Pe: Ceshte ky projekti i ri i qeverise'Farmacite online"(jam student)
[h=1]Barnat me rimbursim, ulet marzhi i tregtimit ne farmaci[/h]
Qeveria ka ulur sërish dje marzhin e tregtimit të barnave me rimbursim. Qeveria shfuqizoi dje vendimin e qershorit për miratimin e listës së barnave, që rimbursohen nga instituti i sigurimeve të kujdesit shëndetësor, dhe të masës së mbulimit të çmimit të tyre, duke e zëvendësuar me një tjetër vendim i cili gjithashtu ul marzhin e tregtimit të ilaçeve. Kjo do të thotë dhe më pak fitime për farmacistët dhe grosistët. Në vendimin e qeverisë të datës 1 qershor 2011, marzhet e diferencuara të tregtimit, ishin përkatësisht në masën 12 për qind për tregtimin me shumicë dhe 29 për qind për tregtimin me pakicë, për barnat e listës së barnave të rimbursueshme. Ndërsa me vendimin e djeshëm, marzhet e diferencuara të tregtimit, shkojnë në masën 10 për qind për tregtimin me shumicë, dhe 26 për qind për tregtimin me pakicë, për barnat e listës së barnave të rimbursueshme.
Vendimi i ri për marzhin e barnave me rimbursim
Zbardhet vendimi për marzhin e barnave të rimbursueshme. Në mbështetje të nenit 100 të Kushtetutës, të neneve 4 e 15, të ligjit nr.7870, datë 13.10.1994, “Për sigurimet shëndetësore në Republikën e Shqipërisë”, të ndryshuar, të ligjit nr.7928, datë 27.4.1995, “Për tatimin mbi vlerën e shtuar”, të ndryshuar, dhe të ligjit nr.10 355, datë 2.12.2010, “Për buxhetin e vitit 2011”, me propozimin e ministrit të Shëndetësisë, Këshilli i Ministrave vendosi miratimin e listës së barnave që rimbursohen nga Instituti i Sigurimeve të Kujdesit Shëndetësor, e cila i bashkëlidhet këtij vendimi. Gjithashtu masa e mbulimit të çmimeve të barnave të listës së barnave që rimbursohen, sipas klasifikimit ATC, të jetë në masën 50 (pesëdhjetë) për qind deri në 100 (njëqind) për qind, sipas grupeve terapeutike dhe barnave të pasqyrës I, që i bashkëlidhet këtij vendimi. Gjithashtu masa e mbulimit të çmimit të barnave për alternativën e parë në listën e barnave të rimbursueshme, për kategorinë e pensionistëve, të jetë në masën 100 (njëqind) për qind. Miratimin e marzheve të diferencuara të tregtimit, përkatësisht në masën 10 (dhjetë) për qind, për tregtimin me shumicë, dhe 26 (njëzet e gjashtë) për qind, për tregtimin me pakicë, për barnat e listës së barnave të rimbursueshme, si dhe marzhet e diferencuara të tregtimit me shumicë e pakicë të disa barnave të listës, sipas pasqyrës II, që i bashkëlidhet këtij vendimi. Ndër të tjera ky ligj deklaron se efektet financiare të përballohen nga buxheti i vitit 2011, miratuar për Institutin e Sigurimeve të Kujdesit Shëndetësor, si dhe të ardhurat tepër, të realizuara gjatë vitit 2010 nga ky Institut. Ndërkaq ngarkohet Instituti i Sigurimeve të Kujdesit Shëndetësor të përcaktojë kufizimet në përdorimin, sasinë dhe kohëzgjatjen e trajtimit me barnat e kësaj liste. Ndërkaq vendimi nr.401, datë 1.6.2011, i Këshillit të Ministrave, “Për miratimin e listës së barnave që rimbursohen nga Instituti i Sigurimeve të Kujdesit Shëndetësor dhe masën e mbulimit të çmimit të tyre”, shfuqizohet. Për zbatimin e këtij vendimi ngarkohen Ministria e Shëndetësisë dhe Instituti i Sigurimeve të Kujdesit Shëndetësor ./SOT NEWS (28 Korrik 2011)
Qeveria ka ulur sërish dje marzhin e tregtimit të barnave me rimbursim. Qeveria shfuqizoi dje vendimin e qershorit për miratimin e listës së barnave, që rimbursohen nga instituti i sigurimeve të kujdesit shëndetësor, dhe të masës së mbulimit të çmimit të tyre, duke e zëvendësuar me një tjetër vendim i cili gjithashtu ul marzhin e tregtimit të ilaçeve. Kjo do të thotë dhe më pak fitime për farmacistët dhe grosistët. Në vendimin e qeverisë të datës 1 qershor 2011, marzhet e diferencuara të tregtimit, ishin përkatësisht në masën 12 për qind për tregtimin me shumicë dhe 29 për qind për tregtimin me pakicë, për barnat e listës së barnave të rimbursueshme. Ndërsa me vendimin e djeshëm, marzhet e diferencuara të tregtimit, shkojnë në masën 10 për qind për tregtimin me shumicë, dhe 26 për qind për tregtimin me pakicë, për barnat e listës së barnave të rimbursueshme. 
