama. Akuzat ndaj këtij të fundit kanë qenë publike, por edhe në rrjete sociale.
Deri më tani janë dhënë tre vendime për këto çështje. Vendimi i parë është dhënë në 22 tetor të vitit 2019, kur Edi Rama fitoi përballë shpifjeve të Arben Imamit. Ky i fundit në një nga puntatat e emisionit “Top Talk” në Top Channel deklaronte atëherë se Edi Rama dhe Lulzim Basha ndajnë bashkë paratë.
Pas kësaj deklarate, Rama e paditi në Gjykatë, teksa i kërkonte si dëmshpërblim një vlerë prej 100 mijë lekësh, çështje e cila u gjykua dhe në përfundim të saj u vendos fajësi për Arben Imamin.
Ndërsa një tjetër çështje sërish e fituar nga paditësi Rama është ajo kundër ish-deputetes Jorida Tabaku. Kjo e fundit ka marrë vendimin e dënimit me 300 mijë lekë gjobë për akuza të pabaza dhe shpifje kundër kryeministrit Rama.
Sipas akuzave të Tabakut, kryeministri Rama mbështeste industrinë e kumarit, akuza që më pas u vërtetuan si të pavërteta nga trupa gjykuese e Gjykatës së Tiranës.
Imami dhe Tabaku janë tashmë dy emrat e tjerë që i bashkohen Sali Berishës si humbës të proceseve gjyqësore me paditës kryeministrin Rama.
Copyright Gazeta SHQIP
