-
- Anëtarësuar më
- Jul 22, 2008
-
- Mesazhe
- 3,960
-
- Reagimet e mara
- 349
-
- Mosha
- 36
-
- Vendndodhja
- ,,In your dreams making you happy'' :)
“Bomba e metanit”, kërcënim i ri i ngrohjes globale
Metani nuk ka kohë të shpërbëhet në ujin e detit dhe në sipërfaqe po dalin fluska metani.
Shkencëtarët paralajmëruan se ngrohja globale mund të përshpejtohet për shkak se miliona ton metan do të çlirohen nga nëndeti i Arktikut. Sipas kërkimeve të para, ndërsa zona e Arktikut ngrohet, sasi të mëdha gazi të efektit serë – 20 herë më të fuqishme se dioksidi i karbonit - po ngjiten në sipër.
Orhan Gustafson i Universitetit të Stokholmit, një nga krerët e ekspeditës, u shpreh në një letër nga anija e tyre ruse e kërkimit se, për herë të parë, skuadra zbuloi një zonë intensive me metan, aq e dendur sa “metani nuk kishte kohë të shpërbëhej në ujin e detit por po dilnin fluska metani në sipërfaqen e detit”. Skuadra beson se dalja e përshpejtuar është e lidhur me rritjen e temperaturave në zonën e Arktikut.
Gustafson vazhdoi se “mendimi tradicional ka qenë se sasitë e akujve të përhershëm do të mund t’i mbanin depozitat e metanit të paprekura”. Sidoqoftë, kërkimet e vazhdueshme përmes mijëra kilometrave katrorë në nëndetin e Arktikut po shton faktet “që akujt e përhershëm kanë filluar të çahen dhe të çlirojnë metan”.
Shekulli Online