sweetzzinna
Dum spiro, spero くる
Në një intervistë për radion "Deutsche Welle" Kryeministri aktual, Sali Berisha, ka bërë një përmbledhje të ecurisë së procesit zgjedhor të 28 qershorit, duke e konsideruar atë si një nga më të mirët e historisë së demokracisë shqiptare. Kështu, ai pranon për herë të parë se qeveria e tij dështoi përsa i përket liberalizimit të vizave, për shkak të ecurisë jo të mirë të procesit të pajisjeve të shqiptarëve me pasaporta biometrike, duke lënë kështu jashtë ndikimit në këtë vendim të zgjedhjeve të fundit parlamentare.
Zoti Berisha, Komisioni Evropian propozoi më 15 korrik, që strukturat përkatëse të BE-së, të nisin procedurat për heqjen e vizave të udhëtimit drejt vendeve të hapësirës së Shengenit për Maqedoninë, Malin e Zi dhe Serbinë. Shqipëria nuk u përfshi në këtë grup. Si e komentoni ketë vendim të Brukselit?
Përshëndes vendimin e KE-së. Ai përbën një zhvillim shumë pozitiv jo vetëm për qytetarët e atyre vendeve, por për të gjithë rajonin, i cili është i bashkuar në perspektivën e tij evropiane. Sa për Shqipërinë është fakt i pamohueshëm që në disa drejtime kemi vonesa si në pasaportat biometrike, ashtu edhe në plotësimin e ndonjë kushti tjetër. Këto kërkesa nuk janë penalizuese, as diskriminuese. Përkundrazi kërkohet arritja e disa standardeve për Shqipërinë. Tani po përpiqemi të pajisim qytetarët e Shqipërisë me pasaporta biometrike. Nëse më pyet: A prisja që Shqipëria të përfshihej në listën e parë krahas Maqedonisë, Malit të Zi dhe Serbisë? Do të përgjigjem jo - nuk e prisja. Kjo sepse jemi ende me proces zgjedhor të papërfunduar dhe ende nuk ka përfunduar pajisja me pasaporta biometrike. Prandaj e konsideroj një vendim pozitiv atë të KE-së, të Komisionerit Olli Rehn dhe të Zv.Presidentit të këtij Komisioni, Jacques Barrot. Pra, nuk mund të them që Shqipëria është diskriminuar qëllimisht. Jo. Të tjera vende prej vitesh kanë një sistem identifikimi shumë më të mirë se Shqipëria, e cila po e zhvillon tani. Shoh një qëndrim objektiv të KE-së dhe më mbetet të punoj për të plotësuar të gjitha kërkesat për lëvizjen e lirë. Lëvizja e lirë është një zhvillim i jashtëzakonshëm me ndikim real, jo vetëm në Shqipëri, por edhe në Evropë, për këto pjesë të Ballkanit ku vizat liberalizohen dhe është e domosdoshme të bëhet mbi bazën e standardeve të sigurisë më të lartë.
Le të kthehemi në çështjen e ditës në Shqipëri: përfundimin e procesit të numërimit të votave dhe nxjerrjen e rezultatit zyrtar përfundimtar të zgjedhjeve parlamentare të 28 qershorit. Pse po vonon ky proces?
Në historikun e zgjedhjeve, këto janë zgjedhje ku ankesat janë shqyrtuar në kohë rekord, po kështu edhe nxjerrja e rezultatit paraprak. Këto janë zgjedhje, që pavarësisht nga zhurma që bëhet, numri i ankesave është 20 herë më i vogël se në zgjedhjet e mëparshme. Nga 400 ankesa që ka pasur në zgjedhjet parlamentare të 2005-ës, ka vetëm 20-25 ankesa. Këto flasin shumë. Kam dëgjuar që ka patur vërejtje për procesin e numërimit, por ky është numërimi më transparent që është bërë ndonjëherë, numërimi me kamera. اdo çështje e ngritur në qendrat e numërimit të votave mund të verifikohet sepse është e filmuar. Po kështu, subjektivizmin mund ta masim shumë kollaj përmes procesverbaleve.
Në raportet paraprake të OSBE/ODIHR-it për procesin zgjedhor dhe numërimin e votave, klima e theksuar e mosbesimit mes palëve shihet si një mangësi që dëmtoi procesin zgjedhor, sidomos atë të numërimit. Ku i shihni mundësitë që kjo klimë të ndryshojë për mirë?
Ligji dhe zbatimi i ligjit. Rruga më shkëlqyer e një procesi është zbatimi i ligjit. Kundërshtari im politik nuk e pranon humbjen. Por ja që populli nuk ia dha atij fitoren, votoi koalicionin tim, që doli me 4-5 deputetë më shumë.
Zoti Berisha, ndërkohë që priten rezultatet përfundimtare, ndërkohë që Kolegji Zgjedhor do të pranojë ose hedhë poshtë kërkesat e PS-së dhe të PD-së, për të ndryshuar rezultatet e deritanishme të shpallura nga KQZ-ja, ju po projektoni qeverinë e re Berisha-Meta. Cilat janë prioritetet e saj?
Shqipëria evropiane. Një tërësi reformash të gjithanshme, që e afrojnë Shqipërinë me vendet e BE-së. Ky është projekti më ambicioz që kemi paraqitur ndonjëherë, por tërësisht i realizueshëm. Rruga e realizimit janë reformat, reformat dhe përsëri reformat. Shqipëria ka nevojë për reformat, si zogu për ajrin për të fluturuar. Ato nisin që te zgjerimi i të drejtave dhe i lirive të qytetarëve shqiptarë, konsolidimi i institucioneve, pavarësia e sistemit gjyqësor, rinovimi i plotë i infrastrukturës, zgjerimi i lirisë së tregut, zhvillimi i qëndrueshëm rural dhe shoqëria digjitale etj.Shekulli
Zoti Berisha, Komisioni Evropian propozoi më 15 korrik, që strukturat përkatëse të BE-së, të nisin procedurat për heqjen e vizave të udhëtimit drejt vendeve të hapësirës së Shengenit për Maqedoninë, Malin e Zi dhe Serbinë. Shqipëria nuk u përfshi në këtë grup. Si e komentoni ketë vendim të Brukselit?
Përshëndes vendimin e KE-së. Ai përbën një zhvillim shumë pozitiv jo vetëm për qytetarët e atyre vendeve, por për të gjithë rajonin, i cili është i bashkuar në perspektivën e tij evropiane. Sa për Shqipërinë është fakt i pamohueshëm që në disa drejtime kemi vonesa si në pasaportat biometrike, ashtu edhe në plotësimin e ndonjë kushti tjetër. Këto kërkesa nuk janë penalizuese, as diskriminuese. Përkundrazi kërkohet arritja e disa standardeve për Shqipërinë. Tani po përpiqemi të pajisim qytetarët e Shqipërisë me pasaporta biometrike. Nëse më pyet: A prisja që Shqipëria të përfshihej në listën e parë krahas Maqedonisë, Malit të Zi dhe Serbisë? Do të përgjigjem jo - nuk e prisja. Kjo sepse jemi ende me proces zgjedhor të papërfunduar dhe ende nuk ka përfunduar pajisja me pasaporta biometrike. Prandaj e konsideroj një vendim pozitiv atë të KE-së, të Komisionerit Olli Rehn dhe të Zv.Presidentit të këtij Komisioni, Jacques Barrot. Pra, nuk mund të them që Shqipëria është diskriminuar qëllimisht. Jo. Të tjera vende prej vitesh kanë një sistem identifikimi shumë më të mirë se Shqipëria, e cila po e zhvillon tani. Shoh një qëndrim objektiv të KE-së dhe më mbetet të punoj për të plotësuar të gjitha kërkesat për lëvizjen e lirë. Lëvizja e lirë është një zhvillim i jashtëzakonshëm me ndikim real, jo vetëm në Shqipëri, por edhe në Evropë, për këto pjesë të Ballkanit ku vizat liberalizohen dhe është e domosdoshme të bëhet mbi bazën e standardeve të sigurisë më të lartë.
Le të kthehemi në çështjen e ditës në Shqipëri: përfundimin e procesit të numërimit të votave dhe nxjerrjen e rezultatit zyrtar përfundimtar të zgjedhjeve parlamentare të 28 qershorit. Pse po vonon ky proces?
Në historikun e zgjedhjeve, këto janë zgjedhje ku ankesat janë shqyrtuar në kohë rekord, po kështu edhe nxjerrja e rezultatit paraprak. Këto janë zgjedhje, që pavarësisht nga zhurma që bëhet, numri i ankesave është 20 herë më i vogël se në zgjedhjet e mëparshme. Nga 400 ankesa që ka pasur në zgjedhjet parlamentare të 2005-ës, ka vetëm 20-25 ankesa. Këto flasin shumë. Kam dëgjuar që ka patur vërejtje për procesin e numërimit, por ky është numërimi më transparent që është bërë ndonjëherë, numërimi me kamera. اdo çështje e ngritur në qendrat e numërimit të votave mund të verifikohet sepse është e filmuar. Po kështu, subjektivizmin mund ta masim shumë kollaj përmes procesverbaleve.
Në raportet paraprake të OSBE/ODIHR-it për procesin zgjedhor dhe numërimin e votave, klima e theksuar e mosbesimit mes palëve shihet si një mangësi që dëmtoi procesin zgjedhor, sidomos atë të numërimit. Ku i shihni mundësitë që kjo klimë të ndryshojë për mirë?
Ligji dhe zbatimi i ligjit. Rruga më shkëlqyer e një procesi është zbatimi i ligjit. Kundërshtari im politik nuk e pranon humbjen. Por ja që populli nuk ia dha atij fitoren, votoi koalicionin tim, që doli me 4-5 deputetë më shumë.
Zoti Berisha, ndërkohë që priten rezultatet përfundimtare, ndërkohë që Kolegji Zgjedhor do të pranojë ose hedhë poshtë kërkesat e PS-së dhe të PD-së, për të ndryshuar rezultatet e deritanishme të shpallura nga KQZ-ja, ju po projektoni qeverinë e re Berisha-Meta. Cilat janë prioritetet e saj?
Shqipëria evropiane. Një tërësi reformash të gjithanshme, që e afrojnë Shqipërinë me vendet e BE-së. Ky është projekti më ambicioz që kemi paraqitur ndonjëherë, por tërësisht i realizueshëm. Rruga e realizimit janë reformat, reformat dhe përsëri reformat. Shqipëria ka nevojë për reformat, si zogu për ajrin për të fluturuar. Ato nisin që te zgjerimi i të drejtave dhe i lirive të qytetarëve shqiptarë, konsolidimi i institucioneve, pavarësia e sistemit gjyqësor, rinovimi i plotë i infrastrukturës, zgjerimi i lirisë së tregut, zhvillimi i qëndrueshëm rural dhe shoqëria digjitale etj.Shekulli
