Зngjεll
___________
Deputetët e Tiranës, ata që konsiderohen si njerëzit më të afërt të tij, i bënë një surprizë të këndshme kreut socialist në zyrën e tij në selinë rozë. Ledi Shamku, Sajmir Tahiri, Edi Shalësi, Mimi Kodheli, Dashamir Peza, Rudina Seseri, Elisa Spiropali etj., “të fshehur” në zyrën e tij në selinë rozë, pritën hyrjen e Ramës mëngjesin e djeshëm. Sapo Rama ka hyrë brenda, të gjithë në kor kanë kënduar këngën “Shumë urime për ty”, ndërsa zyra ishte kthyer në një shesh me lule shumëngjyrëshe. Në këtë skenë dhe atmosferë, Rama është ndjerë i mallëngjyer dhe të pranishmit aty kanë dalluar pa vështirësi lotët në sytë e 45-vjeçarit në krye të Partisë Socialiste dhe të Bashkisë së Tiranës. Ishin plot 12 shporta me lule dhe buqeta të mëdha, të cilat kishin të gjitha nga një mesazh për të. Në mënyrë simbolike lulet përfaqësonin 12 qarqet e vendit dhe përveç datëlindjes së Ramës, jepnin dhe një mbështetje të fortë për të në këto ditë të përziera me shijen e rezultatit zgjedhor. Më pas nuk ka munguar shampanja, e cila ishte sjellë nga një mik dhe bashkëpunëtor i ngushtë i Ramës për këtë moment festiv. I pari që ka sjellë një buqetë të madhe me 45 trëndafila në selinë rozë ishte drejtori i Teatrit “Metropol”, Kiço Londo, për t’i hapur rrugë buqetave të shumta që do të vijonin. Më pas Rama ka zbritur në barin pranë selisë rozë, ku numri i njerëzve që e uronin ishte zgjeruar tashmë, ku përfshiheshin deputetë edhe nga qarqet e tjera, simpatizantë të PS-së, që përveç urimit për datëlindjen, i jepnin atij mbështetje dhe kurajo për rezultatin zgjedhor. Ndërsa torta e 45-vjetorit u pre në ambientet e Bashkisë së Tiranës, ku rituali nuk u prish edhe sivjet. Për shkak të situatës politike të ditës, Rama u shpreh dje se, “këtë ditëlindje s’do e harroj kurrë”, ndërsa Sali Berisha gjatë konferencës së djeshme për shtyp tha: “Edi Ramës i uroj gëzuar ditëlindjen. Uroj që vitet që vijnë t’i sjellin më shumë rini”./Panorama/
do e eshoqeroj dhe un me kafe te idhet megjithse e pi gjithmone pa sheqer
