Deputeti Ben Blushi ka postuar në facebook një foto artistike, përmes së cilës thotë se paraqet realitetin në të cilin ndodhet shoqëria shqiptare.
Kreu i LIBRA-s thotë se elita shqiptare është mbushur me maska që duhen shembur për ngritjen e “lapidarit të dinjitetit” të Shqipërisë.
Postimi në facebook:
Nese ka një pasqyrë për Shqipërinë e sotme, eshtë ky mur i mbushur me maska.
Maska pas të cilave fshihen të paaftë por tekanjozë, biznesmenë dhe bajlozë, idiotë me manikyr por kurajozë, banditë me paruke si kakzozë, politikanë servilë si rrogoz, liliputë, taketuke, raketake,tiktake, tarallake, zhurmaxhinj, kumarxhinj, sherrxhinj, sharrzhinj, dallaverazhinj por grandiozë,gazetarë me qira por karagjozë, televizione që hapen si dollap për lapangjozë, parlamentarë lloz, mavi , blu, të zinj dhe rozë , qeveritarë bozë, pushtetarë mafiozë,të korruptuar, te shitur, të shpifur të shtirur, të mbytyr dhe të zhytyr në blozë.
Të gjithë kanë të përbashkët mungesën e dinjitetit. Kjo është Elita e Shqipërisë e mbuluar me maska si ky mur që duhet shembur dhe do shembet. Mbi rrënojat e tij mund të ngrihet Lapidari i Dinjitetit.
Dritare net